1 Jn 3:22 - Sinia' Jlamtis 1994

²² Siupi jasitiana janwents'e'm siuti ja'yejlaja, lapawo ti awoki siunie ji'lij jla'yi ti awoki siunie itiliaja ka iyoki.

1 Jn 3:22 ပူးပေါင်းရင်းမြစ်များ

Mateo 17:5

Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate: —'Nak yas ti wuj ti emi'n, wuj ti ts'ajka'a. K'iuyeyi.

Mateo 21:22

Ja k'iejliyeyipe siupi ja 'ajlayi pi Inia', siuti astankiujnieye ja poye, ijiate ja 'wenayepe siupa ja 'ajlayi.

Marcos 11:24

It'imina ti awo 'ate, ti ja k'iejliyeyi pa ja 'ajlayi ti jasetiana, ti ja enayiji ni asts'ajlaye, ataj womak'i. Je ijiat ka je ine askiojyi siupa jit'iejlayi.

Juan 14:13

Jak je iyoyiji, siuti japoye pi ja 'ajlayiji pi Sinia' siuti jasetina jats'iu'wase'm, sekjane'yijpe ka 'nakajajepi ni jijweye ni Jlas siunie jawo ni iyo ni Inia'.

Juan 15:10

Siuti jawoyeyi siuniwa yamtis, ja ke ineyi ts'iji ka leyeyi siunie yimijnaye ka woyeyi, ka awoyena 'ate awo ti ak'iuye niwa jlamtis ni Inia' jla'yi ti ja ke ineyi ts'ijiye ka iliyi ni jlemijnaye.

Juan 15:7

“Siuti je paj ka aleyeyi siunie jiwoyeyi ti jini'nopijietak'i, jla'yi siuti ja ke aleyeyi ti jiwoyeyi niwa yamtis, 'ajlayi siupi k'iejliyi pi jisitiana', ja tiwena'ase'm.

Juan 6:29

Jesús iyo'ate ti isiujlie: —Siunie iyotaja ka awoyeyi, ka je akakiuye siunie jla'am ti ijliu'.

Juan 8:29

Siunie I'nio' sijliu' yi' ijiap. Je sijwankite'n pi a'yi, kajeyepa ti awo siunie iyo ka iyo.

Juan 9:31

Jejie'e kast'ayiji'n ti siunapo i'nio' ti jloski'la po' Sinia' je its'iuye, napokata jla'am siunapo ijiunit, jla'yi ti iyo siunie iyo kanwo.

Hechos 17:30

Ti pajk'i pa Sinia' yine'ate papo i'nio' siupa iniwonisi, 'yaka je wuj kan'ye'en. 'Nakayi je kia'iyo, 'wenajliyi ti iyo ka iwo jlosikis ink'iejyisa', wikie'eyi napo i'nio' yi' ape'e 'ni ajnat.

Hechos 20:21

Je sikip'e ti ajwejla'm napo Judíojos siu'neje napo je Judíojos, ti awone 'ate, “Woye asosikis ink'iejyisa', tankiunieyi pa Sinia' jlas Jesús.”

Filipenses 4:18

Kajeyepa ti pajk'i ti yi' isiojyi siunie ti jijliuyek'i, 'yina 'etsaka 'yaka'm itipe'e janaka. Siojokia jiwenajia'm ni sikiecha Epafrodito ti jijliuyek'i, ya'am awo'ate 'etsaka ti a'yena. Nak a'yejnap siunie jini inkajk'i, ti tiwoki ji'wajieta' pa Sinia', ti wuj ti 'yakanit'ni pi Sinia'.

Colosenses 1:10

Jak je iyoyiji siuti kiak jawoyeyi, sekjane'yi jawoyeyi siunie ji'niayi iyo napoka Saka'niona jilis, jla'yi ti janikanitie'ni ti kiak jawoyeyi ti jawoyeyi siunie 'es, ti jantajla'm siunie askijmaye. Sekjane'yi ka ijiatayijna'a ka intant'iejayi ti jla'am pi Sinia'.

Santiago 1:5

Jane'yi pa ti asa'm ti jawo ka 'naja'n pet, 'esiji ka 'ajle pa Sinia'. Siunie jasetia'n Sinia' janwe'na'm. 'Yina Sinia' je yijna'm wikie'eyi napo i'nio' ti t'ajla pa k'iejliyi jla'am iyonayi pit, 'yina ti Sinia' jwajla'a je isitia'n.

Santiago 4:3

Siuti jit'iejlayi, je kajlajyi siunie jit'iejlayi, kajeyepa ti iwit'iane ni asts'ajlaye ti je 'es, kajeyepa ti 'yijene ti jiwoyeyi kawo aslakikie siunie jit'iejlaye.

Santiago 5:16

Ijiate, 'esiji ka wikie'eyi janijwela' siuti po' ni je 'es. Mayeyi ni'najlanapi. Siuti kiak janiwonayi, ja ajwayejyi ni aswet'ia iyo. 'Yina siunie 'es ti inipejlanit'i ape'e ni t'ajlaye, jijweye po' pet ni t'ajlaye.

1 Jn 2:3

Siuti jayoki niwa Sinia' iyo kayoki, sekyi'i je kast'ayiji'n pet ti kastant'ieje ti jla'am pa Sinia'.

1 Jn 5:14

Sitiej awomaja pi Sinia', lapakawo ti janwents'e'm siupi ja'yejlaja, k'iejliyi pi jasitiana. Siuti jantaja wita'm siupi iyo pi Sinia', janwents'e'm.