1 Pedro 1:10 - Sinia' Jlamtis 1994

¹⁰ Ti pajk'iyi siupapo injwejlanawos t'ipi ta'a ti initotisk'i'ni wita'm ape'e ti i'yenis ni iyo, jla'yi ti ini'neyasane siojona asjwajieti. Ijiatjliyi 'nakayi naka t'ipi ti ijwilis, siu'nie jikap'ijliuskiye pi Sinia' ti iwi'nase'm.

1 Pedro 1:10 ပူးပေါင်းရင်းမြစ်များ

Mateo 13:17

Ijiatk'i siunie awo ti po' papo Sinia' jijwejlanawos t'ipi, siu'neje papo i'nio' isis t'ipi, ti ijialasista kan'wenis siuniwa ji'wena, 'yina je i'winis: ijialasista ka impe'ya ki iyo ni jipe'yaye, 'yina ka pakayet'iyijpe ka impe'yayis.

Mateo 26:24

Siunie I'nio' Jlas janejiam'ne siunie jawo ti janilayiti siunie ja jiliayeja' ti ja tiliana, iyo jla'am niwa inamtis t'ipi. 'Yina ¡jap'ijliusieja' nak siunie ti janwe'en, kajeyepa ti jitis japoye! ¡'Est'itiejepi ka laja ape'e 'ni ajnat!

Lucas 10:24

Jajwi'lase'm, 'lojjimpe papo injwejlanawos, siu'neje papo anechiyasas, ijialasista kan'wenis siuniwa iyo niwa ji'wena 'nakayi, 'yina je i'winis. Iyoyetajas ka impe'yayis, kia'iyojliyi je ipi'yayis.

Lucas 24:44

Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Juan 5:39

Wuj ti ji'yena' niwa inlesajna' kajeyepa ti jijwelayeta ka atajlayiji jana in'wasankiye ti laj jlaja, jlam'ne siuniwa inlesajna' niwak sijwe'el.

Juan 7:52

Iyo'ne 'ate ti isiujlisie: —¿Galilea jlelep'a'na'm 'neje? 'Ye'en niwa inamtis, ni'neyasane. Ja'we'en ti lajk'ipa injwejlanik jiwoye ka intajla'm jana Galilea.

Hechos 10:43

Pajt'ik'ipe ta'a papo jijwejlanawos ti ijwilis ja Jesús, ti iyo'ate, “I'nio' pa ja ke inkakiu, pak ja ke titiajlatajayijpe siupa jitis iyo.””

Hechos 17:11

Siupapo Judíojos jlamp'an je iyo'ate siupapo yi' Tesalónicaja, ti wuj ti t'ojni'n, ti jlam jeye jlamis 'es ti isimits'i niwa Sinia' jlamtis, 'yaka itiliajasi it'imina ti its'iuyisie. Jlomas ti i'ye'en puwa inamtis, ti ijialas ka 'najanisi ka ijiatayi siupa iyo ja Pablo puwa yamtiyi.

Hechos 28:23

Jakiak siojokia jloma ti yitinisi k'iye, ti 'loj japo Judíojos ti ijioyi'ni ja Pablo siupa yi'i. Yapijle'e ti yamtiyi k'iye japo i'nio' kiwa Sinia' jlamtis ti ijwi'il pa Sinia' jika anechijiayas. 'Yiyasane kiwa Sinia' jlamtis kajeyepa ti ijialaskintaja pet ka intant'iejesi pa Jesús, ti yijnapeje pa Moisés jika'neyasajnaye, siu'neje puwa injwejlanawos jilisajnat'ipi.

Hechos 7:52

¿Tepa yi'i papo injwejlanawos t'ipi aska kijilas je iyo wet'iaye? Lajk'iyi pa ka nayisi'i kiapo injwejlanawos ti ilianisi'n, siupapo inianta k'iye siupa ijiate ti 'es. Jlajmiliet ti 'nesa, jlekiajlaye, sekyi'i ti jilianaye.

Hebreos 11:13

Pi k'iet'iyik'i'nipe siupa Abraham, siu'neje pa Isaac, siu'neje pa Jacob, nojwat'ipi ajnata'm. 'Yina 'wanjliyi ape'e siunie ti je 'yakakiu pa Sinia', ejlo wek ti je yamik'i siupa Sinia' ijwijla'm. 'Yina 'yiniye ka jitiej iname wek pi 'lajni, sekyi'i iyoyits'i 'ate, “Seka'a siusie 'yakaja.” Ka kia'iwo ka 'najwelis jitipe'e ti je 'wet'ise', sekyi'i iyoyits'i 'ate, “Je ijiat ka i'wita' siu'nie ajnat, ja ke sipa'a ka itiajla'ana'a.”

Hebreos 11:40

Lapakawo ti jlam pajk'i ta'a ti itime ni siunie ti jla'm ijiate jla'am ti 'es ti 'yiniye ka k'iujwsajap. Jak je iyoyiji siuti kia'iyo ti yiye siwa'm, sekyi'i ti jiwekie'aja pet ti yin wita'm siunie ti ijiate ti lajk'ipa ka inetia'ne.

1 Pedro 1:11

'Yina Sijwajieti jikimet ti 'es ti yiyits'i papoka, japak 'yakajanitiamk'i siupi jawo jla'am pi Sijwajieti ti janilayiti, siu'neje pa jawoyi ti wuj ti ja 'esie ti jawunitie, ijnonitieye ja tena'a ji'wecha siupi iyo ti inilayiti. Wuj ti ijialasis ape'e ti iyo ka 'najanisi paka iwonisiji pak i'nio' t'ipi, siu'neje japak jloma ti Sinia' jikimet ti 'es 'yakajanitia'm.

1 Pedro 1:13

Nak it'imina ti awo'ate, niwakajlanitie. Ká aninenayi 'ate ka i'nalayi'ik'i, 'yena pi siunie jiwo ka woyeyi. Ke ekiajlayi isia'm siunie jiniwonayi ti jinijijwiyejyi'n k'iye siunie ka iwenta'ase'm ni jikap'ijliuskiye, siojona jloma ti janikajanit pi Sijwajieti Jesús.