1 Pedro 2:11 - Sinia' Jlamtis 1994

¹¹ I'lijwas, asa'am ti yimijna'yase'm, wuj ti anip'elisi'niase, ti je t'ikiyejli'yi kiu' ape'e siu'nie ajnat ti je ijiat ka as'weta. Ka je awoye 'weta niwak siuniwa je isis ti jlomas ti inteliajayi ka woyeyi ti teje'yi ilia'm ni siuniwa asosikis.

1 Pedro 2:11 ပူးပေါင်းရင်းမြစ်များ

Lucas 21:34

“Ni'notatayiji, ká aninenayi 'ate siunie ajosik iyo ka woyi, ká a'yaye ni'ne ka wujwa ka woye asjlak'aliye niwak wask'i'nelaja jlalasajyink'iye ka'wena', 'nakayeyijna'a ka je inesi'lieta janak jloma ti ajwe'el,

Hechos 15:20

'Esiji ka sip'esinik itietajaja, ka 'najane paka wone siuniwa je 'yu'we ka iwoyisi, 'esiji ka ileyisi. Iyoye'ate siunie 'nisie'n ti titiejietaja pet ti t'otata k'iye niwa topa, siu'neje ni wuj ti je 'es iyoyi napo asejnia jla'yi napo ayijnies, ti 'yaka'm ape'e ni iniwonisi, siu'neje ni ji'woyis niwa k'iejliyi ti 'yal ta'a pakaja.

Hechos 15:29

Siunie t'isie'n, siuniwa k'iejliyi, ti pajk'i ti wakal ti t'otata k'iye siuniwa je ijiat ka diosisa', ká atowa. Kia'iyojliyi ni ji'woyis ni k'iejliyi ti 'yal ta'a pakaja. Ká akima siunie wuj ti je 'es, siunie iyo na ayinie jla'yi jana asejnia, ti 'yaka'm ape'e siunie iyoyi. Siuti ja ke akinieyi niwaka, ijiate ja 'nesieyiji'n. “'Nak nojwaja'm 'niwa samtis. 'Esiji ka Sinia' ine'yasap.”

Romanos 12:1

Ijiatjliyi 'napo i'lijwas, siuti Sinia' jikap'ijliuskiye yints'e'm, wuj ti anip'elisi'niase ti jayo'ate, ká anitejna'm ni Sinia', niwone 'ate siunie ti tiwonaja ji'wajieta' ti jla'am ti tiwunie, ti i'wasanajyi'n, ti i'notata k'iye, jla'yi ti 'yakanit'ni pa Sinia' siunie jini iyo. Naka ni siunie ti jlonitieta pa Sinia' ti je niliak. 'Esiji ka je aleyi ti ja e'ne ni Sinia'.

Romanos 7:23

'yina ani'we'en ti po' siunie ti yiji 'ni 'isie'n ti yelk'a'ni k'iye 'ni itienkiujnieye iyoyi; nakayeta jla'am ni siunie inke' ti si'yaka'n ti silie'nit.

Romanos 8:13

Siuti mawat je liyeyiji niwak askeyis, jijwelt'e ka in'wasanajyi'n; jlampet ti janak Sinia' jikimet jakienayi ka tejwa'yi 'yina ja i'wasanajyi'n pet.

2 Corintios 5:20

Ijiate ti sa'am ti je kasto'we ti Sijwajieti jikawosts'e'm. Jak je iyoyiji ti awoki samtikie' naka ni inka'niye ti 'es, 'yiniye ka jlama pa Sinia' ka ijnalas napo i'nio'. Jak je iyoyiji pet ti ya'am wuj ti 'ejejie'nase'm ti etijnape pa Sijwajieti, ti awo'ate, ¡nijwankitayik'i pi Sinia'!

2 Corintios 6:1

Ijiatjliyi, siuti sa'am ti anokieje ni Sinia' ni iyo ni jikijmaye, wuj ti anip'elisi'niase, ká akajyina' naka jikap'ijliuskiye iyo ni Sinia', siunie ti yints'e'm.

2 Corintios 7:1

I'lijwas ti yimijna'ase'm, kia'iyo siuniwa ti je niliaja ti Saka'niona ijwilts'e'm ts'ijiye. It'imina ti janisiamaki ti janilejek. Jalijik 'niwa ts'ajwes, jla'yi ki iyo niwa sikiojwa'l. 'Yina janinayeje wita'm ti janilesanaja'n jitieyi'i pi Sinia', jla'yi ti wuj ti ja ijiuskiyeje.

Gálatas 5:24

Siunapo Sijwajieti Jesús jikawos pet, napoka ti pajk'i ti its'iejwatis pijia'm niwaka siuniwa jikeyis ji'yusis, siu'neje niwa iyoyisi ti itiliajasi ti wuj ti je isis.

Efesios 2:19

'Nakayi je pa jiwoye 'ate napok siunapo i'nio' ti ijiateje ti 'wenayi, ka je as'weta paka aye'yi. As'wet ijwienjliyi siunapo Sinia' jilis 'yina je jika'ajwejlasana, Sinia' jilists'ase'm.

Efesios 4:1

Tempi it'imina ti ya'am, ti Saka'niona jla'am ti it'imink'i ti a'ne yi'i jla'a insat jiwe, ti kiak awo'nase ti anip'elisi'niase, asa'am ti ta'nase pi Saka'niona: woyeyi siunie 'es iniwone siunapo ti ijiate ti iyo niwa inamtis ti isis.

2 Timoteo 2:22

Jak je iyo ti kiak awo, joskiye ti a'm ti jwemik'ia'm siunie yiji napo ijia jwemik. Majk'i ni siunie tijnajyi. Ke ekiejiet ni atankiujnieye ti 'es, siunie emijnaye kia'iyojliyi, siunie jiwo ti jikama. Wikie'eyi, a'm siu'neje napo ti je iliyi ti yite'n ni Sinia', siunapo jlosikis 'najleje'n.

Hebreos 11:13

Pi k'iet'iyik'i'nipe siupa Abraham, siu'neje pa Isaac, siu'neje pa Jacob, nojwat'ipi ajnata'm. 'Yina 'wanjliyi ape'e siunie ti je 'yakakiu pa Sinia', ejlo wek ti je yamik'i siupa Sinia' ijwijla'm. 'Yina 'yiniye ka jitiej iname wek pi 'lajni, sekyi'i iyoyits'i 'ate, “Seka'a siusie 'yakaja.” Ka kia'iwo ka 'najwelis jitipe'e ti je 'wet'ise', sekyi'i iyoyits'i 'ate, “Je ijiat ka i'wita' siu'nie ajnat, ja ke sipa'a ka itiajla'ana'a.”

Hebreos 6:9

I'lijwas ti yimijna', 'wanjliyi sitiej ajotiejataja ejlo wekie'e 'yina jlam pak je woyeyi wek, lapakawo ti jiniuyets'i siunie 'nayi ti 'es. Jak je iyoyiji siuniwa isis ti jitiajlayiji siojona asjwajieti yi' askiojyi.

Santiago 4:1

¿Tepa taj'le siunie aswak ti je paj ka leyeyi ti jitieyets'i wita'm? Lajk'ipa ka intajle ti niwaka jla'am siuniwa astankiujnieyejes ti je isis, ti jlalasajyink'iye ka woyeyi. Niwaka'ne ni siuniwa ti yi' astowiji ti jinilanayiji'n.

1 Pedro 1:1

Atejwi'lase i'lijwas, asa'am ti inetianajyi'n ape'e ni ajnat, ti jiwaye'yi niwa ajnatis ti je as'wet, ti jleyejyits'i niwa ajnatis ti jayitink'i'ni: Ponto, Galacia, Capadocia, Asia, janaka 'neje jana Bitinia. Ya'am Pedrok'i'm, Sijwajieti Jesús jijliujwanik'i'm, asa'am ti atajiet'ase ni ip'isinik. Asa'am ti Sinia' pajk'i ti isi'mase'm, lapakawo ti jlam jla'am ti tajle siunie iyo'nase, jla'yi ti ilesana ti inlejayi jana jikimet ti 'es ka k'iuyeyi ti jla'am pa Sinia', jla'yi ti ka lajak'i pa Saka'niona 'woyis ti insisieyi ti ilij ki iyo niwa askeyis. 'Esiji ka Sinia' wujwa ka imp'elisina', 'nakayipe ti ja akamaja.

1 Pedro 1:17

Siuti as'lej je jilienayi'i wat ni Sinia' ti jiwoye 'ate “Sinia'”, jlam'ne ni iyo ti i'yenta napo i'nio' ni jitis iyo, je ka in'yejnits'i siuka inteliaja paka pakaye ka imp'elisi'n, kiak ja ke iwo 'yina jajnol wita'm siunie jawoyi. Nikajanitieyi ti jajoskiyeyi wikie'eyi niwa jlomas ti jleye'yi ape'e 'ni ajnat, ti je ijiat ka as'weta.

1 Pedro 4:12

I'lijwas ti yimijna', 'otale t'onitie k'iye siunie asjlak'ali ti janilayitieyi, 'yina ti janakaye ti inkajejlasaye ti jawo'ate ni jwat ti wuj ti a'tiejak'i ka netie'ase, 'yina jlam kiak jawoyi.

1 Pedro 4:2

'nakaye'eje pet siunie iyoyi ni Sinia' iyone, je pa jlama ka iwoyi siuniwa itiliaja pet ka woyi 'ne ajnat'e.

2 Pedro 3:1

I'lijwas ti yimijna', 'nak timesieyiji ti ip'isinik atajiet'ase'ni. Siu'nie ip'isinik, siu'neje ki anajnat ti ajlo'ase, je k'iejliyi pi jikiechaye ka iyo'nase naka ti awokta pet asosikie' ka ijiatayi ti jajnajyi ni astankiujnieye.