1 Jn 3:20 - Sinia' Jlamtis 1994

²⁰ 'Wanjliyi ka kia'iwo pi sitienkiujnieyeja' ti jajwila ka je kasts'isis jitieyi'i pi Sinia'. Sinia' ti je istiejenit paka k'iejliyeyi, 'yijene pi iyone, jijweye 'yaka'm ape'e niwaka.

1 Jn 3:20 ပူးပေါင်းရင်းမြစ်များ

Juan 21:17

Jesús yikiajle'e'ne ti i'yase'n, sekyi'i ti najapajayiji ti iyo'ate: —Simón, Juan jlas, ¿mi semi'n? Pedro sekyi'i ti je inkajayi ka inkiujlie'ni, 'yina kajeyepa ti najapajayiji ti i'yas'ni ka ijiatayiji ka inemi'n. Isiujlie'ne ti iyo'ate: —'Yaka'niona, am ti 'najane wikie'eyi niwa wask'i'nelaja. 'Najane 'neje ti emi'n. Jesús iyone'ne 'ate: —Mayijinie'e pi jlak yi'i niwa iliajwas 'wolepo'.

Juan 8:9

Ti ipi'yayisie ja Jesús ti kia'iyo, sekyi'i ti ijwienjlik'i'ni ti yam'ni, japok inian'ni japo kijilas ti yam'ni. Jesús i'win'ne ti ijwienjli jlaja asejnia ti 'wanjlejap,

Hechos 5:33

Siupapo ijnosikis jiwos, ti ipi'yayeyis ti kia'iyo, jwesis'ne. Iyoyet'itiejespe ka inlajne'n japo injlojwajnas.

Romanos 8:34

¿Tempa jankajli 'neje ka iwo'ate, “Po' ni jitis napoka”? ¡Lajk'ipa! Sijwajieti Jesús jla'am ti initiajnat ki sitis iyoyi pakayeyi ti 'ya'al, siu'neje ti iniu kisie'e ti tajli pa a'no', 'nakayi ti yi 'niji yi'i pa Sinia' ti tom 'niji jijweyeje, jlama pet ti kasts'ajlane'ni pa Sinia'.

1 Corintios 4:4

'Wanjliyi lajatak'ipa ka iyine'ni isiowe'e ka je 'esie', 'yina je ajwe'el kats'es, 'yina ijwienjli jla'am pi Saka'niona ti jan'ye'en siupi awoyi.

Tito 3:11

'Esiji ka 'najane paka wone, ti siunie i'nio' kiak iyo, jlosik je ijyiwitayiji. Lajk'ipa ka 'nakajanit'i ape'e, niwaka jla'am siuniwa iyoyi ti je isis. Yiyits'i ti yiyeyi kisie'e, ti ijiate ti po' ni jitis iyo.

Hebreos 4:13

Lajk'ipa ka ne'yi siuniwa jilisajna' jla'am pi Sinia' ka 'najane paka iwone ka injwe'el ka inijwekia'm ti jla'am pi Sinia'. 'Yina ja ke injla'an wikie'eyi niwa wask'i'nelaja ti jitiete i'wi'in, jla'am ti ja kas'ye'en siupi awoki, ka netiejenie'e siojona jloma ti yi' jlaja.

Hebreos 6:13

Ti Sinia' iwijninampe pa ji'lij pa Abraham, ti ijwijla'm ti iyo'ate, “Ijiatk'i siunie awoyi ti ja ke inwo piniye siunie jayo'na ti jasiayi atepe'e ni siunie 'es, 'yina paj ka 'lojwana'a siunapo ti jantaj'l awa'm ti ja alesa'.” 'Yina siuti lajk'i pa ka int'a'n ape'e ti jla'am ka intaj tiwomaja, siu'neje kan'wenaja siupa iyoyisi, jak je iyoyiji'ni ti jlam jiwek jla'am ti yapi'li ti kiak iniwone ti ininetijnape.

1 Jn 3:19

Nak jant'emina ti ja kasts'ajane pi jayonaja ti atajlaje nak ijiatk'i, siuti jayoki, ja ke inikiwitajana'a jitieyi'i pi Sinia'.

1 Jn 3:21

I'lijwas ti yimijna'ase'm, siuti ja ijiatayi ka lajak'ipa ka sitiej wujwak'i ka iyoki, ka je 'esie', 'yina ja lajak'i pet pa ka itijnisiejejyi'n jitieyi'i pi Sinia'.

1 Jn 4:4

Ilis, asa'am ti Sinia' jilists'ase'm. Je inkajla wekie'e ka intojmatayi'ni isia'm napoka i'nio' ti je ijiate pa kanjwelis. Tepa janwo ka kiak je iwo ti je jlase' ni jijweye siunie yi'asap, 'yaka'm ape'e siunapo yi' ajnat'e.