1 Pedro 3:14 - Sinia' Jlamtis 1994

¹⁴ 'Wanjliyi ka kiak awoyeyi ti jane'ase ni asjlak'ali 'yina ti jiwoyeyi ni 'es, ijiate Sinia' janoye'ase'm jamp'elisina'. Ke ijnots'inayi paka k'iejliyeyi. Ká awoye asjlak'aliye,

1 Pedro 3:14 ပူးပေါင်းရင်းမြစ်များ

Mateo 10:28

Ke ijnots'inayi napoka siunapo ti 'yijene pi iyone ka inetiajnat ni 'assie'n, 'yina siunie asak'al nak je 'yijene paka wone ka inetiajnat. Jla'm ijiatayi jla'am siunie ti 'yijene pi iyone ti initiajnat ni 'asie'n, siu'neje ni asak'al, nak jla'm ijiate jla'am ka ajoskiye. Jla'yi ka intateje nak siunie inlaye 'wet ti laj jlaja.

Mateo 10:39

I'nio' ni initejna'm ni jiliaye, nak ja ijiatayi ti janetia'n; jlampet siunie ti je inite'en ka kiak iwo, nak jan'we'en jana ji'wasankiye ti t'o'n.

Mateo 16:25

Kajeyepa siunie i'nio' je iyo ka jiwet'ia poye, nak janetia'n. Jlampet siunie ja ijiatayi ja ke inleyi ti janajmin'ni ijyik'i, nak jan'we'n pet jana ji'wasankiye.

Mateo 19:29

Siunie na'm ijyik'i, ti sek iliyik'i'ni japa ji'wuk, siunapo ji'niayi ijwienjliyi, ni'ne ka jiniaye pa, ni'ne ka jleta japa, ni'ne ka jilisa', ni'ne ka jika ajnata pa, jajwi'lase'm ti je ijiat ka je inkama ape'e niwak siuniwa initiajnatayi, janamek'i siojona ji'wasankiye ti laj jlaja, ti jan'we'en ni i'nio'.

Marcos 10:29

Jesús iyo'ne 'ate ti isiujlie: —Ijiatk'i siunie jayoyi, ti siuti japoye siunie ti janajmin'ni ijyik'i, ti naka jla'am ni Sinia' jika'niye ti 'es ti iyoyi, 'yina ti iliyi jiwek seka'a japa ji'wuk, siupapo ji'niayi ijwienjliyi, siojopa jlet jinia' kia'iyojliyi, ni'ne ka jilisa' papo, jika ajnat, awo'ate siuti je t'ekijli'ijyi ape'e 'ni ajnat 'yina jlajma ijiatayijijna'a pet ti janjwos niwa ji'wukila, janjwos napo ji'niayi ijwienjliyi, janjwos napo jiniewota, jika ajnatis kiak iwojliyinie'e, jilis janjwos, 'yina jla'm janajataja pet siunie ja tiwonaja ti ja titieye ilia'm. Ma ja jejliye pet ti siunie jloma jana'am siojona ji'wasankiye ti t'o'n jantaj ni i'nio'.

Marcos 8:35

Kajeyepa ti siunie janite'en ka kiak tiwonaja ni siunie inilayiti, nak janjla'an pet. Jlam pet siunie ja ke initejna'm ni jiliaye jawoyi, 'yina ti lapakawo ti ya'am ti ijiate ti jat'imina ti iyoyi siunie 'es kawoyi, siu'neje ni inka'niye ti 'es, nak janjwa'a pet.

Juan 14:1

“Ká awoye asjlak'aliye. Ataj womayi pi Sinia', jla'yi ka ataj womak'impe.

Juan 14:27

“Siuti jayik, jaliyi asap siunie ti ja akamaja. Awe'nase'm 'ni ikamankiye, siunie ti je iyo'ate ni tajle pet 'ni ajnat, siunie iwi'in. Ke injlak'alajyi'n, jla'yi ka je k'iejliyeyi paka ijnots'inayi.

Hechos 9:16

Ja'winkijna'm ti jayama ti jat'imina ti ja wujwa ti janilayiti siunie ja tiwonaja.

2 Corintios 12:10

'Yina awo'neje 'ate, inikanitiejeye yiji ti kiak awoyi laj it'iuniye, siu'neje ti ajyi naka ti siliakik, siu'neje ti po' jana jloma ti lajk'iyi pa ka k'iejliyeyi paka i'wi'in, siu'neje ti po' napo ti teje ijyilia'm, siu'neje ti akk'i pi Sijwajieti ti ijiate ti istie' ni i'niayi. 'Yina siupet ti kia'iyo ti laj ijwiyeja', sek tajla'aja pet ni ijwiye ti Saka'niona iwink'i'm.

Filipenses 1:29

'Yina je nakata ti Sinia' iwi'nase'm, ka je akakiuye pa Sijwajieti, siu'neje ti jinilayitieyi pi k'iejliyi ti po' pa yi'ase ape'e pi Sijwajieti.

Santiago 1:12

Sinia' wuj ti ip'ilisi'n siunie to'm ilia'm, jla'yi ti inilayiti siuniwa inkajejlasayejes ti iyo sijliak'aliye. Jak je iyoyi niwaka siunie ti je 'yakajle'n ni i'nio', its'iuyeja pet ji'wet'e, janak ji'wajiet jana in'wasankiye siojona Sinia' ijwijla'm napo i'nio', ti itiliaja kanwejna'm, siunapo 'namaja.

Santiago 5:11

Siunapo i'nio' ti to'm ilia'm ni siunie iyo ti inilayiti, napok ti a'wenajata, awokie 'ate wujwat ti 'es. Jla'yi ti 'najanayi siupi iyot'iyipi pa Job ti kia'iyo ijiate ti jla'am ti 'yakajli ti wuj ti inilayiti siupi iyo pi yiyi, kajeyepa ti je ini'manit. Jla'yi ti 'najanayi siupi iyo pit pa Saka'niona, ti jlam wuj ti 'es ti iniuyeje ts'iji jlaje ti its'iuye 'wet'e siupi jiwet'ia iyo. Tepa jawo ka kiak je iwo ti jlam kia'iyo pi Saka'niona ti je paj ka je imp'elisijne'n napo i'nio'.

1 Pedro 3:6

'Yina siojopa Sarajimpe kiak iniwone, ti iyoyi siupa jik'iemjla iyo ka woyi, it'imint'iyijpe ti kiak iyone'ni pi jik'iemjla Abraham, “Ika'niona”. 'Yina japak aset japa Sara, siuti jiwoyeyi ni 'es, je k'iejliyi paka je injweyets'i.