1 Jn 4:6 - Sinia' Jlamtis 1994

⁶ Jlam pet ti sa'am ti atajlaja pi Sinia'. Siunapo itiant'ieje pi Sinia' its'iuts'e'm, jlampet siunapo je itiant'ieje pi Sinia' je its'iuts'e'm. It'imina ti je astajanitie siunie i'nio' yiyi janak siojona Sinia' jikimet, kia'iyojliyi siojona tajle pet siunie ti je ijiate, ti 'yakajmank'iji'n napo i'nio'.

1 Jn 4:6 ပူးပေါင်းရင်းမြစ်များ

Lucas 10:22

Yiyik'i ti kiak iyoyi sekyi'i iyo'ne 'ate: —Inia' yikialk'i wikie'eyi niwa wask'i'nelaja. Lajk'ipa ka 'najane paka wone siunie jlas, ijwienjli jla'am siunie Jinia' ti 'yijene pi iyone. Siunie Jinia' kia'iyojliyi, lajk'ipa ka 'najane paka iwone, ijwienjli jla'am ni jlas ti 'yijene pi iyone, siu'neje napo iyo ni jlas ka intant'ieje.

Juan 10:16

'Yina kia'iyo po'neje siuniwa iliajwas ji'wuk 'wenayi, ti je ijiat ka je iniame. Je ijiat ka je ink'iuyisk'i'm siunie jayone, sekjane'yi ka ji'wet ijwienkitana'a, injwanjliyena'a siunie jiwo ti jan'yena.

Juan 10:27

Siuniwa iliajwas siuniwa yamtis iyo itiant'iek'i, jla'yi ti ya'am sitiant'ieje. Namayis ijyik'i pi ajojwi.

Juan 10:3

Siunie jiwo ni 'wuk kiwet 'yajlinitia'm k'iye, sekyi'i ni sontas jiwo tanayits'i puwa jiliajwas siupi jle' ijio'we, ijwienjlik'i'ni. Jlamtis iyo pi jika'niona itiant'iejesk'i. Sekyi'i ti yamayi ti tajlaja'm japa ji'wuk.

Juan 13:20

Ijiatk'i siunie jajwi'il ti awo'ate, Siunie i'nio' isi'm ilia'm ni siunie ajlo' pet, nak isi'm ijyilia'm. 'Yina jlam pet ni isi'm ijyilia'm, nakaye pet ti isi'm ilia'm siunie I'nio' sijliu' pet.”

Juan 15:26

“Je ijiat ka je i'nes siojona asp'ota ti ijiate jlam ti Sinia' jikimet ti jajliu', ti jantajle ni Inia'. Janaka'ne ti ja sijwe'el.

Juan 16:13

Jlam ijiate ka 'nesta janaka ti ijiateje ti Sinia' jikimet ti 'es, janak ja into'nase siunie ki iyo ni ijiatk'i. 'Yina ja ke jlama ka jlamtisa' siunie jawo, janjwel pet siunie iyo ni ipi'yayi, ja'najanki'nase ta'a siunie jawo puwa ja'wena' ts'ijiye.

Juan 18:37

Siuti Pilato ipi'ya, iyo'ne 'ate: —Ijiatp'ane 'yakaj ti anechiyasts'a'm. Jesús isiujlie ti iyo'ate: —Ijiate siunie jiwo ti sijwe'el ti anechiyask'i'm. Ya'am anam'ne ajnat'e, jla'yi ti a'yiji'n, 'nakayi ti jayamtiyi siunie ijiatk'i. Wikie'eyi siunapo yiji siunie ijiatk'i its'iuk'i'm.

Juan 20:21

Jesús yikiajlayi'iji ti iyo'ate: —Kamaja'. Iyo'ate siunie ti Inia' sijliu', 'yina kiak ja iyo'nase pet ti jajliuye.

Juan 8:19

Sekyi'i japo Fariséojos i'yasayisi'n ti iyo'ate: —¿Tepa yi'i pi ana'? Jesús isiujlie ti iyo'ate: —Asa'am je intant'iejak'i, siunie Inia' kiak iyojliyi je intant'iejayi. Siuka intant'iejak'i intant'iejtaja ni Inia'.

Juan 8:23

Jesús iyo'ne 'ate: —Asa'am as'wet 'ni ajnat. Jlam pet ti ya'am i'wit pet siunie 'niji pijia'm.

Romanos 1:1

Asampey i'lijwas, ya'am ti Pablok'i'm ti atate'ase siu'nie ip'isinik. Sinia' jla'am ti tank'i, sekyi'i ijniejietk'i'm siu'nie isijmaye ka iyo Sijwajieti Jesús jijliujwanikie' ti sitiejieta naka ka yikiji'n ka ijwi'il siunie jika'niye ti 'es.

Romanos 11:8

iyo niwa Sinia' jlamtis ti iyo'ate: “Sinia' initiajnat pi jlosik, 'yina je paj kant'ekiyi, yiyeyi siu'nie jloma awak'i ti kia'iyo. Sinia' iyo jitietiye, 'yina je i'wijne'n, siu'neje ti iyo jik'iotiye, 'yina je tipechijyi'n.”

1 Corintios 14:37

Siuti po' siunie ti ijwi'il Sinia' jikimet japaka ti yamtijie'n, ni'ne ka nijwe'el ka poye siupa Sinia' i'winkina ka injlasate pet papo ijia, ja 'najane'eje pet pa janwone siunie iyo, siu'neje iyo ni ip'isinik naka jikajluniet jla'am pa Saka'niona.

2 Corintios 10:7

Awo'ate, 'yena niwa siuniwa wask'i'nelaja 'yaka 'nakayi. Siunie i'nio' ijwil ka ijiatayi ka inoyeje pa Sijwajieti, 'esiji ka jitiej inene 'ate ti siuti sa'am, sam'neje ti anokieje ni Sijwajieti.

2 Tesalonicenses 1:8

ti janame ti jan'ye'en ti jansa'a napoka i'nio' ti ijiateje ti teje'yi ilia'm ni Sinia', siu'neje napo ti je iyo ka ink'iuyeje ni inka'niye ti 'es ti ijwi'il pet pa Saka'niona Jesús.

1 Timoteo 4:1

'Yakajk'i ki iyo jana Sinia' jikimet ti 'es, ts'iji jlomas niwa tome jlaja japoye siunapo janleyi ni inamtik, ja 'wenajliyeyi jlam ti janeki ki iyo niwaka siuniwa imose'l, ti jank'emijietk'i napo, jla'yi ti janeki ki iyo siunie t'eyasajnaye niwaka.

2 Pedro 3:2

Ja 'nakayeyijna'a ti ja ke inkiwaliyeyi'i siuniwa inamtis ijwil t'ipi papo injwejlanawos t'ipi Sinia' jikawos ti isis, siu'neje niwa jlamtis pi Saka'niona ti Sijwajieti ti ijwil pet papo jijliujwajnas, ti kasts'eyasane.

1 Jn 4:1

I'lijwas ti yimijna', ká a'wenayeyijap'ni ka k'iuyeyi siunapo i'nio' ijwi'il ka nejyi siojona Sinia' jikimet. Janajnata ti ja'yena siuti ja ijiatayi ti jantajle pa Sinia' siojopa jikimet yiji. Je pini' napo injwejlanawos ti je ijiate ape'e 'ni ajnat ti t'iskiunk'iji'n, it'imina ni awo'nase.

1 Jn 4:4

Ilis, asa'am ti Sinia' jilists'ase'm. Je inkajla wekie'e ka intojmatayi'ni isia'm napoka i'nio' ti je ijiate pa kanjwelis. Tepa janwo ka kiak je iwo ti je jlase' ni jijweye siunie yi'asap, 'yaka'm ape'e siunapo yi' ajnat'e.

1 Jn 4:8

Jlampet siunie i'nio' je 'nama, je itiant'ieje pi Sinia', ti jla'am ti inemijnaye.

1 Jn 5:19

Kia'iyojliyiji 'niji kasts'ajane pi awonaja ti atajlaja pi Sinia'. Jlam pet siunie ajnat yi kiajwe ni jijweye ni imosik.

Judas 1:17

Siupet ti asa'am, i'lijwas ti yimijna'yase'm, siunie iyot'iyipi papok Saka'niona Jesús ti Sijwajieti jijliujwajnas, nak ti ataj ja enayijpe 'ate, siunie ti iyo'ate,