1 Pedro 2:16 - Sinia' Jlamtis 1994

¹⁶ Ijiatataja wek ti je inkipijna'ase'm 'nakayi. 'Yina ká awo'ate, “Lajk'ipa ka intomi'ni ijyik'i siu'nie awoyi”, 'yina ijiate ti 'esiape'n naka ka woyeyi siunie je 'es. Siunie iniwone ni Sinia' jikawo, kiak niwonayi.

1 Pedro 2:16 ပူးပေါင်းရင်းမြစ်များ

Mateo 23:13

Jesús kiak iyonayi'ijyi 'ate: —¡Aswet'ia japoye ti Fariséojosts'ase'm, siu'neje ti asampet ti jiwosts'ase'm nak Moisés jika'neyasajnaye! ¡Ijnoski'lanajyi'n! Jip'onajia'm ni jika 'wuk kiwet ni Sinia' jika anechijiayas k'iye napo i'nio' ti iyotajas ka 'noyisi. Tiwet'ianaja ka asama wek pet ka 'oyeyi, ni'ne ka asama ka wenayi napo i'nio' ti iyoyistaja'ni ka 'noyisi.

Juan 15:22

Je jlamtajas ka jitisa', ka je inia'am ti amti'yi, 'wenajlitieje ti ka yama ka itisa'. 'Nakayi lajk'ipa ka jitiej i'no'we, ka inip'onisi ki iyo niwa jloski'la.

Romanos 6:18

Jijwayejyi siukia iyo ti jiwoye jikipijnasa' ni siunie inke', 'yina 'nakayi jikipijnastsase'm pet siunie 'es.

Romanos 6:22

Jlam'ne 'nakayi jijwayejyi ni siunie iyo'nase ni inke' ti inla'nitiejyi'n, jiwoye Sinia' jikawosa' ti jiniuyeyeje ni jikijmaye. 'Yina jla'm ijiate jiwek jla'am ti i'nesieyi, kajeyepa ti nak jitiajlayi ti 'nelanjie'e insisie, yiyi ts'iji Sinia' i'notata, jla'yi ti nakaye pet ti iwi'nase'm jana as'wasankiye ti t'o'n.

1 Corintios 7:22

Kajeyepa siunie i'nio' ti je t'ekijyi siunie ti iyo inkipinikie' ti Sinia' tanat'iyipi, nak 'yiniye pet ka je inkipinikie', siunie ti iyoyi niwa Sinia' jlamtis, kajeyepa Sinia' ijwiejiete. Jlampet siunie ti je yi' kiajwe paka jika anechiyasa', ti Saka'niona tanat'iyipi, Sijwajieti iyo pet jikipinikie'.

Gálatas 5:1

Sijwajieti jlam ti kas'manit, ti sa'am ti inkipijnasts'e'm, it'imina ti 'nakayi ajwayeje ni siwet'ia. 'Yina siuti kia'iyo 'naka'ne ti astaj ja enayi 'ate ti janit'onitieyi pijia'm, je 'es ka ekiajla astepe'e siuniwa asjloye ti kiak jiwoyeyi ti jleyepe kiajwe.

Gálatas 5:13

I'lijwas, asa'am ti Sinia' ta'nase ti iyo ka wo'ate siunapo i'nio' je inkipijnas. 'Yina ká awoye 'ate, “'Esiji, 'nakayi jayoyi siunie awo ka yoyi.” 'Esiji ka emina' napo as'lejwas jla'yi ti janip'elisina' ja kiajatak'i'ni, siuti akiecha insetia'n noyeje kiak jawo'ojyi pet ti a'am janoye'a'm.

Efesios 6:6

Ká ajwankita siunie ti ijnonitieyi ti jik'iuyeyi, 'yina jwane'e siunie jiniwonayi ti Sijwajieti jikawosts'ase'm, ti jiwoyeyi siunie Sinia' iyo.

Colosenses 3:24

Jlam'ne 'najanayi pi jiwonayi ti Saka'niona janwe'nase'm siojona as'wajiete, ti jantojmat ape'e siojona askajaye ts'iji, siojona ti pajk'i ti itiejietap napo jika kia'lis, kajeyepa ti jiniuyeyeje pi Sijwajieti ti ijiate jla'am ti aska anechiyas.

1 Tesalonicenses 2:5

'Najanayi pi jiwonayi ti je ak'emijnatayi puwa yamtis ka wujwa kanses, ka 'nakayeyi ka int'emina ka poye paka k'iejliyeyi ka ikajliji, ni'ne ka wikiniet'aja japa. Sinia' kia'iyo 'yijene 'neje naka.

Santiago 1:25

Jlampet siunie wuj ti i'ye'en niwa Sinia' jlamtis, jla'yi ti je ilijape, je isiwaliyi'i ti iyoyi, niwaka pet ti jantajleje ni jinikanitieyi. Tepa jawo ka kiak je iwo ti jijweye po' niwa Sinia' jlamtis, 'yijene pi iyone ka t'aka inlajnits'i napo i'nio'.

Santiago 2:12

'Esiji ka anilesanayiji, siu'neje niwa asamtis ni jiwonayi, kajeyepa ti asama ti Sinia' jan'yena ti jankajanitie siunie jiwoyeyi ti 'es, ni'ne ka je 'esie ni jiwoyeyi, niwakaye jla'am niwa jlamtis, jlam ti 'yakajli ka inlajnits'i niwa t'aka napo i'nio'.

2 Pedro 2:19

Ijwijla'm napo ijia ti iyo'ate, “Mawat jikio' je ilie'nase'm ni je 'es je jwaye, 'yina sa'm ijiate wek ti kasts'ajane pi awonaja ti ajwajieta pa ti kiak iyoyi.” ¡Ijiate ti jla'm iyoyiyi siunie ijwil ka woyisi, jlam'ne jla'am ti inijwelis ti je t'ekiyisiyi siunie iyoyi ti wuj ti je 'es, ijiate jla'am ti inkipijna', je tijwayisi! Kajeyepa ti siunie inke' ti 'yakajli ni i'nio', 'nakaye'eje pet ti 'yiniye ti ilie'nit.

Judas 1:4

Kajeyepa ti po' siunapo i'nio' ijiuski'lajne'n ti ini'not'i aswa'm ti yi' aska kiowe'e, 'yiniye ka ijiatayiji ka intaj'l aswa'm, lapakawo ti inip'o'nase wek. Sekyi'i ti ijwila ka ijiatayiji ka ineki siunie jikap'ijliuskiye ni Sinia', 'yina nak isienayi siuniwa ti iyo ni siuniwa itiliaja ka iwoyi siuniwa je isis. Ijiate ti 'yakajanitk'i ti 'yakakiu pi Sijwajieti Jesús, ti jla'am ti ijwienjli ti saka anechiyas. Napoka siunapo i'nio' ijwilt'ipi siuniwa inamtis ti isis, ti 'yaka ti jajnoyi ni siunie jiwet'ia napo ti netiajne'n.