1 Jn 3:7 - Sinia' Jlamtis 1994

⁷ Japo ilis, ja ke inejna'a ts'e papo ka inkajmanats'iji'n. Siunie i'nio' ni iyo ni tijnajyi, je int'ayiji'n pet ti tijnajyi ni i'nio', iyo'ate iyo pi Sijwajieti Jesús ti tijnajyi.

1 Jn 3:7 ပူးပေါင်းရင်းမြစ်များ

Mateo 5:20

Nak ajwe'lase'm ti awo'ate, siunie jiniwonayi ti jiwoyeyi ni 'es, siuti ja ke akama'yi ape'e napok Fariséojos, siu'neje napo jiwos pet nak Moisés jika'neyasajnaye, ajwe'lasem ta'a ti ja laja as'nayija' ka 'oyeyi ni Sinia' jika anechijiayas.

Lucas 1:75

Janilesanaja siuti jawiek jitieyi'i, jla'yi ti jajniejietaje siunie jayoki, ti awak jitieyi'i 'ne ajnat'e.

Hechos 10:35

'wanjliyi ka je Judío japa, siunapo toskiye pa Sinia', iyo siunie 'es jla'yi ti iyo siunie Sinia' iyo.

Romanos 2:13

Jlampet siunapo ipi'yayeta siunie inka'neyasajnaye ijwi'il, 'yina je its'iuyisie, napoka pet napo ti 'yaka ti jitis po'. 'Yina jlampet siunapo ti jla'am je ipi'ya jiwek 'yina ti iyoyi siunie 'yijijie'ne, napokaye pet napo ti Sinia' initiajnat pi jitis iyoyi.

1 Corintios 6:9

¿Jet'i 'najanayi paka wonayi ti siunapo i'nio' ti iyoyi ni je 'es, je 'yu'we kanejyi siunie Sinia' jika anechijiayas? Ká anik'emijietayi naka, jlam'ne siunapo iyoyi naka, ti 'yuyijk'i'ni napo ijiajwa'yis, siu'neje napo jitiej iyoma siuniwa iyo jika diosisa', siu'neje napo ti ijioyijin'ni japa ti je k'iemjla, siu'neje napo ti iyoyi ni siunie ti wuj ti je 'es ti ayijniesk'i wita'm,

Efesios 5:6

Ká ak'iuye siunapo ti iyotaja ka ink'emijieta siunapo jlamtis inkasi, tejnisieyi ti je ijiatk'i siunie ijwil ka woyi. Niwaka siuniwa ajwel'ni, niwak itione ni Sinia' jiwak siunapo i'nio' ti je its'iuye niwa Sinia' jlamtis.

Efesios 5:9

'Yina siuniwa jla' iyo jana kates jla'al naka ti jlosik po' ni i'nio', siu'neje ti tiwoki siunie ti tijnajyi, siu'neje ti ijiatk'i.

Filipenses 1:11

'Yina kajeyepa ti ja impo'ase siuniwa jawoyeyi ti jantajle pet siunie 'es ti jawoyeyi, ka lajak'i ni Sijwajieti Jesús, jant'emina ti ja tiwunitie pa Sinia'.

Hebreos 1:8

'Yina jlam pet ti ijwilt'ipi pet ni jlas iyo'ate: “Sinia' ja ke paja ka int'ekiyi ti jawo anechiyasa', jak je iyoyiji siunie akijmaye iyo tijnajyi.

Santiago 1:22

Kimayi niwa Sinia' jlamtis, kijmanayi'n ti iyo ka woyeyi. Je 'es ka jla'm ape'yaye jiwek, 'yina siuti kiak jiwoyeyi je jlewitayiji siunie ijiate ti 'es ka woyeyi.

Santiago 2:19

Ka jla'm awo wat ti jijwel pa Sinia' ti ijwienjli. Siuniwa imose'l kia'iyo 'yijene pi iyone, it'imina ti je 'yakakiuyis. 'Yina ti je ijwiyisie, kititiyeyik'iji'n.

1 Pedro 2:24

Sijwajieti jla'am ti atelkinaja wikie'eyi siuniwa sakeyis ti je isis 'wanjliyi ape'e ti yi' ape'e japa cruz. Ja 'nakayeyijna'a jayok masesie jitieyi'i ni sake', sekyi'i ti ja kas'wasajne'n pet k'iye ni siunie tijnajyi. 'Yina ka lajak'i puwak ji'wetis puwa tikienaja ti tiliana, puwaka'ne ti insisieyi, it'imina ti jijwayejyi pa aslaye.

1 Jn 2:1

I'lijwas, ajlo'wase 'niwaka, ki iyo niwa yamtis ti awotaja ka lajak'ipa ka inwo ni jike'. Siuti japoye ni i'nio' ni janwo ni jike', po'o ni i'nio' ni janoyijts'e'm; Sijwajieti Jesús naka ti jantamti sitipe'e, jla'am ti yi' jitieyi'i ni Sinia' jla'yi ti tijnajyi.

1 Jn 2:26

I'lij atate'ase ka 'najanayi ti po'o siunapo ti iyojonk'iye ka inkajmanats'iji'n.

1 Jn 2:29

'Esiji ti 'najanayi pi jiwonayi pi Sijwajieti ti tijnajyi jla'am. Kiak iyo'ni pet siunapo iyo ni 'es, je int'ayiji'n ti napok Sinia' jilis.

1 Jn 3:18

Ilis, 'esiji ka je si'lijak'i wekie'e siunie semijnaye. 'Esiji ka 'yakajanitie siupi jalisanaja.

1 Jn 3:3

I'nio' ni je iliyi ti its'iujwink'iye siupi iyo pi Sijwajieti Jesús inilesanayiji pet k'iye niwa wask'i'nelaja'n je isis, iyoye'ate ti jla'am pi Sijwajieti Jesús ti 'es.

1 Jn 4:17

Ti wakal siwa'm ni semijnaye, jant'eminajna'a ka je inikiwita siojona jloma ka Sinia' in'yentajna'a napo i'nio' jitieyi'i. Lapakawo ti Sinia' jikawosts'e'm awokie 'ate pi Sijwajieti Jesús ti awak'i 'ni ajnat.