1 Jn 4:12 - Sinia' Jlamtis 1994

¹² Sinia' je ti'wenajata ka paja. Lapajawo siuti janinemina, Sinia' yi siwa'm, 'yakaj siunie jlemijnaye ti yi siwa'm.

1 Jn 4:12 ပူးပေါင်းရင်းမြစ်များ

Juan 1:18

Lajk'ipa ka in'we'en pi Sinia'. Ijwienjli jla'am ti i'wi'in siunie Jlas ijwienjli, ti jla'am ti Sinia', ti ijwienjli yiyi'i pi Sinia'. Jla'am ti i'winkints'e'm, it'imina ti kastant'ieje.

1 Corintios 13:13

Najape siuniwa ti ja ke paja ka inetia'n: niwaka niwa, intankiujnieye ti 'es, inejejwijiye, siu'neje ni inemijnaye. Siu'neje na ti ijiate ti 'yaka'm ape'e niwa ijia naka inemijnaye.

1 Timoteo 1:17

¡'Esiji ka iyunitie ni iyo ti jlam ti anechiyas, jla'yi ti ja ke iyok jlaja ti jayunitie, ti ijwienjli jla'am ti Sinia', jla'am ti je ti'wena ka paja, anechiyas ti je pajna'a ka netia'n, je ti'wena ka'na'al! Amén.

1 Timoteo 6:16

Ijwienjli jla'am ti je paj ka'na'al, ji'wet pet janak kates siojona ti je ti'wena paka ijnoyi. Lajk'ipa kan'we'en kajeyepa ti lajk'ipa ka'najane paka wone kan'we'en. ¡Ja ke paja ka int'ekiye siunie iyo ti tonitie, siu'neje ni jijweye jajnok'i'ni! Amén.

Hebreos 11:27

Siupa Moisés ti je 'yakakiu pa Sinia' it'imint'iyijpe ti ya'am ti taj'le japa ajnat Egipto, ti je jnots'ina pa anechiyas ti ijiat ti jwesie. 'Yina jla'am ini'netjli ape'e siupa ijialas ka woyi, lapakawo ti 'yiniye ka 'wene siupa Sinia' ti je ti'wena pa k'iejliyi.

1 Jn 2:5

Jlam'ne pet siunie ti iyoyi niwa jlamtis, 'yakajanit siupi iniwone ti yimi'n pi Sinia'. Siuti kiak aniwonaja ki iyo niwa inamtis, it'imina ti kasts'ajane ti kasjwanjliyik'i ti jla'am.

1 Jn 3:24

Siunapo its'iuye ki iyo, yiyisiap pi Sinia', Sinia' kia'iyojliyi yijap pet. Ka lajak'i jla'am janak jikimet ti jla'am ti iwints'e'm, janak 'yakajanit.

1 Jn 4:16

Sektaj'le'ne ti kasts'ajanayi, jla'yi ti je akakiuniejayi ti Sinia' wuj ti kassemi'n. Sinia' jla'am ti inemijnaye. I'nio' ni jlemijnaye po'o, nak yiji ni Sinia', Sinia' kia'iyojliyi yiji pet nak i'nio'.

1 Jn 4:20

I'nio' ni iyo'ate, “Emi'n pi Sinia'”, jlam'ne ki iyo ti ne'waja'm ni jikiecha, wuj ti iyo sintiye. Siuti je yimi'n ni jikiecha ti i'winata, ¿tepa jawo kanjwe'el ka nemi'n pi Sinia' ti je ti'wena?

1 Jn 4:6

Jlam pet ti sa'am ti atajlaja pi Sinia'. Siunapo itiant'ieje pi Sinia' its'iuts'e'm, jlampet siunapo je itiant'ieje pi Sinia' je its'iuts'e'm. It'imina ti je astajanitie siunie i'nio' yiyi janak siojona Sinia' jikimet, kia'iyojliyi siojona tajle pet siunie ti je ijiate, ti 'yakajmank'iji'n napo i'nio'.