1 Jn 5:20 - Sinia' Jlamtis 1994

²⁰ Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

1 Jn 5:20 ပူးပေါင်းရင်းမြစ်များ

Mateo 13:11

'Yina isiujlie japo ti iyo'ate: —Ti asa'am, Sinia' i'winki'nase'm ka intant'iejayi siuniwa yiji pet ni jika anechijiayas. Jlampet siunapo 'wenayi, Sinia' je iwijna'm ka 'najane niwaka.

Lucas 21:15

'yina ja yama ya'am ti jawi'nase'm ni siunie as'lej jawonayi, siu'neje na 'najankijnieye, 'nakayeyijna'a siunapo astajiejwas ja ke into'ma aselia'm, 'wenajliyijna'a ti ja injwel ka inkiuj'liase'm, 'yina ja ke injlana'ni.

Lucas 24:45

Sekyi'i ti jiwekie'aja t'ipi ti itiant'iejesk'i, kajeyepa ti jlam jla'am ti iyo jlosikie' ka 'najane kiwa Sinia' jlamtis yi'i ni ji'wet,

Juan 1:18

Lajk'ipa ka in'we'en pi Sinia'. Ijwienjli jla'am ti i'wi'in siunie Jlas ijwienjli, ti jla'am ti Sinia', ti ijwienjli yiyi'i pi Sinia'. Jla'am ti i'winkints'e'm, it'imina ti kastant'ieje.

Juan 10:30

Siunie Inia' jla'yi ti ya'am kasjwanjli.

Juan 14:20

Janak siojona jloma ti ja'najanayi pa jawonayi ti ya'am ajyi ni Inia', jlam pet ti asa'am jleye iwia'm, 'yina ya'am aye pet aswa'm.

Juan 14:23

Jesús isiujlie ti iyo'ate: —Siunie i'nio' semi'n its'iuye niwa yamtis. Siunie Inia' janemi'n. Sekjane'yi ka iniamajana'a, siu'neje ni Inia', ti jawieki.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 14:9

Jesús isiujlie ti iyo'ate: —Felipe, awo ka pajliyek'i ti aye'asap, ¿je p'an intant'iejk'i? I'nio' ni si'we'en, i'win pet ni Inia'. ¿Yot'iyi'ni ti jiwo ka'winki'na'n pi Sinia'?

Juan 15:4

Si'niayi janjwanjli, jawo'ate awo'nase ti ya'am je alejliyi'iji ti ani'nopijiet'ase. Siunie jik'as jana ts'ejniek jit'io, ka lajak'i jana jitisiuk, je 'esiji ka iwo jlaye, kajeyepa lajk'i japa ka intajle. Kiak iyo'ni pet ti asa'am siuti si'niayi je ijwienjli, lajk'i pet pa ka intaj'l aswa'm ka 'esie ka woyeyi.

Juan 17:14

Pajk'i ti ajwejla'm siunie iyo niwa amtis, 'yina siunapo yi'i 'ni ajnat ne'wajasi, 'yaka je 'wet 'ni ajnat, iyoye'ate awo ti ya'am ti je i'wit 'ni ajnat.

Juan 17:25

“Ji'yu, 'ni Inia' ti i'nes, siunapo yi' ape'e 'ni ajnat je itiant'ie'a, jlam pet ti ya'am sitiant'ie'a. Kia'iyojliyi pet siunapo jlekialk'i 'yijene pi iyone ti a'am ti sijliu'.

Juan 17:3

Ijiatjliyi, siojona in'wasankiye ti laj jlaja, naka siunie kantiant'ie'a, ti a'm ti injwanjli ti ijiateje ti Sinia'a'm, siu'neje kantant'iejesi ni siunie jijliu' naka Injwajieti Jesús.

Juan 20:28

Tomás iyo'ne 'ate: —¡'Ni Inia', 'Yaka'niona!

Juan 8:42

Jesús iyo'ne pet 'ate: —Ka ijiatayiji ti jijwela' asna' pi Sinia', ka seminayeta ti atajle pi Sinia', ya'am ti a'neye. Ti ana'am, je 'ne ka yama ka itiajlatk'i siunie awo, 'wenajliyi ni Sinia'.

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Romanos 9:5

Papok jitise'l t'ipi pet papo Abraham jilis, sekyi'i siupa tajla'm siupapo jilis pet ti tomik'i pijia'm paka pet pa Sijwajieti, siupa ti Injwajieti ti Sinia' jijliujwanik. ¡'Esiji ka tiwunitie pa Sinia' jajnok'i'ni, ti jla'am ti isie'e wikie'eyi siuniwa wask'i'nelaja! Amén.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

2 Corintios 4:6

'Yina je 'wena siunie Sinia' ti iyot'ipi 'ate, “'Esiji ka nak intajla'm ni jloma ni siunie ajnatiok”, naka 'neje ti jloma yijnits'i niwa sosikis, 'nakayi ti ja jatiant'iekiejeniti ni siunie k'iejliyi ni jijweye ti ijiate ti 'es, ti jla'al itie'e ni Sijwajieti jitiokio'.

2 Corintios 5:17

Jak je iyoyi ti po' siunie ti inijwankitik'i pi Sijwajieti, ika pet ti ink'ie', siunie jilisanik ti ink'ie'. 'Yina siuniwa wask'i'nelaja paj yam'niji. Poye pet siuniwa wask'i'nelaja ink'iejyis 'nakayi.

Efesios 3:18

'Nakayi ti ja inwikie'eyeyi, siunapo Sinia' jilis ijia, ja 'najanayi paka wonayi ti ijiate ti isajk'i naka Sijwajieti jlemijnaye iyo, jla'yi ti intaj je yame siupa jlaj, siu'neje ti je ti'wena isia'm siupa jlaj yi'i, siu'neje ti je jnanjli pijia'm,

Filipenses 3:9

siu'neje ka ijiatayiji ka ini'nopijiete wita'm ti jla'am. Je awojonk'iye'ne 'nakayi ka ijwil ka ts'esi naka Judíojos jika'neyasajnaye, jla'yi ka ijwil ka lajak'iyi paka je 'esie ka iyoyi. Najata jla'am ti awota ka ts'esi pa Sijwajieti 'nakayi ka itienkiuni, kajeyepa ti je akakiu. Kajeyepa nakata jla'am Sinia' i'yase napo i'nio' siunie ijiate ti itienkiuni pa Sijwajieti.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

Tito 2:13

Naka'ne ni siunie iyotaja ka iyoki ka inijijwiyejenk'iye janak jloma ti 'es ka napitiemet pi Sijwajieti Jesús, Sinia' ti wuj.

Hebreos 1:8

'Yina jlam pet ti ijwilt'ipi pet ni jlas iyo'ate: “Sinia' ja ke paja ka int'ekiyi ti jawo anechiyasa', jak je iyoyiji siunie akijmaye iyo tijnajyi.

1 Jn 2:23

I'nio' ni 'yakakiu ni Sinia' jlas, tepa janwo ka Sinia' inejiap pet. Jlampet ni i'nio' ni ijiate ti je 'yakakiu ni Sinia' jlas, tepa janwo pet ka Sinia' je inejiap.

1 Jn 2:24

Lesana siunie inamtik ti 'es, siunie ti 'nelanjie'e jipe'yaye. Siuti kiak jawoyeyi siunie Sinia' jla'yi ni jlas kiak janwo'ijyi pet ja injwanjliyeyik'i.

1 Jn 2:6

Siunie i'nio' ijwi'il ti ijwienjliyik'i pi Sinia', ka kiak iniwonayinie'e, iniwont'iyijipi pi Sijwajieti Jesús.

1 Jn 4:14

Sampe ti a'wena ti Sinia' ijliuye ni jlas ti iyoyeyi ka injwajiete'n napo i'nio'. 'Naka'ne ti awoki samtikie'ase.

1 Jn 4:16

Sektaj'le'ne ti kasts'ajanayi, jla'yi ti je akakiuniejayi ti Sinia' wuj ti kassemi'n. Sinia' jla'am ti inemijnaye. I'nio' ni jlemijnaye po'o, nak yiji ni Sinia', Sinia' kia'iyojliyi yiji pet nak i'nio'.

1 Jn 4:2

Je int'ayiji'n siunie yiyi janak Sinia' jikimet, naka ni i'nio' ti je 'yakakiu pi Sijwajieti Jesús, ti iyo'ate: “Jesús jlam ti Injwajietiwo ti tajle pi Sinia', ti iniwojwa'n i'nioye, ti 'nest'ipi ajnat'e”.

1 Jn 5:1

I'nio' ni je 'yakakiu pi Jesús ti jla'am ti Sinia' ijliu' ti Jijwajieti napo i'nio', nak ijiate jla'am ti Sinia' jlas. Siu'neje ni yimi'n ni i'nio' jilis po'o, kiak janwone'ijyi pet siupapo jilis janjwane'e ti janemijne'n.

1 Jn 5:15

Iyoye'ate ti kasts'ajane ti Sinia' its'iuts'e ti 'ajlaja, kia'iyo'ni pet siunie ti yiyetats'e siunie 'ajlajaja pi Sinia'.

1 Jn 5:18

Kasts'ajane ti siunie i'nio' ti Sinia' jlas je yits'e japa jlomaye ka inwo keye, 'yaka Sijwajieti Jesús ti Sinia' jlas jla'am ti i'yena, it'imina siunie imosik je 'yakajle'n pet.

1 Jn 5:5

I'nio' ni je 'yakakiu pi Jesús ti jla'am ti Sinia' jlas, nak toma ilia'm pet ki iyo ni yi' ape'e 'ni ajnat.

Apocalipsis 15:3

Takelisiejne'n, 'yina yilisisk'i siukia Sinia' jikawo Moisés jika'le, jika'le 'neje ni 'wolepo 'woma, ti iyo'ate: “Saka'niona, Sinia' ti lajk'ipa ka ijnojliji, wikie'eyi siunie jiwoyi je jlase' ni iyo, siu'neje ti ijiate ti 'es. A'm ti siuniwa ajnatis jika anechiyasts'a'm, 'yina siuniwa a'najia tijnajyits'i siu'neje ti je tak'emiyeje wek.

Apocalipsis 19:11

Sekyi'i ti a'wena ni poli ti inilajna'm, 'yakaja 'ni a'lenta lemits'i, jle' iyo'ate siojo i'nio' yi' ape'e ‘Ijiatk'i jla'yi ti Je Tak'emisie'n’, kajeyepa ti tijnajyi siunie ti 'yakajanit'i ape'e ni i'nio', siu'neje ti inila'an.

Apocalipsis 3:14

Jla'm iyojli 'ate: —'Ete'e kiu'ujwe siunie ti jajloyi ni jijliujwanik napo Sinia' jilis yi'i jana isi' Laodicea: “Iyo naka ni siunie ti 'yakajanit ti jlam je iyo ni siunie iyo ni Sinia', siunie Sinia' jikawo ti inka'niyewo ti je tiwonaja, naka 'neje ni siunie ti ijiatk'i, jitis 'neje wikie'eyi siuniwa Sinia' jilisajna'.

Apocalipsis 3:7

'Yina iyo'ne 'ate: —'Ete'e kiu'ujwe siu'nie ti jajloyi siunie jijliujwanik napok Sinia' jilis yiji jana Filadelfia: “Iyo'ni siu'nie Sinia' 'yotat, siu'neje ti nak yiyi siojona anechiyas David jika 'wuk kiwet jikie'e. Ni siunie etie jla'm ka 'najlinitia'm ja lajak'ipa ka imp'ojna'm, siu'neje ti jlama ka imp'ojna'm kiak jawo ja lajak'ipa ka 'najlinitia'm.

Apocalipsis 6:10

Jla'lap ijiok'i'ni ti iyoyits'i 'ate: —Ika'niona ti lajk'ipa ka ijnojliji, a'm ti i'notataje, siu'neje ti je tiliakiki'a'm. ¿Tepat'iyi pet ka'ye'en napo i'nio' yi' ni ajnat siunie iyoyi, ka awo pet sajaye siunie tiwonats'e ti kaslajne'n?