1 Pedro 3:8 - Sinia' Jlamtis 1994

⁸ Jlaja, 'napo i'lijwas, 'esiji ka ijnojli wita'm siunie ja woyeyi, siunie askiowe kia'iyojliyi, 'yina ti injwanjliyek'i. Ninemina, akiowe nit'onitieyik'i wita'm, 'yina ká anitonitiejyi'n.

1 Pedro 3:8 ပူးပေါင်းရင်းမြစ်များ

Mateo 18:33

'Yina kiak kawontaja'ni pet pi akiecha, siukia awo'na ti ap'elisi'n.”

Lucas 10:33

Po 'neje siupa i'nio' Samaria jlele ti kia'iyo iniuk'i pak 'nayi yiji pi i'nio'. I'wine wek jla'am ta'a ti iyo ti ip'ilisi'n.

Hechos 2:1

Ti yiyet'iyipi siojopa jloma inlakijnieye jle' iyo'ate Pentecostés, wikie'eyi papo i'nio' Sinia' jilis initotisk'i wita'm.

Hechos 27:3

Jak je iyoyiji siojokia jloma kiecha awakieyi jlaja Sidón. Sek awak'i ti Julio ip'ilisina'ni ja Pablo, jikio' iliena'a kiu wata'a ka ijnoyi japo t'ajajnajwas, ka k'iejliyi pet paka iwoyisi ji'wajieta, ni'ne ka jlaka pa.

Hechos 28:7

Jlajak siujlieja ajnat ti i'niat itijwape'n, sekp'an 'yakamaja'ape siojowa ajnatis jikimet pet siojo i'yena siujlieja ajwel'ni isi', jle' iyo'ate Publio ja i'yena. Jaka'ne siojo iyo si'weta' paj ti saka jlomas najapeja.

Hechos 4:32

'Yina wikie'eyi papo i'nio' Sinia' jilis ti je pini' ijniul wita'm, jitienkiujnieye ijwienjli. Lajk'ipa kawo'ate, “Siu'niwa a'we'en isijmatis ya'am.” Tepa jawo ka kiak je iwo ti ijniul wita'm papo i'nio', inik'isajasi siupuwa jikijmatis ti i'winis.

Romanos 12:10

'Esiji ka ani'namajapi asa'am ti injwanjliyek'i. Wo lajaye ni akiecha, 'ajnat wat ape'e siunie iyo'naja ti iyo ajaye, wikie'eyi napo a'lejwas.

Romanos 15:5

Siunie Sinia' ti naka ti 'netiets'i pijia'm, jla'yi ti iyo asjweyeja', 'esiji ka inoye'ase'm, 'nakayi ti jajnojlie wita'm siunie astankiujnieye iyo, jawo'ate iyot'iyipi pa Sijwajieti Jesús.

1 Corintios 1:10

I'lijwas, etijnape pa Saka'niona Jesús ti Sijwajieti ti wuj ti anip'elisi'niase, ka ijnojlie wita'm siunie jiwoyeyi. Je 'esiji ka ani'wenakitie, 'esiji ka ajwankita siunie jawoyeyi. Siunie asosik kiak jawojliyi janjwanjlik'i, astankiujnieye kia'iyojliyi janjwanjlik'i.

1 Corintios 12:26

Siuti po' pa yi'i pa a'tieje, ijiate kia'iyoye'ijyi pet niwa jijwa'al iliatayi'iji pet. Jlampet ti yi'i pa ti inkaj'ni, 'yina kia'iyoye'ijyi pet siuniwa ijia ti ikatayi'iji pet ni iyo ti inkaj'ni.

Efesios 4:2

Ká anitonitie, ke injwesisa', nilayitie. Emina' napo as'lejwas, 'wanjliyi ka kia'iwo ka poye paka je 'esiek'i paka ine'yase, nip'elisinapi.

Efesios 4:31

Leyeyi siuniwa ti iyo asjlak'aliye, siunie aswak, siu'neje ni ti jleyeyijits'i napo as'lejwas ni siunie iyo, jla'yi ti jisilajiam'ni napo as'lejwas, siu'neje ti ine'wayajamk'i.

Efesios 4:32

Woye'ate siunapo jlosikis po', nip'elisina'. Ká atayetieyi ti k'iejliyi pi iyo'nase, iyo'ate pet pa Sinia' ti wuj ti imp'elisina, ti kia'iyo ti je iyoyi astesa' siunie jiwoyeyi, 'yina ti paka jla'am pa Sijwajieti ti insisieyi.

Filipenses 2:3

Ká aniwunitie; siunie ti janjwela ka ijnonitie ti k'iejliyi pa ti jilisanayi, ká anitonitieyi, 'wenajliyi ti ja anijlasata'yi isia'm. 'Yina kiak jawoyeyipi 'ate, “jla'm ijiate wek jla'am napo i'lijwas ti jle' po'.”

Filipenses 3:16

'Yina ja 'yena 'ni si'niayi 'ni anokk'i 'nakayi, sekyi'i janajliyijna'a ti jayoki.

Colosenses 3:12

Sinia' 'nama'ase, je nakata siu'neje ti int'ayejits'i, 'nakayi ti ja asama siunapo jika kia'lis pet. Jak je iyoyiji ti jawoye as'wuye siunie askap'ijliuskiye ti ijiate ti tajla'm ni asosik ti 'es, ti ja ena'yi napo as'lejwas. Siupa isitia'n, ti japoye wenajia'm. Ká anitonitie, ke injwesisa', kamaja'.

Hebreos 13:1

Siuti as'nayi ijwienjliyik'i ape'e pi Sijwajieti, jlomas ti jakinieyi siunie asemijnaye ti jlena'yi napo as'lejwas.

Santiago 2:13

Kajeyepa ka netieje siojona jloma ti Sinia' jan'ye'en ni jitis iyo, i'nio' ni je ip'ilisi'n napo ijia kiak janwoyeyinie'e pit Sinia' ja ke imp'elisi'n. Jlampet siunie ti wuj ti takap'ijliuski, janakaye pet ti jwajla'a awo ti jant'an pijia'm.

Santiago 3:17

Jlampet siunapo ti ijiate ti tal Siniayi siunie iyo ti 'yije'en, napokaye pet ti kia'iyo ti siunie inia'an ti yiyi ti 'najleje'n ni jlosik; je ti'wena ka iwoyi jijliak'aliye puwa wask'i'nelaja, 'wenajliyi ti 'yakama; siupi ijia iyo kawoyi its'iuye. Takap'ijliuskijyi'n; je ti'wena paka jikeye ka je 'esie iyom wita'm papo 'namaja, jla'yi ti je yinjlajap naka nik'emijieye; isis napo i'nio'.

Santiago 5:11

Siunapo i'nio' ti to'm ilia'm ni siunie iyo ti inilayiti, napok ti a'wenajata, awokie 'ate wujwat ti 'es. Jla'yi ti 'najanayi siupi iyot'iyipi pa Job ti kia'iyo ijiate ti jla'am ti 'yakajli ti wuj ti inilayiti siupi iyo pi yiyi, kajeyepa ti je ini'manit. Jla'yi ti 'najanayi siupi iyo pit pa Saka'niona, ti jlam wuj ti 'es ti iniuyeje ts'iji jlaje ti its'iuye 'wet'e siupi jiwet'ia iyo. Tepa jawo ka kiak je iwo ti jlam kia'iyo pi Saka'niona ti je paj ka je imp'elisijne'n napo i'nio'.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Pedro 2:17

Wo lajaye ni akiecha; 'esiji ka i'namajayi napo as'lejwas; je 'es ka je ijnots'inayi ni Sinia'; woye lajaye siunie saka anechiyas Roma jlele.

1 Pedro 5:5

Siuti asa'am ti jwemik'iase'm, 'esiji ka k'iuyeyi siunapo as'lejwas ti paja ni Inamtik ti iyoyi, ti ijliu'wase'm. Awoma wita'm ti awo'nase 'ate, ká anitonitiejyi'n, 'wenajliyi ti janip'elisina'. Noyeje ni akiecha, kiak jawo pit ni akiecha. Jlam'ne iyo'ate siuniwa inamtis t'ipi, “Sinia' teje'yi ilia'm siunapo i'nio' initonit, jlampet siunapo je initoniti'n napoka pet ti iniuyeje, wuj ti ip'ilisijne'n.”

2 Pedro 1:7

Siuti ja akajlajyi ka noyets'i ni Sinia' ji'niayi ni tijnajyi, sekjane'yi ka ajalasanie'eje ape'e siunie ti jawoye as'lejwasa'. Siuti ja akajlajyi ka woye as'lejwasa', sekjane'yi ka ajalasanie'eje ape'e ka akajlajyi ka asemijnaye poye.

1 Jn 3:14

Sa'am pajk'i ti ajwayeje jana ts'ajlati, sekyi'i ti awakieja'ajme jana si'wasankiye. Semijnaye ena'a napo si'lijwas it'imina ti kasts'ajane pi awonaja. I'nio' ni je 'nama 'yaka ti je t'ekijyi ki iyo ti yiji jana 'najlati.