1 Jn 4:1 - Sinia' Jlamtis 1994

¹ I'lijwas ti yimijna', ká a'wenayeyijap'ni ka k'iuyeyi siunapo i'nio' ijwi'il ka nejyi siojona Sinia' jikimet. Janajnata ti ja'yena siuti ja ijiatayi ti jantajle pa Sinia' siojopa jikimet yiji. Je pini' napo injwejlanawos ti je ijiate ape'e 'ni ajnat ti t'iskiunk'iji'n, it'imina ni awo'nase.

1 Jn 4:1 ပူးပေါင်းရင်းမြစ်များ

Marcos 13:21

“Siuti ja poye pa jawo'ate, ajwe'el 'niwak jlomas, “¡Jon ka'yenayi siu'nie Injwajieti ti Sinia' jijliujwanik yi'ne!”, ni'ne ti japoye pa' jawo'ate, “¡Jon ka'yenayi siusie Injwajieti Sinia' jijliujwanik yits'e!”, jla'm iyo, ká ak'iuyeyi.

Lucas 12:57

“¿Yot'iyi'ni ti je ni'ye'en a'am ka woyi ni siunie 'es?

Lucas 21:8

Jesús isiujlie papo ti iyo'ate: —Joskiyeyijna'a, ja lajak'ina'a paka ink'emi ilia'm paka jikiechaye. Kajeyepa ti ja ke piniye napo ja'nes ti janiteyini ki yi' ijio'we, ti janwo'ate, “Ya'am ti Injwajietik'i'm siunie Sinia' jijliujwanik,” kanwoyena'a 'ate, “Yiyi jla'ak jloma.” Ká akiniets'ina'a.

Hechos 17:11

Siupapo Judíojos jlamp'an je iyo'ate siupapo yi' Tesalónicaja, ti wuj ti t'ojni'n, ti jlam jeye jlamis 'es ti isimits'i niwa Sinia' jlamtis, 'yaka itiliajasi it'imina ti its'iuyisie. Jlomas ti i'ye'en puwa inamtis, ti ijialas ka 'najanisi ka ijiatayi siupa iyo ja Pablo puwa yamtiyi.

Hechos 20:29

Ts'ajane ta'a pa awone siuka yiktiejna'a ja'nes'ni napo i'nio' ti jawo'ate niwa k'iwajlas ti jwesis, ti jana'am jikiowe'e napo Sinia' jilis, ti jawo ka inetiajnat.

1 Corintios 12:10

Janaka 'neje ti tajle ti po' siunie ti 'yijene pi iyone ti ilisane siupa ti je kia'iyo ka ti'wena'ni; siu'neje na ti iyoyi jika'niyejayi napo i'nio', siunie tiwenaja'm; siu'neje ti po' siunie ti itiant'ieje siunie ti ijiate ti Sinia' jikimet, siu'neje niwa imose'l jikijmatis pet. Siu'neje ti po' ni 'yijene siuniwa inamtis ti 'wenayi; siu'neje na ti ipi'ya siuniwa inamtis je ti'niejenaja, sekyi'i ijwilik'iji'n.

1 Corintios 14:29

Jlampet siuti po' siunapo ti iyo ka inkasitk'i ti janjwe'el siupa Sinia' jikimet ijwijla'm, siuti ja timesie ni'ne ka najapeja, jlampet siupapo ijia papok jan'yenis siupi iyo ti ijwi'il.

1 Tesalonicenses 5:20

K'iuyeyi woye lajaye siunie inka'niye yameje'n siunapo ti ijwi'il ki iyo jana Sinia' jikimet ti 'es.

1 Tesalonicenses 5:21

'Esiji ka wujwa ka'yena niwaka ti kia'iyo, siuti ja'wena ti 'es ti jajejlitayi, niwak kimayi.

1 Timoteo 4:1

'Yakajk'i ki iyo jana Sinia' jikimet ti 'es, ts'iji jlomas niwa tome jlaja japoye siunapo janleyi ni inamtik, ja 'wenajliyeyi jlam ti janeki ki iyo niwaka siuniwa imose'l, ti jank'emijietk'i napo, jla'yi ti janeki ki iyo siunie t'eyasajnaye niwaka.

2 Timoteo 3:13

Napoka siunapo ti je isis, siu'neje napo wuj ti iliaki napo ijia, jlam yamjliyi pet ti iyoyi siunie jiwet'ia ti wuj ti je 'es ni tijnats'i. Ijiate janlaki napo ijia, jlam'ne kiak jawoyi siunie jawoyi ti initonisi ni jiwet'ia.

2 Pedro 2:1

Ti pajk'i kiak jini iyopi pojompe'eje papo yiji papo Israel jika kia'lis, ti kia'iyo je ijiate ka injwejlanawosa'. 'Yina kiak jawoyi, japoye napo napoka inka'neyasajnawos ti ja ke ijiatayi paka injwelis, ti jane aska kiowe'e. Janama'ase ni siunie jika'neyasajnaye, 'yina sek ja'not'i siuniwa ti wuj ti je isis, ti jankajyina. Janleyeyisijna'a 'nijiye ki iyo ni Saka'niona ti naka ti ijiate ti ijwiejiete'n. Ja jlamisie jla'am, ti janinetitis ni siunie ja tiwonaja ti ja tisiejek'i.

1 Jn 2:18

Ilis, yiyi ni jlaj siojona jloma. Pajk'i ti 'najanayi pi jiwonayi siunie jana'am, naka siunie inineyine pa Sijwajieti. Ijiatjliyi a'wena 'nakayi ti je jlase' napo jitiejiejwas pi Sijwajieti. It'imina ti je kast'ayiji'n ti ijiate ti yiyi ni yi'i ni jlaj siojona jloma.

1 Jn 2:7

I'lijwas, siu'niwa yamtis ti ajlo'wase je ajwe'el ka ink'iejyisa'. Siuti 'nelanjie'e jipe'yaye 'niwaka.

2 Juan 1:7

Je jlase' siunapo i'nio' ti iniu ape'e 'ni ajnat ti je ijiat paka injwelis, ka inekisi kanjwelis pi Jesús ti 'nes t'ipi ajnat'e ti iniwojwa'n i'nioye. I'nio' ni kia'iyo, nak i'nio' ti ijiuski'la'n, Sijwajieti jitiejiejwa.

3 JuanMary Thureson 1:11

Isiecha ti yiminik, ká aki niwaka ti je isis, woyi jla'am niwaka ti isis. I'nio' ni iyoyi siunie 'es, nak tajle ni Sinia', jlampet ni iyoyi siunie je 'es, nak je itiant'ieje pi Sinia'.

Apocalipsis 2:2

Iyo'ate wikie'eyi siunie jiwoyi, ts'ajane pi awone. A'we'en siunie akijmaye ti kiojieti, siu'neje ti akanowe jiniope siunie ti ajlak'ali ti yi'a, siu'neje ti ts'ajane pi awone ti je t'iujwam'ni pet k'iye siunapo i'nio' iyoyi ni jike', siunapo yi' aswa'm. Siu'neje na ti pajk'i ti jlejlit napoka i'nio' ijwil ka napokaye injlojwajnas jlam'ne 'wenayi, 'yina ji'we'en ti ijiate ti napokaye siunapo jlamtis je ijyiwitijits'i.