1 Pedro 3:20 - Sinia' Jlamtis 1994

²⁰ Papoka siupapo i'nio' t'ipi, yiji pet siupuwa jlomas yiji pa Noé, ti je its'iuye pa Sinia'. Wuj ti inilayiti paj ti wakajla t'ipi siojopa kasejkana ti wuj, ti Noé ilisane. Ijwienjli ni sikio' itij'we najape tom'niji pa nojt'ijiampe jiwek, papok i'nio' ti tijwajyi'n ka lajak'i pa i'niat.

1 Pedro 3:20 ပူးပေါင်းရင်းမြစ်များ

Mateo 7:14

'Nak k'ieyi wek ni siunie 'wuk kiwet siu'neje na 'nayi siunie ijioyi janak in'wasankiye, jla'yi ti ti'nita, je 'loj napo i'nio' iniuk'i naka.

Lucas 12:32

“Nijweyitie, asa'am ti iliajwasts'ase'm siuniwa 'wolepo' ti je in'lojwa, siunie Asna' wuj ti ipini'yase'm janwojwana anechiyasisa' ka awayetiejenie'e ni jika anechijiayas pet.

Hechos 2:41

Ijiatjliyi siupapo je takakiunisi siupi iyo ti tamti, papok tiniejienajan'ne. Pak siupa jloma ti tres mil papo i'nio' ti t'opiyiji papo Sinia' jilis.

Romanos 9:22

'Yina kiak iyoyi, siukia Sinia' iyot'iyipi, lapakawo ti iyo ka inkajanit pet ni jijweye iyo, siu'neje ni jiwak itioyi'i puwa jlomas yijni k'iye pa ti inilayiti wek napoka siunapo ti 'yaka ti jansa'ak'i, jla'yi ti janetiajnate.

Efesios 5:26

Kiak iyone kajeyepa ti iyo ka ilesa'n pa Sinia' napo jilis. Iliji pi i'niat pakayi ti tiniejienaja'n, siu'neje ti iliji niwa Sinia' jlamtis.

Hebreos 11:7

Siupa Noé ti je 'yakakiu pa Sinia', sekyi'i its'iuye siupa Sinia' iyone ti ijwijla'm siupa jawo ti janeyi siupuwa ti jitiete je i'winjli'ijyi. Pakayi'ne pa Noé ti ilisane japa kasejkana ti iyo ka injwajiete'n papo ji'wet jlele. 'Yina siupa ti je takakiu'n, paka ti 'yakajanit'i ape'e papo i'nio' ti jitis po' 'ne ajnat'e, jlampet pak Noé Sinia' pak yiniji pet ti ilisajne'n siupa ti je 'yakakiu.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Pedro 1:9

'Yina je 'wena paka it'emina ki iyo ni jiwoyeyi ti inkasajyi'n naka ti Sinia' injwajietajyi'n, nak tajle siunie iyo ti je jikakiuye.

1 Pedro 2:25

Kajeyepa ti pajk'i jiwoye'yi 'ate niwa 'wolepo' ti netiajne'n, 'yina 'nakayi ti jlapijlieyi pi Sijwajieti, ti jlam ti i'ye'nase'm iyoye pet 'ate ni sontas jiwo ti ijiate pet ti i'yena niwa jiliajwas.

1 Pedro 3:19

'Yina siuti kia'iyo jisiak'al, ijioyi puwa insak'alis ti inkipijnas, ti iyo jlamtikie'.

1 Pedro 4:19

Ijiatjliyi, siunapo ti jlampa Sinia' ti tajle naka ti inilayiti siunie iyo ni jijliak'ali, 'esiji ka je ink'ijliayis'ni. Janekjliyisi ka woyi ni siunie 'es, jlam ininekialjliyispe jikiojia'm pi Sinia', ka wujwa ka'yena ti jlam ti jilisajna', ti jlam ti je paj ka netiajni siunie iyo ka woyi.

2 Pedro 2:5

Ka kia'iwo pa Sinia' ka imp'elisi'n siupapo i'nio' t'ipi inian sik'ioye, 'yina ijliuyi pi pejlatiok ti itijwk'i'ni papoka i'nio' t'ipi ti ijiate ti je isis. 'Yina ijwienjli jla'am pa Noé ti ijwiejiet, ti jla'am ti iyoyi jlamtikie' siunie 'esk'i, siu'neje papo ijwien sikio' itij'we times tom'niji ji'wet jlele.

2 Pedro 3:15

'Esiji ka ataj 'enayi 'ate siunie iyo ni Saka'niona ti inilayiti ti its'iujwsajap ka k'iejliyeyi paka iyoki ka sosik itiejenitie, kajeyepa ti iyota ka ijwieye. 'Yina sikiecha Pablo ti kasts'amaja kia'iyo niwaka pajk'i ti ijwilts'e'm, tajle siojona 'najankijnieye ti Sinia' iwijna'm.