1 Pedro 2:7 - Sinia' Jlamtis 1994

⁷ Siuti ti asa'am ti je kakiuye, janak sisaj je jwajla'anitie, kajeyepa ti ijiate ti laja po'. Jlampet siunapo ti 'yakakiuyis, sekyi'i ijiatk'i'ne pet siuniwa Inamtis t'ipi ti iyo'ate: “Siojona sisaj ti 'wukiu'ul jiwos iwit'iane, 'yaka jla'm iwo ti janakaye'eje siojona sisaj ti ijiate ti laja po', kajeyepa ti 'yit pijia'm jana 'wuk.”

1 Pedro 2:7 ပူးပေါင်းရင်းမြစ်များ

Mateo 21:42

Jesús kiak iyoye'ijyi 'ate: —¿Jet'i ji'yena'ijyi siuniwa inamtis t'ipi ti iyo'ate: “Siojona sisaj siunapo 'wukiul jiwos iwit'iane, jla'aka p'an siu'nie jloma ti jiateje ti laja po' ti 'yaka'm ape'e niwa ijia. Lapakawo ti je 'wena paka kiak iwone naka ni Saka'niona. Siuti a'wena ni jikijmaye iyone, wuj ti kasteliaja”?

Lucas 2:32

kates ti janata'n ape'e siunapo i'nio' je Judíojos, janakaye jiwunitieyeja' napo aka kia'lis ti tajla'm ni Israel.”

Lucas 2:34

Sekyi'i Simeón jikio' yink'i'ne ape'e, ti iwijna'm pa 'es, sekyi'i iyone'ne 'ate jlaja María: —'Yejne'n, siu'nie kia'le jant'emina napo Israel jlele ti ja 'lojwa napo janetia'n, ni'ne ka injwa'a. Jla'am ti ts'ijiye ka pajata ti ja 'lojwa napo i'nio' ja ke inki'm ilia'm,

Lucas 20:17

Jesús i'yejnen'ne papo ti iyoye 'ate: —Jakajliete, ¿ten jiat'eje siupi ijwi'il siuniwa Sinia' jlamtis ti yi'i ni ji'wet ti iyo'ate: “Siojona sisaj 'wukiu'ul jiwos iwit'iane, janakap'an siojona ti jla'm ijiatayiji ti 'es, 'nakayi laja po'”?

Juan 4:42

Sekyi'i'ne ti tiwonaja'ne 'ate jlajak i'nioki: —'Nakayi je pi amkataja siuniwa iyo niwa amtis ti jikajwejlants'e ti je akakiuk, 'yina ti kia'iyo ti sa'am ti ape'yak. Jla'yi ti ijiate ti kasts'ajane ti jla'am ni siunie Jijwajieti napo i'nio' yi' ape'e 'ni ajnat.

Hechos 26:19

“Kia'iyo, 'ni 'yaka anechiyas Agripa, ka kia'iyo ka 'yuma ilia'm ki iyo ki a'we'en ti tal poliyi.

Romanos 10:21

Isaías ti ijwi'il papok Israel jika kia'lis, iyoyet'ipi 'ate: “Atejwik'i wek ki jloma ti isio' ajatieje'ni napoka i'nio' ti je tipechiji'n siu'neje napo ak'aliyijin'ni.”

Romanos 15:31

'Nakayi ti ja lajak'i paka iwonk'iji siunapo i'nio' kakiujnietas yi' Judéaja. Jak je iyoyiji siuka yitajanie'e siunapo si'lijwas yi' Jerusalenne, wuj ti ja inkasaja'n ka yikialtajanie'e siujlie'e ji'wajietiyis.

2 Corintios 2:16

Siunapo ijioyi jana 'najlati, yiji jana 'najlati jini. Jlampet siunapo ijioyi ni jijwajieti, ji'wasankiye pet nak jini. ¿'Yina tempa 'yakajli nak inkijmaye ti kia'iyo?

Colosenses 2:10

siupet ti asa'am, Sinia' tipo'ase, kajeyepa ti jini'nopijietayiji pi Sijwajieti, siunie ti jla'am ti jletik wikie'eyi niwak injweyejes.

Tito 3:3

Ti pajk'i kassoski'lajne'n, je awoki kats'iukie niwa Sinia' jlamtis, akamak'iji'n. 'Yina ti 'loj siuniwa kasteliaja, sakeyis ti ijwienjli je k'iejliyik'i, niwaka'ne ti iyo jikipijnasats'e'm 'yina ti awak kiajwe. Wuj ti je 'es ki awoki; awoki ni solsijnieye; kasse'waja napo si'lijwas, kia'iyojliyisi pet ti ne'wats'e'm.

Hebreos 11:31

Jlampet siojopa i'nioki ijia jwa'yis jiwoki siojopa jle' iyo'ate Rahab, ti kia'iyo je 'yakakiu pa Sinia'. 'Yina jiliaye je iniuyi wita'm siupapo no'we ti tilianaja'n ti kakiujnietas, lapakawo ti jla'am i'mieniti'n siupapo Israel jika kia'lis ti ijwikk'iji'n siupapo Josué jikawosjimpe.

Hebreos 4:11

Jak je iyoyiji pet ti sa'am 'esiji ka ijialasaja janak ajnat, 'yina je 'esiji'ni pet ka poye pa ka inekk'i siunie ji'niayi iyot'iyipi papok i'niot'ipi ti 'yakakiuyis, it'imint'iyijpe ti jiwet'ia poyis.

1 Pedro 1:8

Ijiate je 'wenayeta pi Sijwajieti Jesús t'ipi, 'yina je woyejliyi ti i'namajayi; siu'niwa jlomas kia'iyojliyi, je 'wena pi k'iejliyi, 'yina jikiniejliyi jiwekie'e ti jitienkiunieyi. It'iminayi ti wuj ti inkasajyi'n, lajk'ipa ka k'ieyeyi ni asnikanitieyi iyo, ti je ti'niejenaja paka tiwonaja ka tijwelajak'iji'n.

1 Pedro 2:4

Ká atonitiejyi'n ni Sijwajieti, ti jla'am siojona sisaj ti iyo'ate ni i'nio' ti ji'wasankiye po'. Siojona sisaj ti tiwet'ianaja, jlam'ne ki iyo Sinia' jlam ti isi'me, lapakawo ti i'wi'in ti wuj ni laja.

1 Pedro 2:8

“Janaka siojona sisaj ti ja ke piniye siunapo ti jant'as kiajwe ja'nopijietk'i isia'm.” Siuti kiak jawo, ti jant'opik'i isia'm, 'yina lapakawo ti jlamayis jla'am ti je its'iuyisie niwa Sinia' jlamtis; lapakawo ti jlam titiejietajape ti 'nelanjie'e.