1 Jn 3:8 - Sinia' Jlamtis 1994

⁸ Jlampet ni i'nio' ni iyo ni jike', kia'iyojliyi je int'ayiji'n ti naka tajle pet ni imosik. 'Najanayi, siunie imosik tajlap'e ta'a ti 'nelanjie'e ti iyo ni jike'. Naka ti it'imina ti 'nes ajnat'e siunie Sinia' jlas, ti initiajnate'n siunie jikijmaye iyo ni imosik.

1 Jn 3:8 ပူးပေါင်းရင်းမြစ်များ

Mateo 12:28

Siuti janak akiene ti anojwatk'i kisie'e niwa imose'l jana Sinia' jikimet ti 'es, janak 'yakajanit pet siunie jika anechijiayas pa Inia' pajk'i ti yi' aska kiowe'e.

Mateo 13:38

siunie inwasok naka pet 'ni ajnat. Jlampet siupuwa inseliaki ti isis, napoka pet siunapo yiji pet ni jika anechijiayas pa Sinia'. Jlampet siuniwa cizaña napoka pet siunapo jilis ni imosik.

Mateo 4:3

Imosik ijioyi'ni ti iyo ka ijnejlit ti iyone'ate: —Siuti ja ijiatayi ka Ina'a jlasa'a'm, jejlite ka amti'yi siojona sisaj ka iniwojwa'n woyeja'.

Marcos 1:24

—¿Yot'iyi'ni ti jit'iuts'e, Jesús Nazaret jlele? ¿Jlamt'e jiniamats'e ti ja kasnetiajnat? Kastant'ie'a, ti a'm Sinia' jlasts'a'm ti i'nes.

Lucas 10:18

Jesús isiujlie papo ti iyo'ate: —Jlam je woyeyi, a'wenk'i ja sitiejiejwa imosik ti iniujwe'n ti tal poliyi, 'yiniye na tak'ajyi.

Juan 12:31

'Nak ja ti'yena 'ni ajnat. Siunie i'nio' tijniejieta'a, ti i'yena ni ajnat, ja totie kisie'e.

Juan 16:11

Jlam pet siunie ti Sinia' jan'ye'en napo i'nio' siupi jitis iyo, naka pet ti siunie i'nio' ti isie'e 'ni ajnat, ja 'nakaj ti pajk'i ti tisiejek'i.

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

Romanos 16:20

'Nakayi ti jla'm iwonayijna'a 'ate siunie, siunie Sinia' ti tajle ni inkamankiye, ka 'neti'nits'e ni sitiejiejwa imosik, sek jane'yi ka inenana'a assatis kiajwe. 'Esiji ka Saka'niona Jesús imp'elisinape.

Efesios 2:2

kajeyepa ti jiniuyek'i siunie iyo pet ni je 'es. Jikinieyi ni jikijmaye iyo ni ajnat, jiwoyeyi siunie 'yijie'nase'm ka woyeyi ni iyo ni i'nio' imosik, ti jla'am ti iniwojwa'n anechiyasa', siu'nie 'neje ti yiji na jloma, 'yina naka ti iniajne'n k'iye siunapo i'nio' je iyo kank'iuye niwa Sinia' jlamtis.

Colosenses 2:15

Pakayi ti Sijwajieti yi'i pijia'm japa cruz, sekyi'i ti itietayik'i isia'm siupuwa injweyejes siuniwa je 'yaka. Sekyi'i ti 'yakajanitie k'iye ti ijiate ti je tomits'i ilia'm, iyoyeyi jiliakijieye ti yine jitieyi'i wikie'eyi napo i'nio'.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

Hebreos 2:14

Siuti kia'iyo ti si'niayi ijwienjliyik'i, 'yina Jesús kiak iniwone pet 'ate iyo awoki ti sa'am ti i'niolts'e'm. Jak je iyoyiji 'yuye'e, 'esieyiji ti 'ya'al, jak je iyo siojokia t'ajlati iyo itiete'ne isia'am ki imosik. Sekyi'i initiajnati siukia jijweye iyo, ti isiene'ni napo i'nio' ti iliajne'n.

Hebreos 9:26

Siut'itie ka kiak iwo pa Sijwajieti je pinitiejeje ka'nal'ni, ka intajlap'e siupa ti 'nelanjie'aja poye 'niwa wask'i'nelaja. 'Yina jeyi kat'aja ka kiak iwo. 'Wenajliyi siunie iyo, siuti awak 'niji jlaja niwa jlomas Sijwajieti ijwienjliyik'i jiwek pakatajaje ti 'yakaj ti 'nesa, ti iyo ka inetiajnat niwa jikeyis napo i'nio', pakayi ti jlam jla'am ti iniwe'en ti inila'n ape'e.

2 Pedro 2:4

Siupapo injlojwajnas poli jlele ti kia'iyo siupi je 'es, Sinia' je najwi'yite. Itieteje siupi imosik ji'wet pet ti wikijnies ilie'niti yi'i pa ajnatiok, ti itiejiete siojopa jloma ka Sinia' i'yenta napo i'nio' ni jitis iyo.

1 Jn 1:2

Siojona in'wasankiye inikajanit. A'wena, sekyi'i awoki samtikie'. 'Nakayi yi'ase pet ti ajwela'yase'm janak in'wasankiye ti t'o'n, ti jlam pajk'i ta'a ti yijap pi Sinia', 'nakayi ini'wenki'nase'm.

1 Jn 3:10

Je istie' pet siunapo Sinia' jilis, kia'iyojliyi siunapo jilis pet ni imosik. Siuti po'o ni i'nio' je iyo nak 'es, ni'ne ka nakaye siunie je 'namaja ni jikiecha, je tajle pi Sinia'.

1 Jn 3:5

Asa'am pajk'i ti 'najanayi pi jiwonayi ti Sijwajieti Jesús 'nes 'ne ajnat'e ti tajlane siuniwa inkeyis, jla'yi jla'am laj jikeye'.

1 Jn 5:19

Kia'iyojliyiji 'niji kasts'ajane pi awonaja ti atajlaja pi Sinia'. Jlam pet siunie ajnat yi kiajwe ni jijweye ni imosik.

Judas 1:6

Pojon'nejepe papo injlojwajnas poli jlele ti ijliasate'n siupa Sinia', iyontaja ti yinta'ak'i siupa jikijmaye iyone, je 'esiji jla'm ti taj'lik'i siupuwa ji'wetis. Papoka ti Sinia' ilie'niti puwa wikijnies ti jajnok'i'ni ti ja inkipijnasa', sekyi'i itiete jikiowe'e ni ajnatiok jajnok'i'ni paj ka ineyeyinie'e siojona jloma ti ja ke jwajla'aja, janaka siojona ja tenajaja ti ja ti'yena napo i'nio' pi jitis iyo.

Apocalipsis 20:10

Jlajmiliet siojo imosik, ti ik'emijietk'i napo i'nio', titietajayija'm ni jwat siunie ti isa ape'e iyo ni i'niat lajlik'i, siu'neje na azufre, siunie ti kia'iyo ti titietaja'm ja pinitiok siuti jiliaye iniuj wita'm ja injwejlanik jiwo, ti je tal Siniayi. Jlomas ajnajas ti janejyi ni jijliak'ali 'yina jajnok'i'ni ti kiak jawo.

Apocalipsis 20:15

'Yina sek titietaja'a wikie'eyi siunapo i'nio' jleyis je yi'i siunie imp'esinik ni jleyis ji'wet napoka ji'wasankiye po' ti t'o'n.