1 Pedro 2:24 - Sinia' Jlamtis 1994

²⁴ Sijwajieti jla'am ti atelkinaja wikie'eyi siuniwa sakeyis ti je isis 'wanjliyi ape'e ti yi' ape'e japa cruz. Ja 'nakayeyijna'a jayok masesie jitieyi'i ni sake', sekyi'i ti ja kas'wasajne'n pet k'iye ni siunie tijnajyi. 'Yina ka lajak'i puwak ji'wetis puwa tikienaja ti tiliana, puwaka'ne ti insisieyi, it'imina ti jijwayejyi pa aslaye.

1 Pedro 2:24 ပူးပေါင်းရင်းမြစ်များ

Mateo 27:26

Pilato ijiatjliyi jikio' ilie'ne ja Barrabás, sekyi'i ti takajlunieyi ja Jesús ka ijiawos ink'a'ni. Itime ti yikiajlayi ka ink'iejwatits'i japa cruz.

Mateo 5:20

Nak ajwe'lase'm ti awo'ate, siunie jiniwonayi ti jiwoyeyi ni 'es, siuti ja ke akama'yi ape'e napok Fariséojos, siu'neje napo jiwos pet nak Moisés jika'neyasajnaye, ajwe'lasem ta'a ti ja laja as'nayija' ka 'oyeyi ni Sinia' jika anechijiayas.

Mateo 8:17

Sekyi'i ti jiwekie'aja ti 'yaka siupi iyot'iyipi pa Sinia' jijwejlanik jiwo Isaías ti iyo'ate: “Jla'am ti ijialts'e niwa ts'ajwes t'a'ti, siu'neje niwa siliayejes.”

Marcos 15:15

'Yina Pilato ti iyojonk'iye ka 'esieyi wita'm japo i'nio' it'imina'ne ti jikio' ilie'ne ja Barrabás. Jlampa titimajayi ti tak'ajak'ni ja Jesús ti tokis ik'a'ni. Sekyi'i ti yikiajlayipi japo i'nio' ka ink'iejwatits'i japa cruz.

Lucas 4:18

“Saka'niona jikimet yi' itipe'e. Jlam ti ts'otatiji, ti iyo ka ijwile siunapo p'ijliusis ni inka'niye ti 'es. Jla'am ti sijliuyi siunapo inkipijnas ka ijwile ni injwajieti ti po'. Siupet napo talojo' iyo ka 'wijnajne'n. Siu'neje napo i'nio' inilayiti ti tisiejek'i'yi, ka ijwiejiete'n.

Juan 1:29

Siukia ti jlomaye'eje, jakayi'ne ja Juan ti i'wi'n ilia'm ja Jesús ti ijioyi. Iyo'ne 'ate ja Juan: —¡'Yena'yi ilia'm siunie naka Sinia' jiliajwa 'wolepo 'woma, ti initiajnat ni jloski'la napo i'nio', ti Sinia' ijliu' ajnat'e!

Juan 19:1

Pilato ijliuye japo tokis ka inkimits'i ka ink'ajas'ni.

Hechos 10:35

'wanjliyi ka je Judío japa, siunapo toskiye pa Sinia', iyo siunie 'es jla'yi ti iyo siunie Sinia' iyo.

Hechos 10:39

Sampe ti a'wenaja ti yi' Jerusalenne, siu'neje ti yi' Judéaja. Paj ti tilianajape, ti tena'a pijia'm jlaja cruz.

Hechos 13:29

Ijiatjlit'iyijpe ti nojwa'asia'm siupa iyo puwa inamtis siupa ja tiwonaja, jiwekie'aja t'ipi ti tenaja'n pa t'ajwes mases, ti tokiji pa a'no' ti titijik k'iye.

Hechos 5:30

Sitise'l Jiniajimpe pet paka'ne pinitia iniujwa'n kisie'e ti tajli pa a'no', siupa ti jlena pijia'm ape'e japa cruz, ti jilianayepe ja Jesús.

Romanos 6:11

'Esiji ka kiak aniwonayiji pet, ataj enayi'ni 'ate ka kiak awoyeyi ka masesie'ase'm jitieyi'i ni inke', 'yina jlampet ti jini'nopijietayiji ni Sijwajieti Jesús, naka pet ti in'wasanajyi'n intajietayi ka noyeyeje ni Sinia' ni jikijmaye.

Romanos 6:13

Ke ekiajlayi niwa 'asjwes ni siunie inke' ka 'nakayeyi ka inkiene ni siunie je 'es ka woyeyi. 'Yina jla'm ijiate jla'am siunie jawoyeyi ti janinekiajlayi ni Sinia' ti asa'am siunapo ti pajk'i ti iyo masesie' jitieyi'i ni siunie inke', 'nakayi siuti jlekiajlayi'ijyi ti in'wasanajyi'n. Ekiajlayi ni Sinia' niwa 'assienis, 'nakayi ti jantajieta pet siupa 'es ti jankijmajne'n.

Romanos 6:16

Jlam'ne 'najanayi ti siuti jininekiajlayi pa yi'i pa, 'yina jiwoyeyi siupa iyo ka woyeyi, kajeyepa ti jikipinik'ia'm, 'yina ti jik'iuye siupa ijliuye'a'm. 'Yina kiak iyoyiyi pet siu'nie ti jik'iuye naka inke' ijnoyeyiji jana 'najlati, jlam'ne pet ka k'iuyeyi ni Sinia' siunie iyo ka woyi nakata pet ka ijnajietajyi.

Romanos 6:2

¡Jeyi, je 'esiji! Kajeyepa ti masests'e'm jitieyi'i ni inke' jayoyi. Jakajliete, ¿yot'iyi'ni jiat'eje ka 'esieyiji ka jlam inajliyiji ka iyoki naka sake'?

Romanos 6:22

Jlam'ne 'nakayi jijwayejyi ni siunie iyo'nase ni inke' ti inla'nitiejyi'n, jiwoye Sinia' jikawosa' ti jiniuyeyeje ni jikijmaye. 'Yina jla'm ijiate jiwek jla'am ti i'nesieyi, kajeyepa ti nak jitiajlayi ti 'nelanjie'e insisie, yiyi ts'iji Sinia' i'notata, jla'yi ti nakaye pet ti iwi'nase'm jana as'wasankiye ti t'o'n.

Romanos 6:7

Kajeyepa ti 'yal pa, 'yina tijwajyi ni siunie jijweye ni inke'.

Romanos 7:6

Jlam'ne 'nakayi ti masests'e'm jitieyi'i naka inka'neyasajnaye, ijiate ajwayeje siukia iyonts'e, ti iyonts'e jikipijnasats'e'm. Sekyi'i anisakanaja pet ti anokieje ni Sinia', kajeyepa ti je pa awakie kiajwe ni siuniwa inlesajna' ti naka inka'neyasajnaye, anokiek'i pet siunie ji'niayi iyo janak Sinia' jikimet, janaka in'wasankiye ti ink'ie'.

1 Corintios 15:3

Ta'ape ti 'eyasanayi siunie ti kia'iyo akimpe ilia'm. 'Yina nak 'eyasanayijpe: ti Sijwajieti jla'am ti iniwe'n ape'e niwa sakeyis, pakayi ti 'ya'al, iyo niwa inamtis t'ipi ti yi'i ni ji'wet.

2 Corintios 6:17

Tempi it'imina pi Saka'niona ti iyoye'eje 'ate, iyo siu'nie: “Tonitiejyiape'n siunapo jitiej iyoma siuniwa iyo jika diosisa', tajla' jikiowe'e. Akio' ká ena'yi pi k'iejliyi ti insot, siuti jawoyeyi 'ni i'lij jasimana aselia'm.

Gálatas 3:13

'Yina Sijwajieti ijiut ts'iji siunie siliaye ti atajlajaja ni inka'neyasajnaye t'ipi, kajeyepa ti iniwojwa'n jilianikie' ni siunie siwet'ia iyo, ti iyo ka kasjwajiet. Siuti iyo'neje 'ate niwa Sinia' jlamtis, “Sinia' jiwet'ia jane'ne siupi i'nio' ti ja tena'a pijia'm japa a'la'.”

Efesios 5:9

'Yina siuniwa jla' iyo jana kates jla'al naka ti jlosik po' ni i'nio', siu'neje ti tiwoki siunie ti tijnajyi, siu'neje ti ijiatk'i.

Filipenses 1:11

'Yina kajeyepa ti ja impo'ase siuniwa jawoyeyi ti jantajle pet siunie 'es ti jawoyeyi, ka lajak'i ni Sijwajieti Jesús, jant'emina ti ja tiwunitie pa Sinia'.

Colosenses 2:14

'Yina Sinia' 'yojmatk'iji'n sik'ioye siukiwa inamtis yi'i ki imp'esinik ti ijwi'il ti sitis poyi ilia'm, sekyi'i ti ijiutie jlam ts'ijiye ti initojmate, sekyi'i its'iejwat'e 'ne japa cruz ti wikijnies 'yitajamk'i.

Colosenses 2:20

Aslaye iniuyi wita'm pi Sijwajieti ti 'ya'al, kajeyepa ti jiwoye masesie' jitieyi'i niwaka siuniwa injweyejes ti je 'yaka. 'Yina ¿yot'iyi'ni jiat'eje ti 'yiniye ka mawat je atajlajyi ni iyo pit ni ajnat, 'yina ti jik'iuyeyi siuniwa inamtis ti iyo'ate,

Colosenses 3:3

Siuti pajk'i ti aslaye iniuyi wita'm pa Sijwajieti ti 'ya'al, siojona as'wasankiye ti ijiatk'i je 'yaka kajeyepa ti yijliyi'ijyi pi Sijwajieti ti yijap pi Sinia'.

Hebreos 10:10

'Yina ijwienjliyik'i wek ti kia'iyo ti iniwe'en ti ijioyi japa 'najlati sekatajaje. Siuti je 'yaka'm ape'e siunie Sinia' iyone siunie iniwone, 'yina nak kasts'isisi'ne pet kajeyepa ti Sinia' ijiatjliyi ti kasts'otat.

Hebreos 10:5

'Yina kiakak'i'ne siukia ti Sijwajieti na'me 'ni ajnat, sekyi'i iyone 'ate ni Jinia': “Siunie ti je wojonk'iye siuniwa wask'i'nelaja tilianajan'ni, siu'neje niwa tiwoki'ni in'wajietisa', 'yina naka p'an ti jiwoye 'isiena'.

Hebreos 12:13

Noyets'i siunie 'nayi ti tijnajyi, 'nakayi ti siuti janok'i siunie iyo'ate ni jisiet je 'es, ja 'esieyi ka nok'i, kajeyepa ti jajnajyi'ne pi jisiet ti soyojia'm.

Hebreos 7:26

'Yina pa'yi jika anechiyas wuj siunie kia'iyo, naka ti awoktajan pet k'iye. Jla'am ti 'es ti laj jikeye, 'yina lajk'ipa ka k'iejliyeyi ka je 'esie ka iwoyi. Sinia' je jnanjliyi siunie ijioyi'i ti itionitiape'n napo i'nio' ti inkeyis jiliajnis, ti 'yaka'm ape'e ni poli.

Hebreos 9:28

Sijwajieti kiak iyoyi, ijwienjliyiji wek ti ininekial ti ijioyi ni jiliaye iyo ti 'ya'al ape'e niwa jikeyis napo ti itijlia. 'Yina janekiajle'eje ti ja'nes, 'yina ja ke niwakaye'ne niwaka inkeyis ka na'm ape'e, 'wenajliyijna'a jla'am ti janame siunapo inijijwijyi'n k'iye ti jla'am ti janjwajiete'n.

Santiago 5:16

Ijiate, 'esiji ka wikie'eyi janijwela' siuti po' ni je 'es. Mayeyi ni'najlanapi. Siuti kiak janiwonayi, ja ajwayejyi ni aswet'ia iyo. 'Yina siunie 'es ti inipejlanit'i ape'e ni t'ajlaye, jijweye po' pet ni t'ajlaye.

1 Jn 2:29

'Esiji ti 'najanayi pi jiwonayi pi Sijwajieti ti tijnajyi jla'am. Kiak iyo'ni pet siunapo iyo ni 'es, je int'ayiji'n ti napok Sinia' jilis.

1 Jn 3:7

Japo ilis, ja ke inejna'a ts'e papo ka inkajmanats'iji'n. Siunie i'nio' ni iyo ni tijnajyi, je int'ayiji'n pet ti tijnajyi ni i'nio', iyo'ate iyo pi Sijwajieti Jesús ti tijnajyi.

Apocalipsis 22:2

Iniu kiowik'i siojo jika'wu siojo jlameje jlajaka isi'. Jikiusk'i jak tewuk kia'iyojliyi ja tojmi 'wechaja, sek 'yita'ak'i siujlieja a'la' ti i'wasankiye. Wikie'eyi niwa najkapis, wikie'eyi niwa we'lajas ti iyo jlaye; siunapo i'nio' yi' ape'e 'ni ajnat 'esi niwa ji'wole ti iyoyisi jikakieye it'iminayi'iji ti isis.