1 Pedro 1:13 - Sinia' Jlamtis 1994

¹³ Nak it'imina ti awo'ate, niwakajlanitie. Ká aninenayi 'ate ka i'nalayi'ik'i, 'yena pi siunie jiwo ka woyeyi. Ke ekiajlayi isia'm siunie jiniwonayi ti jinijijwiyejyi'n k'iye siunie ka iwenta'ase'm ni jikap'ijliuskiye, siojona jloma ti janikajanit pi Sijwajieti Jesús.

1 Pedro 1:13 ပူးပေါင်းရင်းမြစ်များ

Mateo 20:4

Iyone'ne 'ate papoka, Asam'neje, maye'ni, kimats'iji'n yi'i ja iwiesok. Jayo askajaye siuti jakimajyi'n ijiap.

Lucas 12:35

“Niwakajlanitie, et'iajap ni a'wu', ke ena'yate jana aska kates ka 'no'me.

Lucas 17:30

Kiak jawo ti ja 'nakaj ni I'nio' Jlas.

Lucas 17:8

Kiak ja ká awone, 'wenajliyi ti jawone'ate, “Nisiamaja'ni ka 'otate paka tiujw, ja teme ka atoniek'inie'e, niwakajlanit ka 'yenk'i'm siuti ja'yekiu'n jla'yi ti ja'yaje pa k'iejliyi. Ja timeje ka jiwekie'ajana'a pet ka 'yekiu'n ti a'am”.

Romanos 13:13

'Esiji ka iyoki siunie ts'oniye ti 'es ti awaki ni jloma. 'Yina je awok'iate siunapo i'nio' yiji pet ni ajnaj, siunapo 'yatas, siunapo ti je i'ye'en siojona jiliakijnieye ti ilisanisi ti kijlamiyija'm, siunapo ti ijiate ti je 'es ni iyoyi ayijnies asejnia, siu'neje napo 'yakalk'i pi k'iejliyi ti iyoyi jikeye, siunapo ti iniewite'n, siu'neje napo ti t'elijyi'n.

Romanos 8:19

'Yina wikie'eyi siuniwa Sinia' jilisajna' yitit ka neyi siojona jloma Sinia' yijni, pakayi ti jan'wenkina napoka siunapo ti jilis.

1 Corintios 1:7

Jak je iyoyiji ka poye paka inetiane siuniwa wask'i'nelaja isis ti Sinia' tajle ti yijits'i niwa askiojwa'l, ti asa'am ti jinijijwijienk'iye siojona jloma ti ja'nesi pa Saka'niona.

1 Corintios 13:13

Najape siuniwa ti ja ke paja ka inetia'n: niwaka niwa, intankiujnieye ti 'es, inejejwijiye, siu'neje ni inemijnaye. Siu'neje na ti ijiate ti 'yaka'm ape'e niwa ijia naka inemijnaye.

Efesios 6:14

Ekiajlayi'i ti kiak awo'nase, nit'onitie pijia'm. Woyeyi aska'wakie' siunie ijiatk'i, jlampet siunie tijnajyi nak woyeyi ast'ot jip'ota'.

Colosenses 3:4

Sijwajieti jla'am siojona as'wasankiye ti ijiatk'i, janeyi siojona jloma ti janikajanit, sekjane'yi ka inkajayena'a pet ti jawayejiap ti janejyi siunie jawo ni jijweyeja'.

2 Tesalonicenses 1:7

ti janeyi siunie jloma ti ja'naka'aja pi Saka'niona Jesús ti jantal poliyi. Sek jane'yi ti janinop'itayi ni iyo ni asjlak'ali, iyoye pet 'ate awoki. Siunapo jijliujwajnas poli jlele ti jlame ti jijweye po', napoka ti janamik'i, jla'yi ki jawo ti jane jikiowe'e pi jwat ti jank'ayi'ni,

2 Timoteo 4:5

Ke wujwa ka awoyi ajlak'aliye, ti k'iejlitieje pa; siunie ajlak'ali nilayiti; woyi amitikie' siuniwa Sinia' jlamtis ti isis; nilesaniji ti jiwoyi ni akijmaye, ti a'm ti Sinia' jikawo'wa'm.

2 Timoteo 4:8

'Nakayi ti tiwakajlanitie ta'a its'ioye siojona akajli, siojona ti Saka'niona, ti jla'am ti tijna'yi siunie ti jan'ye'en napo i'nio', ti ijiate jla'am ti 'es, ti ja'yakajli ti anilesaniji, ts'iji ka netiejenie'e siojona jloma yi' jlaja. Ja ke yamkataja ti janwenk'i'm, kia'iyo janwejna'm wikie'eyi siunapo ti yimi'n, jla'yi ti je iliyi ti inijijwijyink'iye.

Hebreos 10:35

Ká anetiajnata siunie jiwoyeyi ti je kakiunieyi, 'nakayi ti ja ataja siojona as'wajieti ti je jlase'.

Hebreos 3:6

'Yina Sijwajieti, ti jla'am ti Sinia' jlas, je tiwonajataja jla'am jiwek k'iye siunapo ji'wet jlele ni Sinia', ajwe'el ti sa'am, ka je initiajnata siunie ti je anikiwita, siu'neje na ka ini'netie, 'yaka po' siunie sinijijwiye ti yits'e.

Hebreos 6:19

Siu'nie sinijijwiye, 'naka ti 'yit pijia'm niwa sosikis, 'yina je tikiwitajayi. Iyoye 'ate siojona kasejkana ti po' siojona tejeye pet ti yajapajne'n 'yina janaka ti 'yit pijia'm ti titietajatajaja'm ni i'niat. Siunie sinijijwiye enaja naka ni Jesús, jla'am ti tojmap ts'iji ji'wechaja siupa tip'onajaja'm siojopa 'najla 'wet yi' poliyi. Jla'am ti iyo si'niayija' 'nakayi, kajeyepa jla'am ti pa'yijis jika anechiyas wuj ti ja ke paja kant'eki, iyot'iyipi pak Melquisedec t'ipi.

Hebreos 9:28

Sijwajieti kiak iyoyi, ijwienjliyiji wek ti ininekial ti ijioyi ni jiliaye iyo ti 'ya'al ape'e niwa jikeyis napo ti itijlia. 'Yina janekiajle'eje ti ja'nes, 'yina ja ke niwakaye'ne niwaka inkeyis ka na'm ape'e, 'wenajliyijna'a jla'am ti janame siunapo inijijwijyi'n k'iye ti jla'am ti janjwajiete'n.

1 Pedro 1:10

Ti pajk'iyi siupapo injwejlanawos t'ipi ta'a ti initotisk'i'ni wita'm ape'e ti i'yenis ni iyo, jla'yi ti ini'neyasane siojona asjwajieti. Ijiatjliyi 'nakayi naka t'ipi ti ijwilis, siu'nie jikap'ijliuskiye pi Sinia' ti iwi'nase'm.

1 Pedro 3:15

ja'wenajliyi ti ja ekiajlayi niwa asosikis pi Sijwajieti, jonitie ti jla'am. Niwakajlanitie ta'a ilia'm siunapo jan'yasajyi'n ki iyo ti po' ni asnejejwijiye.

1 Pedro 4:7

Je pa tojwa'a ni jlaj jane'yi wikie'eyi siuniwa wask'i'nelaja. It'imina ti kiak awo'nase, nilesanayiji. 'Esiji ka asa'am ijiatayi ka woyeyi ni asts'ajlaye.

1 Pedro 5:12

Isiecha 'ni iniuyijk'i'm ti 'eti' siu'nie imp'esinik ti je itioyi'i siu'nie awoyi, 'naka Silvano. A'we'en ti ijiate wek jla'am ni iyo. Awotajank'iye ka 'yijijie'nase'm wikie'eyi siuniwa yiji 'ni ip'isinik ka ikajanitk'i ask'ioye siunie ti Sinia' wuj ti imp'elisina'. Kia'iyo, ká aleyeyi siunie jiniwonayi ti jleyejyi siunie jlemijnaye ni Sinia'.

1 Pedro 5:8

'Esiji ka wujwa ka 'yena siunie jiwoyeyi. Joskiyeyi, asosik enitiejyits'i'ni, kajeyepa siunie astajiejwa imosik iyo'ate ni k'iwajla ti jwesieta, ti inijijwijyink'iye ni i'nio' ka insojmayi ka inla'an.

1 Jn 3:3

I'nio' ni je iliyi ti its'iujwink'iye siupi iyo pi Sijwajieti Jesús inilesanayiji pet k'iye niwa wask'i'nelaja'n je isis, iyoye'ate ti jla'am pi Sijwajieti Jesús ti 'es.