1 Pedro 2:23 - Sinia' Jlamtis 1994

²³ Siupapo i'nio' ti iliakiyis pa Sijwajieti, je iyo ka intayiti ka inlaki pet papo i'nio'. Kia'iyojliyi ti tajakiam'ni, je yits'e ka wo'ate, “Je ijiatena'a pet ka je itieyiti”, 'wenajliyi ti its'iuye pa Sinia' ka jlama jla'am ka'ye'en siunie iyo ti jla'am ti je 'yakajme'n siunie jawoyi.

1 Pedro 2:23 ပူးပေါင်းရင်းမြစ်များ

Lucas 23:41

Sa'm ijiate ti 'yuts'e'm ka kiak tiwonats'e, kayinaja ni siunie je 'es awoki, 'yina siu'nie i'nio' lajatak'iyi ka k'iejliyeyi ka woyi, ka je 'esie.

Lucas 23:46

Jesús iyo'ne 'ate, ti 'yakets'ijiap: —¡Inia', siu'nie isiak'al ekiaj'la! Yiyik'i wek ti 'yalat'ipi.

Lucas 23:9

Je pini' siupuwa i'yastajajan'ni, 'yina Jesús je iyo kan kiujlie.

Hechos 17:31

Kajeyepa ti jla'am ti yitineje k'iye ta'a siojona jloma ti jan'ye'en napo i'nio', jlajma pak ja ke iwonijits'i'ni siuka inetiejenie'e. Kajeyepa ti janjwanjli siunie ja tekiajlaja ti jan'ye'en, ti tijniejieta'a. Naka siunie ti Sinia' iniujwa'n kisie'e ti tajli ni a'no', 'nakayi ti wikie'eyi napo i'nio' ti jan'we'en, ti kiak jawo ti ja ijiatayi.”

Hechos 4:29

'Nakayi 'Yaka'niona, 'yejne'n siunapo ti iyo ka je inwents'e'm ka iyoki siunie taj'la. Wents'e'm, ti akawosts'e'm, ka ts'otale t'onieyi ka ijwila niwa amtis.

Hechos 7:59

'Yina ti sisajas titietajajan'ni pa Esteban, jlam iyojli t'ajlayeja', ti iyo'ate: —'Yaka'niona Jesús, ki'm ilia'm ni isiak'al.

Hechos 9:1

Saulo je iliyi ti t'olana ka ilajne'n papo i'nio' iyoyi ki inamtik. It'imint'iyijpe ti ijioyi pa pa'yijis jika anechiyas siupa jlamt'iyijpe,

Romanos 2:5

'Yina siuti a'm ti je injlana'ni ti int'o'n ti je wo ka wo ajosik ink'ieye, ijiatjliyi am am ti jitio'n atepe'e siunie jiliayeja' pet ni i'nio' ti ja tisiejek'i ka Sinia' in'yenta na jitis iyo, ti jlam ti tijnajyi siunie jawoyi,

Efesios 6:9

Jlampet ti asa'am ti anechiyasasts'ase'm, kiak niwonayi 'ate awone siunapo akawos kawoyi, ká akasejlane. Ke inkiwaliyeyi'ipe ti aska anechiyas ijwienjli siunie yi' poliyi, ajwel ti asa'am ti anechiyasasts'ase'm, siu'neje ti asa'am ti inkawosts'ase'm pet, jlam ti je i'ye'en pi t'oniye napo i'nio'.

2 Tesalonicenses 1:5

Naka ti 'yakajanit ti ijiate ti je niliak siunie Sinia' jikijmaye iyone, ti i'ye'en ni i'nio' siunie jitis iyoyi, ka ijiatayijijna'a ti ja as'nayi japoye yi'i ni ji'wet ti iyo anechiyasa', ti naka ti it'imina siunie iyo ti wuj ti janilayitieyi siunie jloma.

2 Timoteo 1:12

Naka'ne ti it'imink'i siu'nie iyo 'ni iwit'ia ti wuj ti anilayiti. 'Yina je ts'ajwejle, kajeyepa ti ts'ajane pa awone siunie I'nio' ti itiej awomaja. Jlam ti janoyijk'i'm ti ja wujwa ti jan'yenik'i'm siunie ti yikialk'i, jlomas ti jan'yena paj ka ineyeyinie'e janak jloma ti yi' jlaja.

2 Timoteo 4:8

'Nakayi ti tiwakajlanitie ta'a its'ioye siojona akajli, siojona ti Saka'niona, ti jla'am ti tijna'yi siunie ti jan'ye'en napo i'nio', ti ijiate jla'am ti 'es, ti ja'yakajli ti anilesaniji, ts'iji ka netiejenie'e siojona jloma yi' jlaja. Ja ke yamkataja ti janwenk'i'm, kia'iyo janwejna'm wikie'eyi siunapo ti yimi'n, jla'yi ti je iliyi ti inijijwijyink'iye.

Hebreos 12:3

Jak je iyoyiji ti ja atankiunie'ni ti astaj ja enaye 'ate siupa Jesús iyot'iyipi, ti wuj ti inilayiti siupa jiwak siupapo i'nio' iyoyi ni jike' yi'ne. 'Yina je 'es kanik'ijlianatajyi'n ni'ne ka astaj je insisiek'i'ni.

1 Pedro 3:9

Siuti po' ni je 'es ni iyo'nase napo as'lejwas, 'esiji ka je atayitieyi. 'Yina ja 'wenajliyi pet ti ja ekiajlayi ilia'm ni 'es, siunie akap'ijliuskiyeyi ti ja ena'yi, 'yina naka ti Sinia' tana'ase. Siuti kiak janiwonayi, je jwel ka kiak je iwo'nase pit ni Sinia' ka imp'elisinajyi'n.

1 Pedro 4:19

Ijiatjliyi, siunapo ti jlampa Sinia' ti tajle naka ti inilayiti siunie iyo ni jijliak'ali, 'esiji ka je ink'ijliayis'ni. Janekjliyisi ka woyi ni siunie 'es, jlam ininekialjliyispe jikiojia'm pi Sinia', ka wujwa ka'yena ti jlam ti jilisajna', ti jlam ti je paj ka netiajni siunie iyo ka woyi.

Apocalipsis 19:11

Sekyi'i ti a'wena ni poli ti inilajna'm, 'yakaja 'ni a'lenta lemits'i, jle' iyo'ate siojo i'nio' yi' ape'e ‘Ijiatk'i jla'yi ti Je Tak'emisie'n’, kajeyepa ti tijnajyi siunie ti 'yakajanit'i ape'e ni i'nio', siu'neje ti inila'an.