1 Pedro 3:1 - Sinia' Jlamtis 1994

^1-2 Siupet ti asa'am ti asejnia'ase'm, ti asjwa'yis po', 'esiji ka k'iuyeyi napo asjwa'yis, lapakawo ti jleye kiajwe napo asjwa'yis. Ja 'nakayeyijna'a siunapo je iyoyi kiwa Sinia' jlamtis jaleyeyijna'a ti 'yakakiu pa Sinia', 'wanjliyi ka je amtiye'yi napo asjwa'yis. Jansets'ia kajeyepa ti jan'wena ti jiwoyeyi ni 'es, jla'yi ti jik'iuyeyi.

1 Pedro 3:1 ပူးပေါင်းရင်းမြစ်များ

Mateo 18:15

“Siunie akiecha ti po' ni je 'es ni iyo'na, joyi jwankite'n, jwejla'm siunie ti je 'esk'i iyo'na. Siuti jank'iu'wa'm, ijiate naka ti jikajle'n ni akiecha.

Romanos 10:16

'Yina je wikie'eyi ka iwoyi nak inka'niye, iyo'ate iyot'iyipi pa Isaías ti iyo'ate, “'Yaka'niona, ¿tempa je kaskakiuk siunie iyo ni ajwela?”

Romanos 6:17

'Yina inikanitieyi poyi pi Sinia' kajeyepa siuti pajk'i siunie inke' jikipijna'asempe, jlam'ne 'nakayi jlam je woyeyi, jik'iuyeyi siunie Sinia' 'neyasanayi siunie ti jikima'yipe.

Romanos 7:2

Iyoye 'ate siojona asejnia ti tijwa'yi, siunie inka'neyasajnaye nak yiyis kiajwe siuti 'wanjle'e pi jik'iemjla. Jlampet siuti 'ya'al pa ayinie, siunie jijweye naka inka'neyasajnaye tijwayeje pet.

1 Corintios 11:3

'Yina siunie ti awotajank'iye pet ka 'najanayi ti siunie Sijwajieti naka ni jletik ni i'nio', na ayinie jlam ti jik'iemjla jletik, 'yina jlampet siunie Sinia' naka pet ni Sijwajieti jletik.

1 Corintios 14:34

siunapo asejnia 'esiji ka k'iuk'iate ti yiyetajas 'wuk kiajwe, kajeyepa ti laj ji'niayija' ka inkasit ka intamti pet. 'Esiji kank'iuye napo jijwa'yis, iyo ka tiwoki niwa inamtis yi'i ni ji'wet.

1 Corintios 7:16

Kajeyepa ti siuti a'am ti asejnia'a'm, ¿'najant'iyipi jiwone, ti ts'ijiye jajwajiet ni ak'iemjla? Siu'neje ti a'am ti ayinie'a'm, je 'najane paka awone ti ts'ijiye ja ajwajiet jana ak'iemjla.

Efesios 5:33

'Yina ja inwikie'eyeyi 'esiji ka i'namajayi jana ask'iemjla, wonayi 'ate ti jininemina'. Kia'iyojliyi pit jana asejnia je 'esiji ka je awoye lajaye ni ask'iemjla.

Colosenses 3:18

Jlampet ti asa'am ti asejnia'ase'm, ti asjwa'yis po', k'iuyeyi napo asjwa'yis 'yina napoka ti jiwaye kiajwe. 'Yina ti kiak jota woyeyi, ti asa'am ti je kakiuye ni Saka'niona.

Colosenses 4:5

'Ye'en, siu'neje ka anilesanayiji jitieyi'i napo i'nio' ti kakiujnietas. Ká akajyina japaka jlomaye.

2 Tesalonicenses 1:8

ti janame ti jan'ye'en ti jansa'a napoka i'nio' ti ijiateje ti teje'yi ilia'm ni Sinia', siu'neje napo ti je iyo ka ink'iuyeje ni inka'niye ti 'es ti ijwi'il pet pa Saka'niona Jesús.

Hebreos 11:8

Siupa Abraham ti je 'yakakiu pa Sinia', jak je iyo ka t'onieyi'i pet k'iye ti tanayi, sekyi'i iwise'ni siupa ajnat Sinia' pajk'i ti ijwijla'm ti yikiajle ka ne'yi. Jak je iyoyi siuti yamat'ipi ti janjlase japak ajnat tijwelaja'm, 'yina jlam ya'am jiwekie'e ti je 'yijene paka intajyi.

Hebreos 5:9

Jak je iyoyiji siuti yiyek'iyi siunie iyo ti lajak'i pa ka inetia'n, 'yina nak 'esieyi pet wikie'eyi napo i'nio', ti iyoyi ji'niayija' ti ijioyi ni jijwajieti ti laj jlaja, siunapo ti iyoyi niwa jlamtis.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Pedro 3:7

Jlampet ti asa'am ti ayijniests'ase'm, 'najanitie ilia'm siunapo asjwa'yis, jla'yi kawoye lajaye, 'yina ti jla'am ti je t'o'n. Siu'neje jana ji'wajietayis ti Sinia' ijwijla'm je t'an pijia'm, kasjnojlits'i siunie iyo pit jana tijwela'ase'm janaka as'wasankiye. Sek jane'yi ka lajak'ina'a pet paka inalk'a k'iye siuniwa asts'ajlayejes.

1 Pedro 4:17

Lapakawo ti yiyi siojona jloma ti ja kas'yena, sam kasjnajnata ti Sinia' jilists'e'm ti kas'yena. 'Yina siuti kia'iyo, ¿tepat'e jawo pit siupapo ti ijiate ti je its'iuye ni siunie Inamtik?