1 Pedro 2:8 - Sinia' Jlamtis 1994

⁸ “Janaka siojona sisaj ti ja ke piniye siunapo ti jant'as kiajwe ja'nopijietk'i isia'm.” Siuti kiak jawo, ti jant'opik'i isia'm, 'yina lapakawo ti jlamayis jla'am ti je its'iuyisie niwa Sinia' jlamtis; lapakawo ti jlam titiejietajape ti 'nelanjie'e.

1 Pedro 2:8 ပူးပေါင်းရင်းမြစ်များ

Lucas 2:34

Sekyi'i Simeón jikio' yink'i'ne ape'e, ti iwijna'm pa 'es, sekyi'i iyone'ne 'ate jlaja María: —'Yejne'n, siu'nie kia'le jant'emina napo Israel jlele ti ja 'lojwa napo janetia'n, ni'ne ka injwa'a. Jla'am ti ts'ijiye ka pajata ti ja 'lojwa napo i'nio' ja ke inki'm ilia'm,

Romanos 9:22

'Yina kiak iyoyi, siukia Sinia' iyot'iyipi, lapakawo ti iyo ka inkajanit pet ni jijweye iyo, siu'neje ni jiwak itioyi'i puwa jlomas yijni k'iye pa ti inilayiti wek napoka siunapo ti 'yaka ti jansa'ak'i, jla'yi ti janetiajnate.

1 Corintios 1:23

jlampet ti sa'am awoki samtikie' naka ni siunie Injwajieti ti Sinia' jijliujwanik ti tena'a pijia'm japa cruz. Naka'ne ti siunapo Judíojos ti ijwi'il ikajyi'n ni jitienkiujnieye ti 'es, siunapo ijia i'nio' iyoyits'i 'ate, “Ijiat ti jiniliaki naka.”

2 Corintios 2:16

Siunapo ijioyi jana 'najlati, yiji jana 'najlati jini. Jlampet siunapo ijioyi ni jijwajieti, ji'wasankiye pet nak jini. ¿'Yina tempa 'yakajli nak inkijmaye ti kia'iyo?

Gálatas 5:11

Jlampet ti ya'am, napo i'lijwas, siut'itie ka kiak iyo ka je iliyi ka iyo yamtikie' ka iyo'ate, “Siunapo i'nio' itienkiuni pi Jesús ti je 'yakakiu, je 'es pet ka kiak je iwoyi ti ja jijwa'al tejwak'iji'n”, ijiate ka tilikietak'i siunie tiwonak'i, sekjane'yi siunie ajwe'el ti Sijwajieti tik'iejwata'a japa cruz ja ká ani'na'tinietieyi.

1 Tesalonicenses 5:9

Lapakawo ti je naka ti Sinia' isimats'e'm ka jiwak inents'e'm, 'wenajliyi ti iyotajank'iye pet ka itiejek jana sijwajiete ka itiajlajaje pi iyo pi Saka'niona Jesús ti Sijwajieti.

1 Pedro 2:6

Nak it'imina siuniwa Inamtis t'ipi ti iyo'ate: “En ts'iji yi'i jana Sión jana sisaj, siojona ti 'yotate jana 'wuk, ti ya'am ti isio' jlele, ti wuj ti laja po'. 'Yina siunie ja ke inkakiu janaka nak ja ke ink'emi.”

1 Pedro 2:7

Siuti ti asa'am ti je kakiuye, janak sisaj je jwajla'anitie, kajeyepa ti ijiate ti laja po'. Jlampet siunapo ti 'yakakiuyis, sekyi'i ijiatk'i'ne pet siuniwa Inamtis t'ipi ti iyo'ate: “Siojona sisaj ti 'wukiu'ul jiwos iwit'iane, 'yaka jla'm iwo ti janakaye'eje siojona sisaj ti ijiate ti laja po', kajeyepa ti 'yit pijia'm jana 'wuk.”

2 Pedro 2:3

'Yina ti jwesiejayisink'iye ka 'wena jana wikiniet'aj, napoka i'nio' jawo jlamayisi siuniwa askijmatis ti ji'wena ti jajna'lase, kajeyepa ti ja ke jwajla'aja siunie jawoyi ni jika'neyasajnaye. 'Yina ke injlak'alak'i wita'm, kajeyepa ti ja jlaj poye siunie iniwonisi, 'yina pajk'i ta'a ti wakal siunie inijijwijyink'iye, naka ti Sinia' jan'ye'en siunie jitis iyo. 'Yina ja lajak'i pa ka iniwonisi, ja ke injwayisi siunie jiliaye.

Judas 1:4

Kajeyepa ti po' siunapo i'nio' ijiuski'lajne'n ti ini'not'i aswa'm ti yi' aska kiowe'e, 'yiniye ka ijiatayiji ka intaj'l aswa'm, lapakawo ti inip'o'nase wek. Sekyi'i ti ijwila ka ijiatayiji ka ineki siunie jikap'ijliuskiye ni Sinia', 'yina nak isienayi siuniwa ti iyo ni siuniwa itiliaja ka iwoyi siuniwa je isis. Ijiate ti 'yakajanitk'i ti 'yakakiu pi Sijwajieti Jesús, ti jla'am ti ijwienjli ti saka anechiyas. Napoka siunapo i'nio' ijwilt'ipi siuniwa inamtis ti isis, ti 'yaka ti jajnoyi ni siunie jiwet'ia napo ti netiajne'n.