1 Pedro 1:8 - Sinia' Jlamtis 1994

⁸ Ijiate je 'wenayeta pi Sijwajieti Jesús t'ipi, 'yina je woyejliyi ti i'namajayi; siu'niwa jlomas kia'iyojliyi, je 'wena pi k'iejliyi, 'yina jikiniejliyi jiwekie'e ti jitienkiunieyi. It'iminayi ti wuj ti inkasajyi'n, lajk'ipa ka k'ieyeyi ni asnikanitieyi iyo, ti je ti'niejenaja paka tiwonaja ka tijwelajak'iji'n.

1 Pedro 1:8 ပူးပေါင်းရင်းမြစ်များ

Mateo 10:37

“I'nio' ni ja ke ijiatayi ka semi'n, ja 'wenajliyeyi jla'am ni jinia' siu'neje jana jlet, je akajli ka ijwi'il ka yama ka intalk'i. I'nio' ni je ijiate ka semi'n, 'yina 'wenajliyi jla'am ni jlas, siu'neje jana jlase', ti ijiat ti yimine, nak kia'iyo je akajli ka ijwi'il ka yama ka intalk'i.

Juan 14:15

“Siuti jijwe'el semina', ka woyeyina'a niwa yamtis ti ajlo'wase'm.

Juan 14:21

“I'nio' ni isi'm ilia'm niwa yamtis, jla'yi ti iyoyi, nak je inijwek ti ijiate ti semi'n. Kiak iyojliyi pet ni Inia' yimi'n siunie i'nio' semi'n. Siuti ya'am kia'iyo jayimi'n, jla'yi ti jani'wenkijna'm.”

Juan 14:24

I'nio' pet ni je semi'n, je its'iuye niwa yamtis. 'Yina kajeyepa siuniwa inamtis ti jipe'yaye je yamtis, 'wenajliyi ni Sinia' ti sijliu' nak jlamtis.

Juan 16:22

Kiak jiwoyeyi'ni pet ti asa'am, asjlak'ali poye 'nakayi. 'Yina siuka yapitiemet, ti ja'ye'nase, ja pakayeyi ti ja ke jlasiye ni asnikanitieyi siunie ja'wena', ti ja ke poye paka ijna'lase.

Juan 20:29

Jesús iyo'ne 'ate: —Je kakiunieyi'ne, kajeyepa ti si'we'en. ¡Jlajma ijiatayi ti Sinia' jamp'elisijne'n siunapo ti je i'winata, lapajawo ti naka jla'am ti je takakiunisi!

Juan 8:42

Jesús iyo'ne pet 'ate: —Ka ijiatayiji ti jijwela' asna' pi Sinia', ka seminayeta ti atajle pi Sinia', ya'am ti a'neye. Ti ana'am, je 'ne ka yama ka itiajlatk'i siunie awo, 'wenajliyi ni Sinia'.

Hechos 16:34

Sekyi'i ti yamayi 'wete ti 'yakojniejne'n. Wuj ti inkase'n jla'yi japo ji'wet jlele, kajeyepa ti ink'ie' siupa iyo ti ininekiajlis.

Romanos 14:17

Kajeyepa siunie jika anechijiayas ni Sinia' je naka ni siunie titiuwa paka k'iejliyeyi, 'yina ni'ne ka nakaye ni siunie ti'yaki. 'Yina jla'm ijiatayi jla'am siunie ti ijniejieti ni i'nio', siu'neje ni jikamankiye ni i'nio', siu'neje ni jinikanitiejeye ni i'nio' ti po'. 'Yina niwaka ni siuniwa tajle pit jana Sinia' jikimet ti 'es.

Romanos 15:13

'Esiji ka Sinia' siunie ti iyo sinijijwiyeja' ka imponit'i aswa'am siunie asnikanitieyi, siu'neje ni askamankiye, lapakawo ti naka jla'am siunie astankiujnieye ti 'es, ja 'nakayeyi ti siojona Sinia' jikimet ti 'es ti jijweye po', ja'nets'akanit ni asnejejwijiyeja'.

1 Corintios 16:22

Siuti japoye siunie je 'namaja ni Saka'niona, 'esiji ka jiwet'ia ine'yi ape'e. ¡Saka'niona, jlam woni'na 'ate, kets'ijyi'n!

2 Corintios 1:22

sekyi'i iyo sijwukisa', kajeyepa ti 'yaka ti jla'am ti Saka'niona. Jla'yi ti yijni niwa sikiojwa'l jana jikimet ti 'es ti tajle siojopa janwents'e'm, ka netiejenie'e siojopa jika jlomaye pet, ti iniajnat ta'a.

2 Corintios 4:18

'Yina ti je a'yena siuniwa wask'i'nelaja 'yaka, a'yena siuniwa je 'yaka. Kajeyepa siuniwa wask'i'nelaja 'yaka ji'niayi je itio'yi, jlampet siuniwa je 'yaka niwak ijiate pet ti t'o'n.

2 Corintios 5:7

'Nakayi je kasts'ajane paka iyonaja ka sitiete i'we'en pa Saka'niona, 'yina ka lajak'i wek siu'nie sitienkiujnieye ti 'es ti kasts'etk'i pijia'm ti sitiej awomaja.

2 Corintios 9:15

¡Awo inikanitieyija' pi Sinia' ti jla'am ti iwints'e'm na si'wajiet ti ijiat ti wuj! ¡Ijiate ti samtis je ijniujliji!

Gálatas 5:22

Jlampet siuniwa tajle janak Sinia' jikimet naka ni inemijnaye ti ijiatk'i, inikanitiejeye, inkamankiye, siu'neje ti je inip'elisin'ni pa ti k'iejlitieje pa ti jiwet'ia iyo; siu'neje ti jlosik po' ni i'nio'; wuj ti takap'ijliuski; jla'yi ti intaj tiwomaja.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

Efesios 3:19

siu'neje ka intant'iejayi ti ijiate ti 'yaka'm ape'e siunie ti ajwela ka kasts'ajajne'n. 'Yina ti kiak jawo, ja inkajana'a ti jampo'ase pi Sinia'.

Efesios 6:24

Siu'neje napo ti je yisit ilia'm ni jlemijnaye, ti yi'ne ni Saka'niona Jesús ti Sijwajieti, 'esiji ka wujwa kamp'elisijnempe.

Filipenses 1:25

Ijiatjliyi, kiak jawo kajeyepa ti ja sisitiana ka yi' asap kiu'. Jant'emina ti ja ke sinitia'njli kiu' ape'e 'ni ajnat, 'nakayijna'a ka wujwa ni anikanitiejeye ti ja'wena, ti janoyeje ka ijiatayiji ka atankiunieyi pa Sinia'.

Filipenses 3:3

'Yina siunapo ijiate jla'am ti ijiatk'i ti kiak tiwonaja ti t'isie'n jiwa tejwak'i napoka ti sa'am, kajeyepa ti yijits'i niwa sikiojwa'l. Sa'am ti awunitie pa Sinia', ka lajak'i ki iyo 'neje japa jikimet ti 'es, jla'yi ti wuj ti kasts'ajka'a, ti je 'wena paka itiajlaja paka pi Sijwajieti Jesús. Ti je nak ka 'yena siunie 'yaka ti ijnonitieyi tena'a pi k'iejliyi ti po'.

Filipenses 4:4

'Esiji ka je aleyeyi siunie asnikanitieye ti tajle pi Saka'niona. Jayikiajle'eje: ¡Nikanitiejyi'n!

Hebreos 11:1

Siunie ti ijiate ti titienkiunie, janaka ti tinijijwikink'iye ti ja ti'wena siunie jane inkiojyi. Jak je iyoyiji siuniwa je ti'wena tiwokie 'ate, “Ijiatk'i.”

Hebreos 11:27

Siupa Moisés ti je 'yakakiu pa Sinia' it'imint'iyijpe ti ya'am ti taj'le japa ajnat Egipto, ti je jnots'ina pa anechiyas ti ijiat ti jwesie. 'Yina jla'am ini'netjli ape'e siupa ijialas ka woyi, lapakawo ti 'yiniye ka 'wene siupa Sinia' ti je ti'wena pa k'iejliyi.

1 Pedro 1:6

Nak it'imina ti 'esiji ka anikanitiets'i wita'm, 'wanjliyi ti janilayitieyi kiu' siuniwa wask'i'nelaja ti inkajejlasaye ti ijwienjli je k'iejliyi, ti iyo asjlak'aliye.

1 Pedro 2:7

Siuti ti asa'am ti je kakiuye, janak sisaj je jwajla'anitie, kajeyepa ti ijiate ti laja po'. Jlampet siunapo ti 'yakakiuyis, sekyi'i ijiatk'i'ne pet siuniwa Inamtis t'ipi ti iyo'ate: “Siojona sisaj ti 'wukiu'ul jiwos iwit'iane, 'yaka jla'm iwo ti janakaye'eje siojona sisaj ti ijiate ti laja po', kajeyepa ti 'yit pijia'm jana 'wuk.”

1 Pedro 5:4

Jak je iyoyiji siuti ja'nes naka sontas jiwo ti jlameje, janwena'asemna'a siojona as'wajieta ti wuj ti 'es, ti ja ke paja ka netia'n.