1 Jn 5:18 - Sinia' Jlamtis 1994

¹⁸ Kasts'ajane ti siunie i'nio' ti Sinia' jlas je yits'e japa jlomaye ka inwo keye, 'yaka Sijwajieti Jesús ti Sinia' jlas jla'am ti i'yena, it'imina siunie imosik je 'yakajle'n pet.

1 Jn 5:18 ပူးပေါင်းရင်းမြစ်များ

Mateo 5:37

Siupi as'lej jawonayi, ti jawoye'ate, Ji'yu, 'esiji ka je aka'm ape'e. Jlam ti jawo'ate, Je'e, kiak jawo je 'es ka akama'yi ape'e ti jiwoye'ate, Je'e. Siuti jwamjla'a ti jit'iasape ts'ijiye, nak tajle pet ni imosik.

Mateo 6:13

Ke kassena'ate ka wiekia'm niwa inkajejlasayejes, 'wenajliyi ka kasjwajiete.

Juan 1:13

Ijiatjliyi napok Sinia' jilis, 'yina je napoka napo i'nio' ka intajla ka jlama ka impojonit, jla'yi ka jitienkiujnieyeja' ni i'nio', 'wenajliyi jlam pa Sinia'.

Juan 14:30

“Laj i'witayi ka 'yakamtijnie'nase, 'yina je toj ilia'm siunie isie'e pet 'ni ajnat. 'Yina je akiajwe ti jla'am,

Juan 15:4

Si'niayi janjwanjli, jawo'ate awo'nase ti ya'am je alejliyi'iji ti ani'nopijiet'ase. Siunie jik'as jana ts'ejniek jit'io, ka lajak'i jana jitisiuk, je 'esiji ka iwo jlaye, kajeyepa lajk'i japa ka intajle. Kiak iyo'ni pet ti asa'am siuti si'niayi je ijwienjli, lajk'i pet pa ka intaj'l aswa'm ka 'esie ka woyeyi.

Juan 15:7

“Siuti je paj ka aleyeyi siunie jiwoyeyi ti jini'nopijietak'i, jla'yi siuti ja ke aleyeyi ti jiwoyeyi niwa yamtis, 'ajlayi siupi k'iejliyi pi jisitiana', ja tiwena'ase'm.

Juan 15:9

Wuj ti ts'ama'ase, iyoye pet 'ate siunie Inia' ti 'namak'i. Je pajana'a ka leyeyi siunie yimijnaye ti e'nase'm, ka woyeyi.

Hechos 11:23

Wuj ti inkaj'ni ja Bernabé ti 'nesa sekaja, lapakawo ti i'wi'in ti ijiatk'i siupa iyo ti Sinia' jikap'ijliuskiye yiji jlajak isi'. Bernabé 'yakela papo ti iyo'ate: —Ká akalakijiena ti jikinieyi ki iyo ni inamtik, ke ink'asayi pijia'm.

Santiago 1:18

Jlam ti tajle ni siunie iyo kawo ti iyo ka si'wasankiye ink'ieye'eje, 'yina ti ijiate ti kasts'isisi, ki iyo niwa jlamtis ti ijiatk'i ti awoki, ti iyo ka sama ka iniana ka kaspo' ape'e 'ni ajnat ka inianak'iye ni siuniwa ijia jilisajna'.

Santiago 1:27

Siunie ijiat ti 'es ka woyi napo Sinia' jilis, 'najleje'n ni 'es ti iyoyi, lajk'ipa ka jit'iojliye jitieyi'i pa Sinia', niwaka: 'esiji ka noyeyeje napo kimpejnas, siu'neje napo ask'ilieki, ti jijliak'ali po' ape'e 'ni ajnat, jla'yi ka inilesaniji k'iye niwa wask'i'nelaja yi'i 'ni ajnat.

1 Pedro 1:23

Tepa jawo ka kiak je iwo ti jlekiajlayeyi'iji siunie jiwoyeyi ti 'nelanjie'e ti jitiajlajia'm jana aset, 'yina je napokaye'ne ka impojonitie napo asnawot yi' ajnat'e, 'yina Sinia' ti impojonitie ti itiajlate pet niwa jlamtis ti ji'wasankiye po', jla'yi ti je paj ka netia'n.

1 Jn 2:29

'Esiji ti 'najanayi pi jiwonayi pi Sijwajieti ti tijnajyi jla'am. Kiak iyo'ni pet siunapo iyo ni 'es, je int'ayiji'n ti napok Sinia' jilis.

1 Jn 3:12

'Esiji ka je iyok'iate pi Caín ti ilia'an pi ji'yini, 'yina ti jla'am ti tajle pi imosik. ¿Tempi itiajlata? Lajk'ipa ka intajlata ti i'wi'in siupi iniwone pi ji'yini, i'yejne'n ti wuj ti 'es siupi iyo. Jlampet ti jla'am wuj ti je 'es siupi jikijmaye iyo.

1 Jn 3:3

I'nio' ni je iliyi ti its'iujwink'iye siupi iyo pi Sijwajieti Jesús inilesanayiji pet k'iye niwa wask'i'nelaja'n je isis, iyoye'ate ti jla'am pi Sijwajieti Jesús ti 'es.

1 Jn 3:9

Siunapo ti Sinia' jilis je iyoyi ni jike'. Tepa janwo ka kiak je iwo ti jla'am ti tajle pi Sinia', it'imina ti je 'yu'we kanwoyi nak je 'es, ti Sinia' jilis.

1 Jn 4:6

Jlam pet ti sa'am ti atajlaja pi Sinia'. Siunapo itiant'ieje pi Sinia' its'iuts'e'm, jlampet siunapo je itiant'ieje pi Sinia' je its'iuts'e'm. It'imina ti je astajanitie siunie i'nio' yiyi janak siojona Sinia' jikimet, kia'iyojliyi siojona tajle pet siunie ti je ijiate, ti 'yakajmank'iji'n napo i'nio'.

1 Jn 5:1

I'nio' ni je 'yakakiu pi Jesús ti jla'am ti Sinia' ijliu' ti Jijwajieti napo i'nio', nak ijiate jla'am ti Sinia' jlas. Siu'neje ni yimi'n ni i'nio' jilis po'o, kiak janwone'ijyi pet siupapo jilis janjwane'e ti janemijne'n.

1 Jn 5:15

Iyoye'ate ti kasts'ajane ti Sinia' its'iuts'e ti 'ajlaja, kia'iyo'ni pet siunie ti yiyetats'e siunie 'ajlajaja pi Sinia'.

1 Jn 5:19

Kia'iyojliyiji 'niji kasts'ajane pi awonaja ti atajlaja pi Sinia'. Jlam pet siunie ajnat yi kiajwe ni jijweye ni imosik.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

1 Jn 5:21

Ilis, joskiyeyi siunapo je ijiate ka diosisa'.

1 Jn 5:4

siunie i'nio' ti Sinia' jlas to'm ilia'm siunie je 'es ape'e 'ni ajnat. Lapakawo ti ka lajak'i siunie iyo ti je akakiuk pi Sinia', it'imina ti je kaskajli ki iyo ni ajnat.

Judas 1:21

Ká atajlajyi' siunie jlemijnaye ni Sinia' yi'nase'm, 'yina weyejyi siunie ti janejejwiye k'iye siojona jloma ti Saka'niona Jesús ti Sijwajieti jikap'ijliuskiye ti ja kassejni siojona si'wasankiye ti t'o'n.

Judas 1:24

¡Jayunitie pa Sinia' ti ijwienjli, Sijwajieti, jla'am ti 'yijene pi iyone kan'ye'nase'm, 'nakayi ti siunie ti je 'es ja ke inkajlajyi pet, siu'neje ti ja laja ast'ojliye, 'yina 'wenajliyijna'a pet ti jampo'ase siunie asnikanitieyi jitieyi'i ni jijweye iyo! ¡'Esiji ka siunie iyo ti 'es, siu'neje ni jiwunitieye, siu'neje ni jijweye, siu'neje ni jika anechijiayas, ja ke intajlap ti jla'am, ja titiajlataje pa Saka'niona Jesús ti Sijwajieti, siunie ti 'nelanjie'e t'ipi, siu'neje ti 'nakayi, 'yina jajnok'i'ni! Amén.

Apocalipsis 2:13

Ts'ajane pi awone ti jle'yi siunie ajnat sitiejiejwa imosik jika anechijiayas yi'i. 'Yina jlekjliyi wek ti je liyi siunie atankiujnieye ti je sakakiu, ejlowek ti yamata ti at'emi'na, siukiwa jlomas ti Antipas, siukia ikawo ti 'es ti tilianajape, ni yi'i ni sitiejiejwa imosik.