1 Pedro 3:13 - Sinia' Jlamtis 1994

¹³ Siuti askio' ja ena'yi ni siunie 'es ka woyeyi, ¿tent'ipa jankajli ka k'iejliyeyi paka iwo'naja ka je 'esie?

1 Pedro 3:13 ပူးပေါင်းရင်းမြစ်များ

Romanos 13:3

Siunapo i'nio' anechiyasas je napoka siunapo isis ka intaye, ka inkelitk'i'ni, 'wenajliyi jla'am siunapo iyoyi siunie je 'es. Jak je iyoyiji siuti jiwo ka akama, jla'yi ti je wo ka k'iejliyeyi paka iwo'naja napok anechiyasas, woyi ni siunie 'es, sek jane'yi ti jan'we'en.

Romanos 8:28

Kasts'ajane 'neje ti siunapo yimi'n ni Sinia', sa'am ti Sinia' tants'e ti itiliaja jla'am kawoyi, wikie'eyi k'iejliyi pa yits'e, jla'am ti itime ta'a pi iyone, 'yina naka'ne ni siunie kasts'isisi ti iniuyits'e'm.

1 Corintios 14:1

Injwesiejayiji'n pet k'iye siunie asemijnaye ka'wena', jwanayi'i siuniwa tajle jana Sinia' jikimet ti iyo ji'wajieta napo. Siunie jijweye ti iwijna'm ni i'nio' janak Sinia' jikimet siunie jikijmaye ni injwejlanik jiwo, nak jota ijiatayiji ka injwesiejayiji'n pet k'iye, jak je iyoyiji ka ajwelayeyipi pet napo as'lejwas siupi iyo janak Sinia' jikimet.

Efesios 5:1

Siuti asa'am ti jilists'ase'm pa Sinia' siu'neje ti jlemijna'ase'm, 'esiji ka niwonayi 'ate iyo ti jla'am.

1 Tesalonicenses 5:15

Joskiyeyi ja lajk'ipa ka intayiti pi jikiecha siuti k'iejliyi pi iyone ti je 'es. Ja 'wenajliyi ti ja injwesiejayiji'n siunie 'es ka akimayi, jla'yi ka ena'yi wikie'eyi napo i'nio'.

1 Timoteo 5:10

janakaye siojona i'nioki ti pajk'i ti titiant'ieki ti'wena ape'e pi jikijmaye ti 'es ti iyoyi; siojona wuj ti 'es ti i'yena papo jilis; t'oniye inka'a ti i'wi'n ilia'm papo i'nio' ti ijioyetaja; siojona ilij niwa jisietis papo Sinia' jilis; jla'yi ti wuj ti iniuyeje napoka siunapo ti po' pa jijliak'ali; siojona 'yakatate ti iyoyi siuniwa isis.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

3 JuanMary Thureson 1:11

Isiecha ti yiminik, ká aki niwaka ti je isis, woyi jla'am niwaka ti isis. I'nio' ni iyoyi siunie 'es, nak tajle ni Sinia', jlampet ni iyoyi siunie je 'es, nak je itiant'ieje pi Sinia'.