1 Jn 3:24 - Sinia' Jlamtis 1994

²⁴ Siunapo its'iuye ki iyo, yiyisiap pi Sinia', Sinia' kia'iyojliyi yijap pet. Ka lajak'i jla'am janak jikimet ti jla'am ti iwints'e'm, janak 'yakajanit.

1 Jn 3:24 ပူးပေါင်းရင်းမြစ်များ

Juan 10:38

Siuti ja 'yakajli ka ilisane, 'wanjliyi ká akima'yi ijyilia'm, 'yina ká akakiunieyi ni siuniwa alesane, 'nakayi ti ja'najanayi ti jlam je awo Inia' yi' iwia'm, kia'awo pet ajyi ni Inia'.

Juan 17:21

'Ajlajap'a Inia' ka ijiatayiji ka iniwo'om, sekjane'yi ti ja kasjwanjli ti janiwomaja pet, janwoyena'a 'ate pet ti a'am jle' ijiap, jlam pet ti ya'am a'yajap. Siupi jitienkiujnieye jla'yi siupi janwoyisi janjwanjli, ja'nakayeyijna'a siunapo i'nio' yi' ape'e 'ni ajnat ja ke sakakiu ti ijiate, ti am ti sijliu'.

1 Corintios 3:16

¿Jet'i 'najanayi paka wonayiji ti asa'am ti Sinia' ji'wuk'iase'm, jla'yi ti siojona jikimet yi' aswa'am?

1 Corintios 6:19

¿Jet'i 'najanayi paka awonayi ti siojona Sinia' jikimet ti 'es ti iwi'nase'm ni Sinia', janak ji'wet niwa 'assienis, jla'yi ti yi' aswa'am janaka Sinia' jikimet? 'Yina je askimet siojona as'wasankiye ti yi'ase.

2 Corintios 6:16

¿Ma 'est'iyiji ka injwel ka ijnol wita'm pa ka woyisi niwaka Sinia' ji'wuk siu'neje niwa jitiej iyoma napo i'nio? Iyo niwa Sinia' jlamtis ti iyo'ate ti kasjwel ti sa'am ti ji'wukts'e'm siunie Sinia' ti je paj ka 'na'al: “Jayoyi i'witaje jlamis, sek jayi'i jayikiajli'ni. Ja yama ti ja Jiniayeyisk'i'm, sek jayi'i jayo ika kia'lisa'.”

1 Tesalonicenses 4:8

Jak je iyoyiji siunie i'nio' ti iliaki naka inka'neyasajnaye, je paka ka i'nioye ka inlaki. Iliaki pa Sinia' ti iwints'e'm janaka jikimet ti 'es.

2 Timoteo 1:14

Po' siojona jikimet ti 'es ti tajle pi Sinia' ti janoye'a'm. Lesaniji naka ni 'es ti tekiajla'a.

1 Jn 2:24

Lesana siunie inamtik ti 'es, siunie ti 'nelanjie'e jipe'yaye. Siuti kiak jawoyeyi siunie Sinia' jla'yi ni jlas kiak janwo'ijyi pet ja injwanjliyeyik'i.

1 Jn 2:3

Siuti jayoki niwa Sinia' iyo kayoki, sekyi'i je kast'ayiji'n pet ti kastant'ieje ti jla'am pa Sinia'.

1 Jn 2:5

Jlam'ne pet siunie ti iyoyi niwa jlamtis, 'yakajanit siupi iniwone ti yimi'n pi Sinia'. Siuti kiak aniwonaja ki iyo niwa inamtis, it'imina ti kasts'ajane ti kasjwanjliyik'i ti jla'am.

1 Jn 2:6

Siunie i'nio' ijwi'il ti ijwienjliyik'i pi Sinia', ka kiak iniwonayinie'e, iniwont'iyijipi pi Sijwajieti Jesús.

1 Jn 3:22

Siupi jasitiana janwents'e'm siuti ja'yejlaja, lapawo ti awoki siunie ji'lij jla'yi ti awoki siunie itiliaja ka iyoki.

1 Jn 4:7

I'lijwas ti yimijna', 'esiji ka aninemina'. Tepa janwo ka kiak je iwo ti Sinia' jla'am ti tajle ni inemijnaye. I'nio' ni jlemijnaye po'o, nak Sinia' jlas jla'yi ti itiant'ieje pi Sinia'.