1 Pedro 3:22 - Sinia' Jlamtis 1994

²² ti ijio poliyi, ti yiji'n 'nijiye jlepi pa Sinia' ti tome jijweyeje. Ti injlojwajnas poli jlele jika anechiyas, siu'neje puwa injweyejes ti yiji ni poli, siu'neje puwa inwunitieyejes wikie'eyi ti yi' kiajwe.

1 Pedro 3:22 ပူးပေါင်းရင်းမြစ်များ

Mateo 22:44

“Saka'niona iyone 'ate ni Ika'niona, Wejen 'ne to'm ijwiyeje, jlampa jayinana'a akiajwe napo akojwas.”

Mateo 28:18

Sekyi'i Jesús ijliasayi, iyo'ne 'ate: —Inia' yikialk'i ka iyo anechiyasa' ape'e wikie'eyi siuniwa yi' poliyi, siu'neje niwa yi' ajnat'e.

Marcos 12:36

Siupa David, siojopa Sinia' jikimet initataja'm ti yamtijie'n ti iyoye 'ate: “Saka'niona iyone 'ate ni Ika'niona, Wejen 'niji ijwiyeje, 'yina je ijiate ka je yinna'a akiajwe napo atajiejwas ti ja 'ask'i'ni.”

Marcos 16:19

Itime siupa iyo ti tamti, Saka'niona Jesús tikiniejayi 'niji poliyi, sekyi'i yiji'n 'niji jijweyeje pa Sinia'.

Lucas 20:42

Jlam'ne paka jla'am David ti iyo'ate ti yiji niwa sálmojos: “Saka'niona iyone 'ate ni 'Yaka'niona, Weje'n 'nijiye ijwiyeje,

Juan 13:32

Siuti I'nio' Jlas i'winki'ne ki iyo ti tonitie pa Sinia', kiak janwo pet ni Sinia' jan'wenki'ijne pet ki iyo ni jijweye iyo pet, ja ke pajayi wata'a.

Hechos 1:11

Iyonat'iyijpe 'ate japo injlojwajnas: —Galilea jlele, ¿yot'iyi'ni ti astaj je liena' poliyi? Kiaka ki Jesús ti yi'iji aska kiowe'e janapimet'eje jawo'ate ti ji'wenats'i ti yam pijia'm, ka 'nestana'a.

Hechos 3:21

'Nakayi lapakawo ti 'esiji siunie tiwonaja ka nekiu poliyi, jlampa ka Sinia' intemayijna'a siunie iyo ti ilisank'i siuniwa wask'i'nelaja. 'Yina jlam pak je iyo jiwekie'e ti kia'iyo, kajeyepa ti iyo jla'am niwa jlamtis ti yi'i ni ji'wet iyot'iyipi papo Sinia' jijwejlanawos ti isis ti ijwi'il.

Romanos 8:34

¿Tempa jankajli 'neje ka iwo'ate, “Po' ni jitis napoka”? ¡Lajk'ipa! Sijwajieti Jesús jla'am ti initiajnat ki sitis iyoyi pakayeyi ti 'ya'al, siu'neje ti iniu kisie'e ti tajli pa a'no', 'nakayi ti yi 'niji yi'i pa Sinia' ti tom 'niji jijweyeje, jlama pet ti kasts'ajlane'ni pa Sinia'.

Romanos 8:38

Itiej awoma ti 'yaka ti lajk'ipa ka kasjlan'ni pet, ka kaslane wita'm ni siunie Sinia' jlemijnaye, 'wanjliyi ka janakaye siliaye, ni'ne ka jakaye jana in'wasankiye, ka napokaye injlojwajnas poli jlele, ni'ne ka niwakaye imose'l, ni'ne ka niwakaye siuniwa jijweye iyo niwa yiji pet ni poli, ni'ne ka niwakaye siuniwa wask'i'nelaja yiji siu'niwa jlomas, ni'ne ka niwakaye siuniwa janejyi ts'ijiye,

1 Corintios 15:24

Sekyi'i nakaye pet ti iyo'ate yiyi ni jlaj ni ajnat, sekyi'i ti nakaye pet ni siunie ti iyo'ate ka Sijwajieti intat tajak'i isia'm napoka siunapo iniwojwa'n anechiyasisa', siu'neje niwa iyoyisi, siu'neje niwa injweyejes ti yiji ni poli, jla'yi ti janekial ni jika anechijiayas ni Sinia'.

Colosenses 3:1

Ijiatjliyi, siuti asa'am ti pajk'i ti jiniuyets'i kisie'e, ti injwanayeyi'i pi Sijwajieti ti jitiajlajyi pi a'no', woyeyipe astankiujnieyejayi siuniwa wask'i'nelaja ti isis ts'iji ti yi' poliyi, yi'i pa Sijwajieti, ti yiji'n jijweyeje pi Sinia'.

Hebreos 1:13

Je ti'wena pa Sinia' ka kiak iwone ka ne'yi paka jijliujwanikie' poli jlele ka wone 'ate: “Wejen 'nijiye ijwiyeje, jayi'n akiajwe napo atajiejwas.”

Hebreos 1:3

Jla'am ti jla'al ti 'esi' pak Sinia', jla'yi ti nak jipe'el pa Sinia' siupa k'iejliyi. 'Yina jlam'neje ti 'yitk'i pijia'm wikie'eyi niwa wask'i'nelaja, ti isiene niwak jlamtis ti jijweye po'. Ti itimayi siukia iyo kia jikijmaye ti initiajnat sik'ioye kiwa soski'layis, sekyi'i yiyeje'n 'niji poliyi jijweyeje yi'i pa Sinia' ti iyo anechiyasa' ti wuj.

Hebreos 1:6

Jak je iyoyiji siuti 'yakajanitia'm napo i'nio' yi'i 'ni ajnat, siu'neje napo poli jlele pet ni jlas ti iniajnat, iyone'ne 'ate: “Wikie'eyi siunapo ijliujwajnas poli jlele, 'esiji ka wunitie.”

Hebreos 10:12

Jlam'ne pet pa Sijwajieti Jesús ijwienjliyik'i jiwek ti kiak iyo ti jlam jla'am ti iniwe'n ape'e niwa inkeyis, sekatajaje ti jajnok'i'ni. Jak je iyoyiji siuti wakal, 'yina yiyeje'n 'nijiye jijweyeje pa Sinia'.

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.

Hebreos 4:14

Jesús ti Sinia' jlas, nak saka pa'yijis jika anechiyas wuj, ti pajk'i ti i'yakajna'm ni poli. Tempi it'imina ti je 'es ka ilikiape ni siunie awonaja ni sitienkiujnieye ti 'es.

Hebreos 8:1

Siunie ti ijiate ti laja po', siu'nie ajwela'ni naka ni siunie ti awo 'neje 'ate: Ti po' siunie saka pa'yijis jika anechiyas wuj ni siunie i'nio' ajwel'ni. Jla'am ti yiji'n ts'iji jijweyeje yi'i pi Sinia' ti lajk'ipa ka ijnojliji poliyi.

Hebreos 9:24

Kajeyepa ti Sijwajieti je nak siunie i'nio' jilisanik ti siunie jipe'el jiwek ni Sinia' ji'wet ka'noyi. 'Yina tijnats'iyi ti 'yuyi ni poli, siuniwa jlomas ti yi' jitieyi'i ni Sinia' jla'am ti t'ajli'ni pet siuniwa iyo niwa asetiana.