1 Pedro 3:10 - Sinia' Jlamtis 1994

¹⁰ Siuniwa inamtis t'ipi iyo'ate: “Siunie i'nio' ja 'namaja jana ji'wasankiye jla'yi ti iyojonk'iye ka'we'en ni jinikanitieyi, 'esiji kan'yena ni jikiwet, ja lajak'i puwa siuniwa je isis jika sintijieyis ti jantajlat jikiwetk'i.

1 Pedro 3:10 ပူးပေါင်းရင်းမြစ်များ

Mateo 19:17

Iyo'ne 'ate ja Jesús ti isiujlie: —¿Yot'iyi'ni ti si'yaseje'n siunie 'es? Ijwienjli jla'am ti 'es, naka Inia'. Siuti jiwojonk'iye ka ajia'm janak in'wasankiye ti laj jlaja, woyi niwak Inia' jlamtis yi'i ni ji'wet.

Marcos 8:35

Kajeyepa ti siunie janite'en ka kiak tiwonaja ni siunie inilayiti, nak janjla'an pet. Jlam pet siunie ja ke initejna'm ni jiliaye jawoyi, 'yina ti lapakawo ti ya'am ti ijiate ti jat'imina ti iyoyi siunie 'es kawoyi, siu'neje ni inka'niye ti 'es, nak janjwa'a pet.

Juan 1:47

Jesús iyo'ne 'ate ti i'wina ilia'm ja Natanael: —Siunie 'la'n ilia'm, nak Israel jika kia'le ti lajk'i paka t'oniye ka je 'esie.

Juan 12:25

I'nio' ni 'namaja jana ji'wasankiye, nak janetiajnat, jlam pet ni i'nio' ni ne'waja ni ji'wasankiye ape'e siu'nie ajnat, nak po ta'a pet siojona ji'wasankiye laj jlaja ti yiyi.

Santiago 1:26

Siuti po' ni i'nio' inijwe'el ti iyo'ate, “Ya'am Sinia' jlask'i'm”, siuti ji'lij je 'es, jlam ti inikajyi'n. 'Yina siunie ijwil ka jitienkiujnieye poyeyi ni Sinia', ijiate laj lajaye siunie iyo.

1 Pedro 2:1

Naka'ne ti kiak awo'nase, leyeyi wikie'eyi siuniwa je isis, siunie ti jik'emijieta napo as'lejwas. Ká anitewijnatayik'i siunapo i'nio' ijwil kanses, ajolsinaye ke e'ne ni akiecha, ataj ká ajotie ni akiecha.

1 Pedro 2:22

Siupi Sijwajieti je iyo jikeye ka paja, jla'yi ti je ti'wena ka inkelit'ni paka ne'yi paka i'nioye.

Apocalipsis 14:5

Japoka ni siunapo ti laj jika sintijyisa', 'yina ti 'najli ni jlosik.