1 Jn 4:8 - Sinia' Jlamtis 1994

⁸ Jlampet siunie i'nio' je 'nama, je itiant'ieje pi Sinia', ti jla'am ti inemijnaye.

1 Jn 4:8 ပူးပေါင်းရင်းမြစ်များ

2 Corintios 13:11

Siunie jikiecha nak jayin jlaja, japo i'lijwas. Awojonk'iye pet ka akamaja. Jalasa pit ka ijiatayiji ka insisie, ni'netie pet. 'Esiji ka ijnol wita'm siunie jiwoyeyi ki iyo niwa asosikis, jla'yi ka ena'yasap ni askamankiye. 'Yina Sinia' ti jla'am ti tajle nak inkamankiye jla'am ti jane'yasap.

Efesios 2:4

Ijiate pa Sinia' ti wuj ti takap'ijliuski, it'imina ni iyo ti wuj ti kassemi'n,

Hebreos 12:29

Lapakawo ti siunie Sinia' nak iyo'ate siunie jwat, ti je inia'yi wikie'eyi siuniwa wask'i'nelaja ti jwat t'otieja'm.

1 Jn 1:5

'Naka'ne siunie inka'niye ti Sijwajieti Jesús kasts'eyasane ti ajwela'yasem pet: ti Sinia' jla'am ti 'esi', siunie ajnatiok je yiji.

1 Jn 2:4

Siuti po'o ni i'nio' iyo'ate, “Sitiant'ieje pi Sinia'”, jlam'ne je iyoyi niwa jlamtis, naka ni i'nio' wuj ti iyo sintiye', 'yina siunie ti ijiatk'i je yiji.

1 Jn 2:9

Po'o ni i'nio' ijwi'il ka nejyi na jla'al janak 'esi', jlam'ne ki iyo ti ne'waja'm ni jikiecha. Nak 'yaka ti ti'wena ti je tajli nak ajnatiok.

1 Jn 3:10

Je istie' pet siunapo Sinia' jilis, kia'iyojliyi siunapo jilis pet ni imosik. Siuti po'o ni i'nio' je iyo nak 'es, ni'ne ka nakaye siunie je 'namaja ni jikiecha, je tajle pi Sinia'.

1 Jn 3:6

I'nio' ni yijap, je iyo ni jike'. Jlampet siunie iyo ni jike', nak je i'wi'in jla'yi ti je itiant'ieje.

1 Jn 4:16

Sektaj'le'ne ti kasts'ajanayi, jla'yi ti je akakiuniejayi ti Sinia' wuj ti kassemi'n. Sinia' jla'am ti inemijnaye. I'nio' ni jlemijnaye po'o, nak yiji ni Sinia', Sinia' kia'iyojliyi yiji pet nak i'nio'.

1 Jn 4:7

I'lijwas ti yimijna', 'esiji ka aninemina'. Tepa janwo ka kiak je iwo ti Sinia' jla'am ti tajle ni inemijnaye. I'nio' ni jlemijnaye po'o, nak Sinia' jlas jla'yi ti itiant'ieje pi Sinia'.