1 Pedro 2:17 - Sinia' Jlamtis 1994

¹⁷ Wo lajaye ni akiecha; 'esiji ka i'namajayi napo as'lejwas; je 'es ka je ijnots'inayi ni Sinia'; woye lajaye siunie saka anechiyas Roma jlele.

1 Pedro 2:17 ပူးပေါင်းရင်းမြစ်များ

Mateo 22:21

Sekyi'i iyoyis'ne 'ate: —Anechiyas Roma jlele jipe'el. Jesús sekyi'i iyo'ne 'ate: —Jakajliete, ekiajlayi siunie tajle ni anechiyas Roma jlele siunie jikimet pet, jlampet ni siunie tajle ni Sinia' ti jikimet pet, nak ekiajlayi pi Sinia'.

Juan 13:35

Siuti jawoyeyi naka, ti janikimayi ni asemijnaye, sekjane'yi kan'wenayena'a pet siunapo i'nio' yi' ape'e 'ni ajnat ti asa'am ti 'yiyasajna'yase'm.”

Romanos 12:10

'Esiji ka ani'namajapi asa'am ti injwanjliyek'i. Wo lajaye ni akiecha, 'ajnat wat ape'e siunie iyo'naja ti iyo ajaye, wikie'eyi napo a'lejwas.

Romanos 13:7

Jak je iyoyiji ti jijwela' ka 'esieyiji ka akat'inie'yi ape'e pa k'iejliyeyi, 'esiji kat'inie'yi ape'e. Siuti janakaye inkat'i'nijie 'esiji ka akat'inie'yi ape'e. Siuti anechiyas jant'ajla pa k'iejliyi napo i'nio', ke int'onie'yi k'iye, siu'neje ti japoye pa k'iejliyi ti ajwela ka 'esieyiji ka k'iuyeyi, 'esiji k'iuyeyi. Jlampet siunie ti jajwela ka 'esieyiji ka wunitie, 'esiji wunitie.

2 Corintios 7:1

I'lijwas ti yimijna'ase'm, kia'iyo siuniwa ti je niliaja ti Saka'niona ijwilts'e'm ts'ijiye. It'imina ti janisiamaki ti janilejek. Jalijik 'niwa ts'ajwes, jla'yi ki iyo niwa sikiojwa'l. 'Yina janinayeje wita'm ti janilesanaja'n jitieyi'i pi Sinia', jla'yi ti wuj ti ja ijiuskiyeje.

Efesios 5:21

Siuti asa'am ti jiwunitie pi Sijwajieti, 'esiji ka anitejwayi'i ti jawoyeyi siunie ti jak'iuyeyi napo as'lejwas, kajeyepa ti jleye pet kiajwe.

Filipenses 2:3

Ká aniwunitie; siunie ti janjwela ka ijnonitie ti k'iejliyi pa ti jilisanayi, ká anitonitieyi, 'wenajliyi ti ja anijlasata'yi isia'm. 'Yina kiak jawoyeyipi 'ate, “jla'm ijiate wek jla'am napo i'lijwas ti jle' po'.”

1 Timoteo 6:1

Siunapo inkipijnas, 'esiji ka ink'iuye napo jika anechiyasas, jawo lajaye. Ja'nakayeyijna'a ti ja lajak'ipa ka inlaki pi Sinia', jla'yi ki jika'neyasajnaye, ka wo'ate, “Je p'an 'es.”

Hebreos 13:1

Siuti as'nayi ijwienjliyik'i ape'e pi Sijwajieti, jlomas ti jakinieyi siunie asemijnaye ti jlena'yi napo as'lejwas.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Pedro 2:13

Ti asa'am ti Saka'niona jilists'ase'm, 'esiji ka k'iuyeyi siunapo anechiyasas yi' ape'e 'ni ajnat, ent'a janakaye saka anechiyas Roma jlele, ti ijiate ti toj pijiame jla'am,

1 Pedro 5:5

Siuti asa'am ti jwemik'iase'm, 'esiji ka k'iuyeyi siunapo as'lejwas ti paja ni Inamtik ti iyoyi, ti ijliu'wase'm. Awoma wita'm ti awo'nase 'ate, ká anitonitiejyi'n, 'wenajliyi ti janip'elisina'. Noyeje ni akiecha, kiak jawo pit ni akiecha. Jlam'ne iyo'ate siuniwa inamtis t'ipi, “Sinia' teje'yi ilia'm siunapo i'nio' initonit, jlampet siunapo je initoniti'n napoka pet ti iniuyeje, wuj ti ip'ilisijne'n.”