1 Pedro 3:21 - Sinia' Jlamtis 1994

²¹ Paka i'niat t'ipi, pak ti'yenajap pet ni i'nio' ti tiniejiena, naka'ne ti it'imina ti jijwaye 'nakayi. Siunie ti tiniejienapa je ka inlej niwa 'najwes, 'najata ti t'ajlajaje pi Sinia' siunie ijnosik ti ink'ie' ti 'najleje'n. Siu'neje ti kasjwajiet pa Sinia' ti kasts'isisi pi Saka'niona Jesús ti iniu kisie'e ti tajli pi a'no',

1 Pedro 3:21 ပူးပေါင်းရင်းမြစ်များ

Marcos 16:16

Siupa ja ke inkakiu'n paka ja tiniejienajape, pak janjwayepe, jlam pet siupa ti jankakiu'n, jitis japoye pet.

Hechos 2:38

Pedro isiujlie papo ti iyo'ate: —Woye asosikis ink'iejyisa', janwopi pa ka ijiatayi, pak tiniejienajape, ti janetijnapeje ni Sijwajieti Jesús jle', ja 'nakayeyijna'a ka Sinia' inetiajnat niwa askeyis iyo. Sekjane'yi ka wena'asemna'a jana Sinia' jikimet ti 'es.

Gálatas 3:27

'Naka 'neje jla'am siunie ti inajiejnasts'ase'm, sekyi'i ti injwanjliyeyik'i pi Sijwajieti, jiwoyeyi as'wuye ti jla'am.

Hechos 22:16

Nisiamaja'ni, ká anijwatanitna'a; ninajie'n nineyine pa Saka'niona, kanlej niwa ajoski'la iyo.

Efesios 5:26

Kiak iyone kajeyepa ti iyo ka ilesa'n pa Sinia' napo jilis. Iliji pi i'niat pakayi ti tiniejienaja'n, siu'neje ti iliji niwa Sinia' jlamtis.

1 Pedro 1:3

¡Jayunitie pa Jinia' pa Saka'niona Jesús ti Sijwajieti! Jla'am ti kasts'isisi ni jikap'ijliuskiye ti je jlase', 'yina ti iniujwata kisie'e pi Sijwajieti Jesús ti tajli pi a'no', sekyi'i ti ekiajlajayi'iji siunie awoki iyo ti 'nelanjie'e ti atajlaja'm jana set. It'imina'ne ti po' siunie sinijijwiye ti laj jlaja,

1 Corintios 12:13

Wikie'eyi, 'wanjliyi ka napokaye Judíojos, siu'neje napo je Judíojos, siunapo inkipijnas, siu'neje napo ti je inkipijnas, ti kasnajienaja'n ti kaswomk'i wita'm pa Saka'niona, ti iyo ka kasjwanjlik'i, jla'yi ti ijwienjli siojopa Sinia' jikimet ti kasts'esi ti kassetijnape. Jla'yi ti kaswikie'eyi ti kas'yayinaja siunie ti jla'am janak Sinia' jikimet.

Colosenses 2:12

Jak je iyoyiji siuti inajienajajyi'n, 'yiniye ka imp'onaja'yi ti aslaye iniuj wita'm ni Sijwajieti. Kiak iyojliyi siuti jiniuyets'i kisie'e ti jitiajlayi ni a'no', 'yina as'nayi ijwienjliyi ti yapi pijia'm. Lapakawo ti je kakiuye siunie Sinia' jijweye ti naka ti iniujwa'n kisie'e ti jla'am.

Mateo 28:19

'Yina maye'ni, joyek'i'ni napo i'nio' yi' ape'e 'ni ajnat ka wo ika kia'lisa' pet. Najienajyi'n, najiene ni Inia' jle', jla'yi ni Jlas jle', siu'neje jana Inia' jikimet jle'.

Hebreos 9:24

Kajeyepa ti Sijwajieti je nak siunie i'nio' jilisanik ti siunie jipe'el jiwek ni Sinia' ji'wet ka'noyi. 'Yina tijnats'iyi ti 'yuyi ni poli, siuniwa jlomas ti yi' jitieyi'i ni Sinia' jla'am ti t'ajli'ni pet siuniwa iyo niwa asetiana.

2 Corintios 7:1

I'lijwas ti yimijna'ase'm, kia'iyo siuniwa ti je niliaja ti Saka'niona ijwilts'e'm ts'ijiye. It'imina ti janisiamaki ti janilejek. Jalijik 'niwa ts'ajwes, jla'yi ki iyo niwa sikiojwa'l. 'Yina janinayeje wita'm ti janilesanaja'n jitieyi'i pi Sinia', jla'yi ti wuj ti ja ijiuskiyeje.

1 Corintios 4:6

I'lijwas, ejnapeje jiwek ask'ioye pa Apolos siu'neje ti ya'am, 'yina nak ja 'nesieyi, ja'nakayeyijna'a ka je akama'yi ape'e siuniwa inamtis. Pajk'i ta'a ti yi'i ni ji'wet, jla'yi ti ja lajak'ipa ka ijnonit pi jikiecha siupa ti taka'neyasan'ni, ti kia'iyo yapijne'n pi jikiecha.

Hechos 16:33

Siukia ti ajnaj kioweja, jlam jla'am ja 'nayiwo ti ilijits'i kiwa ink'ajnatis ji'wetis. Itime sekyi'i ti Pablo iniejiena ja ijiawo siu'neje japo ji'wet jlele.

Hechos 8:36

Yamat'i'nijpe, yiyisi siupa yi'i japa i'niat, sekyi'i ti iyo'ate pak i'nio': —Siujlie'e i'niat. ¿Tempa jantomi'ni ijyik'i ka siniejiena?

Romanos 5:14

Jlam'ne ti tajlap'e puwak jlomas yi'i pet pa Adán, paj ti yiyeyi siupuwa jlomas yi'i pet pak Moisés, siojona 'najlati wikie'eyi siunapo i'nio' iyoyi ni jike' yiyis kiajwe, 'wanjliyi siupa jike' iyot'iyi pet papok je kiak iyoyeta 'ate iyo pak Adán, ti je its'iuye pa Sinia' iyontaja. Adán iyoye 'ate siunie ti jipelta pa siunie ti je 'yakajli'ijyi ti ja'nes, paka t'ipi pa Sijwajieti.

Hebreos 11:19

Lapakawo pa Abraham ti jlosik itiej ape'e siunie jijweye ni Sinia' ti po'. 'Yina siunie ti ka inekial pijia'm siunapo 'yajle'n, je ijlie'en, 'yijene pi iyone. Ijiatjliyi, jak je iyoyi pa Abraham ti yikiajlayi'i ti jlas yijap, 'yiniye ka ijiatayi ka pakaye a'no' ka intajla'm ka ink'iewe ilia'm.

2 Corintios 1:12

Po' ni siunie iyo sinikanitieyeja'. Jlajmiliet siuti awak aska kiowe'e, lajk'ipa ka sikioweja ka je 'esie ka ininekiajlaja, siu'neje ti lajk'ipa ka ijiatayiji ka into'm isiame. 'Yina siuti kia'iyo, je tajle siunie iyo ti kasts'ajajne'n, 'wenajliyi jla'am pa Sinia' ti jikap'ijliuskiye po' ti iniuyits'e'm, paka ti tajle, it'imina ti kasts'isis ti awak'i ape'e 'ni ajnat.

1 Timoteo 1:5

Tempi it'imina ti ekiaj'la pet naka ti ajloye'a'm, 'nakayeyijna'a napo Sinia' jilis ka inenjlajap ni jlemijnaye ti tajla'm niwa jlosikis ti isis, jla'yi ka intajle siunie ti i'nialkitk'iyi ti jitiej iyoma pa Sinia' siu'neje ti jantajle ti ja lajak'i pa ka k'iejliyeyi paka jitiej wujwayisk'i ka iwo t'ajwejliye.

Hebreos 9:14

'Yina jlampet siunie Sijwajieti ji'woyis ti kia'iyo ti tisa'ni jla'm ijiatayi jla'am ti 'yaka'm ape'e niwaka ni jijweye iyo. 'Yina Sijwajieti siunie t'oniye ti 'es po'o siunie ti jla'am ti ininekiajle pi Sinia', ka lajak'i pet ki iyo janaka Sinia' jikimet ti 'es, ti je paj ka netia'n. Siunie Sijwajieti ji'woyis kia'iyo initiajnat sik'ioye siuniwa sitienkiujnieyejes ti je isis siu'neje ti ijialts'e siuniwa je isis ti kastone jana ts'ajlati ti ja kasnetia'n. Sek jane'yi ka 'yakajlajanie'e ka iniukieje naka Sinia' ti je paj ka inetia'n.

Hebreos 10:22

Jak je iyoyiji jajioki pi Sinia', ja'nialkitak'i na sosik, siu'neje na sitienkiujnieye ti 'es jalisanaja'n. Siunie iyo ti je akakiuk jajwienkitak'i, 'yina ke k'iejliyeyi paka iyoki sitienkiujnieyejak'i wita'm ka jiniliakie pa, lapakawo ti pajk'i siuniwa ts'ajwes ti tilijiki'n, ti tilijiki siunie i'niat ti 'es.

Hebreos 13:18

'Esiji ka kasts'ajlan'ni, 'yina ti je k'iejliyi pa ka je 'esie ka iyoki ts'ajwejliye ka nejyi'ni ni sitienkiujnieye, alenjlipa ti ajwela ka ijiatayi ka 'esieyiji siu'nie aniwonaja.

1 Pedro 3:16

'Yina ja ke anitonitiejyi'n, lesanayiji ti jakiujlieyi. Nilesanayiji, 'nakayeyi ti ja lajak'i paka astesa' ilia'm pa Sinia', siu'neje napo i'nio'. Jak je iyoyiji ja jwejlanatak'i wita'm siunapo i'nio' inlakiye ti injwela ti je 'es siunie jiwoyeyi ti jiniuyeyeje pa Sijwajieti.

Juan 13:9

Simón Pedro iyone'ne 'ate ja Jesús: —Ijiatp'ane, ja ke 'niwakatajana'a niwa isietis ti alejk'iji'n, jwane'e 'niwa isioye ka lejk'iji'n, siu'neje jli ijyitik ka leje.