1 Jn 5:14 - Sinia' Jlamtis 1994

¹⁴ Sitiej awomaja pi Sinia', lapakawo ti janwents'e'm siupi ja'yejlaja, k'iejliyi pi jasitiana. Siuti jantaja wita'm siupi iyo pi Sinia', janwents'e'm.

1 Jn 5:14 ပူးပေါင်းရင်းမြစ်များ

Mateo 21:22

Ja k'iejliyeyipe siupi ja 'ajlayi pi Inia', siuti astankiujnieye ja poye, ijiate ja 'wenayepe siupa ja 'ajlayi.

Juan 11:42

Sitiant'ieje ti je jikam'ni itipe'e siunie awoyi. 'Yina awotajank'iye siu'napo yi'ne i'nio' ka impe'yayis, jla'yi ka 'esieyi, ja 'nakayeyijna'a ka je inkakiuyis ti a'am ti sijliu'.

Juan 14:13

Jak je iyoyiji, siuti japoye pi ja 'ajlayiji pi Sinia' siuti jasetina jats'iu'wase'm, sekjane'yijpe ka 'nakajajepi ni jijweye ni Jlas siunie jawo ni iyo ni Inia'.

Juan 15:7

“Siuti je paj ka aleyeyi siunie jiwoyeyi ti jini'nopijietak'i, jla'yi siuti ja ke aleyeyi ti jiwoyeyi niwa yamtis, 'ajlayi siupi k'iejliyi pi jisitiana', ja tiwena'ase'm.

Juan 16:24

Awakie yi 'nijiye ti je setina ka k'iejliyeyi paka 'ajlayi. ¿Yot'iyi'ni ti je t'iejlayi? Janwe'nase'm 'nakayi ti ja ke jlasiye siunie asnikanitieyi ti ja'wena'.”

Juan 9:31

Jejie'e kast'ayiji'n ti siunapo i'nio' ti jloski'la po' Sinia' je its'iuye, napokata jla'am siunapo ijiunit, jla'yi ti iyo siunie iyo kanwo.

Efesios 3:12

Lapakawo jlam ti kasts'isisi siuti atankiuniejayi, jak je iyoyiji ka init'ajanitieje'n ti ajalasaja, paj ti a'yakanajayi ni Sinia'.

Hebreos 10:35

Ká anetiajnata siunie jiwoyeyi ti je kakiunieyi, 'nakayi ti ja ataja siojona as'wajieti ti je jlase'.

Hebreos 3:14

'Esiji ka ani'netie pijia'm siunie iyo ni astankiujnieye ti 'es, jatiajlataja ki iyo ti 'nelanjie'e paj ka iwiekieyina'a 'niji jlaja, japakayeyi ti jawiekiap pa Sijwajieti.

Hebreos 3:6

'Yina Sijwajieti, ti jla'am ti Sinia' jlas, je tiwonajataja jla'am jiwek k'iye siunapo ji'wet jlele ni Sinia', ajwe'el ti sa'am, ka je initiajnata siunie ti je anikiwita, siu'neje na ka ini'netie, 'yaka po' siunie sinijijwiye ti yits'e.

Santiago 4:3

Siuti jit'iejlayi, je kajlajyi siunie jit'iejlayi, kajeyepa ti iwit'iane ni asts'ajlaye ti je 'es, kajeyepa ti 'yijene ti jiwoyeyi kawo aslakikie siunie jit'iejlaye.

Santiago 5:16

Ijiate, 'esiji ka wikie'eyi janijwela' siuti po' ni je 'es. Mayeyi ni'najlanapi. Siuti kiak janiwonayi, ja ajwayejyi ni aswet'ia iyo. 'Yina siunie 'es ti inipejlanit'i ape'e ni t'ajlaye, jijweye po' pet ni t'ajlaye.

1 Jn 2:28

Ilis, siukia awo'ojyi ti ajwe'lase'm ti awo'ate: ke ekiyejiap pi Sijwajieti Jesús, 'nakayeyijna'a siuti janapimet ja ke anikiwitanie'e, ja lajana'a ts'ajwejliye ilia'm jitieyi'i.