1 Jn 5:12 - Sinia' Jlamtis 1994

¹² I'nio' ni Sinia' jlas janejiap, kiak janwo siojona ji'wasankiye janejiap. Jlampet ni i'nio' ni Sinia' jlas je yijap, kiak iyojliyi siojona ji'wasankiye je yijap.

1 Jn 5:12 ပူးပေါင်းရင်းမြစ်များ

Marcos 16:16

Siupa ja ke inkakiu'n paka ja tiniejienajape, pak janjwayepe, jlam pet siupa ti jankakiu'n, jitis japoye pet.

Juan 1:12

Siunapo isi'm ilia'm, siu'neje napo je 'yakakiu, napok iyo ji'niayija' kanwo Sinia' jilisa'.

Juan 3:15

Jant'eminayijna'ape siunie i'nio' ti ja ke inkakiu intajana'a siojona in'wasankiye ti laj jlaja.”

Juan 3:36

Siunie i'nio' ja ke inkakiu naka Sinia' Jlas nak siojona in'wasankiye ti laj jlaja japoye pet. Jlam pet ni i'nio' ti 'yakakiu ja ke in'we'en janak in'wasankiye 'wenajliyijna'a pet siunie ja tiwonaja ti Sinia' jiwak jane'ne.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

Gálatas 2:20

'yina je'ne ka yama ka si'wasa'n, 'wenajliyi ti jla'am pi Sijwajieti ti yi' iwia'am ti si'wasankit. Siunie awo ti si'wasa'n, 'nakayi si'wasa'n kajeyepa ti itienkiujnieye yiyi ni Sinia' jlas, 'yina ti je akakiu ti jla'am ti semi'n, jla'yi ti ininekial itipe'e ka tiliana, ti iyo ka sijwajiet.

Hebreos 3:14

'Esiji ka ani'netie pijia'm siunie iyo ni astankiujnieye ti 'es, jatiajlataja ki iyo ti 'nelanjie'e paj ka iwiekieyina'a 'niji jlaja, japakayeyi ti jawiekiap pa Sijwajieti.

2 Juan 1:9

I'nio' ni iyo ka inkajmat ape'e siunie iyo ni Sijwajieti t'eyasajnaye, Sinia' je yijap. Jlampet siunie i'nio' ilisa'n nak inamtik ti 'es, siunie Sinia' jla'yi ni jlas yijap.