1 Pedro 3:17 - Sinia' Jlamtis 1994

¹⁷ Siuti ti tal Siniayi naka ka kiak awoyeyi, ejlo'o wekie'e ka anilayitieyi, jlam'ne je niliak siunie jiwoyeyi. Je nak kant'emi'nase, ni siunie je 'es ti kiak jiwoyeyi.

1 Pedro 3:17 ပူးပေါင်းရင်းမြစ်များ

Mateo 26:39

Yama wat ts'iji t'akosayi wek seka'a, jitiokiots'i 'yitayi ajnat'e ti inip'elisini pa Sinia', ti iyo'ate: —Inia', ka poye pi jikiecha paka iniwone, sijwajiete siu'nie yat ti pajyi, 'naka 'nak iliaye jawo ti jats'a'al. 'Yina 'esiji ka ama'a'm ti jantaj'la, je 'esiji ka yama ka intalk'i.

Mateo 26:42

Sekyi'i ti yama'aja ti iyo t'ajlayeja', jakayi ti timesieyiji ti yam'ni. Iyo t'ajlayeja' ti iyo'ate: —Inia', siuti kia'iyo ja lajak'iyi paka iniwone ka ijwieji 'na iliaye ti jats'a'al, 'yina kia'iyo lapakawo ka 'esieyijina'a ka ama ti jantaj'la.

Hechos 18:21

Iyone'ne 'ate, ti inijwelayi: —Je ijiat ka je ini'wenajna'a, ka Sinia' iwotajanie'e ka ijio'wase. Sekyi'i ti tisiojmayejamk'i, tejeye 'niji Cesaréaja.

Hechos 21:14

'Yina a'wena ti je akajla ja Pablo, sekyi'i awok'ne 'ate: —'Esiji ka jlama jla'am pa Sinia' siupa iyo kawo.

1 Pedro 1:6

Nak it'imina ti 'esiji ka anikanitiets'i wita'm, 'wanjliyi ti janilayitieyi kiu' siuniwa wask'i'nelaja ti inkajejlasaye ti ijwienjli je k'iejliyi, ti iyo asjlak'aliye.

1 Pedro 2:15

'Yina nak Sinia' iyotajank'iye kawoyeyi ni 'es, ja 'nakayeyi siunapo i'nio' ti lajk'iyi pakawo, ti je 'yijejne'n, ja ke 'najanayisijpe siuniwa ji'lija jiniliaja ni janojwatits'i ka injwelis kanta'yi aselia'm.

1 Pedro 2:20

Jak je iyoyi ti jiwoyeyi pa je 'es, sekyi'i ti aska anechiyasas isieye'asejme ti nak itiajlat'ase'm, ijiate 'wanjliyi ka ini'netie'yi ti janilayitieyi 'yina jlajmi wek ti janilana'yi ape'e. Jla'am je iyoyeyi pit ti jant'emi'nase naka ni 'es ti jiwoyeyi, nak ijiate jla'am ti laja po', Sinia' ijnonitieyi pet naka.

1 Pedro 3:14

'Wanjliyi ka kiak awoyeyi ti jane'ase ni asjlak'ali 'yina ti jiwoyeyi ni 'es, ijiate Sinia' janoye'ase'm jamp'elisina'. Ke ijnots'inayi paka k'iejliyeyi. Ká awoye asjlak'aliye,

1 Pedro 4:15

Siuti po' ni kia'iyo ti inilayiti pi jijliak'ali, je 'es ka nakaye ka int'emina, ti jankalanki ni i'nio', ni'ne ka inkajla'n pa', ni'ne ka nakaye siuti ini'noti siupa iyo papo pi jiwet'ia.

1 Pedro 4:19

Ijiatjliyi, siunapo ti jlampa Sinia' ti tajle naka ti inilayiti siunie iyo ni jijliak'ali, 'esiji ka je ink'ijliayis'ni. Janekjliyisi ka woyi ni siunie 'es, jlam ininekialjliyispe jikiojia'm pi Sinia', ka wujwa ka'yena ti jlam ti jilisajna', ti jlam ti je paj ka netiajni siunie iyo ka woyi.