1 Pedro 1:9 - Sinia' Jlamtis 1994

⁹ 'Yina je 'wena paka it'emina ki iyo ni jiwoyeyi ti inkasajyi'n naka ti Sinia' injwajietajyi'n, nak tajle siunie iyo ti je jikakiuye.

1 Pedro 1:9 ပူးပေါင်းရင်းမြစ်များ

Romanos 6:22

Jlam'ne 'nakayi jijwayejyi ni siunie iyo'nase ni inke' ti inla'nitiejyi'n, jiwoye Sinia' jikawosa' ti jiniuyeyeje ni jikijmaye. 'Yina jla'm ijiate jiwek jla'am ti i'nesieyi, kajeyepa ti nak jitiajlayi ti 'nelanjie'e insisie, yiyi ts'iji Sinia' i'notata, jla'yi ti nakaye pet ti iwi'nase'm jana as'wasankiye ti t'o'n.

Hebreos 11:13

Pi k'iet'iyik'i'nipe siupa Abraham, siu'neje pa Isaac, siu'neje pa Jacob, nojwat'ipi ajnata'm. 'Yina 'wanjliyi ape'e siunie ti je 'yakakiu pa Sinia', ejlo wek ti je yamik'i siupa Sinia' ijwijla'm. 'Yina 'yiniye ka jitiej iname wek pi 'lajni, sekyi'i iyoyits'i 'ate, “Seka'a siusie 'yakaja.” Ka kia'iwo ka 'najwelis jitipe'e ti je 'wet'ise', sekyi'i iyoyits'i 'ate, “Je ijiat ka i'wita' siu'nie ajnat, ja ke sipa'a ka itiajla'ana'a.”

Santiago 1:21

It'imina ti awo'nase 'ate: leyeyi wikie'eyi siunie ni ijiate ti jit'iojli po', siu'neje niwa wuj ti je isis. 'Yina nijlasata'yi isia'm, siuti jikima'yi niwa Sinia' jlamtis ti jisiliaki yijinits'i niwa asosikis, 'yina niwak siuniwa jlamtis jijweye po' ka injwajieta.

1 Pedro 3:20

Papoka siupapo i'nio' t'ipi, yiji pet siupuwa jlomas yiji pa Noé, ti je its'iuye pa Sinia'. Wuj ti inilayiti paj ti wakajla t'ipi siojopa kasejkana ti wuj, ti Noé ilisane. Ijwienjli ni sikio' itij'we najape tom'niji pa nojt'ijiampe jiwek, papok i'nio' ti tijwajyi'n ka lajak'i pa i'niat.