1 Jn 3:19 - Sinia' Jlamtis 1994

¹⁹ Nak jant'emina ti ja kasts'ajane pi jayonaja ti atajlaje nak ijiatk'i, siuti jayoki, ja ke inikiwitajana'a jitieyi'i pi Sinia'.

1 Jn 3:19 ပူးပေါင်းရင်းမြစ်များ

Juan 13:35

Siuti jawoyeyi naka, ti janikimayi ni asemijnaye, sekjane'yi kan'wenayena'a pet siunapo i'nio' yi' ape'e 'ni ajnat ti asa'am ti 'yiyasajna'yase'm.”

Juan 18:37

Siuti Pilato ipi'ya, iyo'ne 'ate: —Ijiatp'ane 'yakaj ti anechiyasts'a'm. Jesús isiujlie ti iyo'ate: —Ijiate siunie jiwo ti sijwe'el ti anechiyask'i'm. Ya'am anam'ne ajnat'e, jla'yi ti a'yiji'n, 'nakayi ti jayamtiyi siunie ijiatk'i. Wikie'eyi siunapo yiji siunie ijiatk'i its'iuk'i'm.

Romanos 4:21

'yina ijiate ti inipejlaniti ti je 'yakakiu pa Sinia' ti ijiate ti 'yakajli jla'am ti je initiajnat siupi iyo ti ijwil ti jawoyi.

Romanos 8:38

Itiej awoma ti 'yaka ti lajk'ipa ka kasjlan'ni pet, ka kaslane wita'm ni siunie Sinia' jlemijnaye, 'wanjliyi ka janakaye siliaye, ni'ne ka jakaye jana in'wasankiye, ka napokaye injlojwajnas poli jlele, ni'ne ka niwakaye imose'l, ni'ne ka niwakaye siuniwa jijweye iyo niwa yiji pet ni poli, ni'ne ka niwakaye siuniwa wask'i'nelaja yiji siu'niwa jlomas, ni'ne ka niwakaye siuniwa janejyi ts'ijiye,

2 Timoteo 1:12

Naka'ne ti it'imink'i siu'nie iyo 'ni iwit'ia ti wuj ti anilayiti. 'Yina je ts'ajwejle, kajeyepa ti ts'ajane pa awone siunie I'nio' ti itiej awomaja. Jlam ti janoyijk'i'm ti ja wujwa ti jan'yenik'i'm siunie ti yikialk'i, jlomas ti jan'yena paj ka ineyeyinie'e janak jloma ti yi' jlaja.

Hebreos 10:22

Jak je iyoyiji jajioki pi Sinia', ja'nialkitak'i na sosik, siu'neje na sitienkiujnieye ti 'es jalisanaja'n. Siunie iyo ti je akakiuk jajwienkitak'i, 'yina ke k'iejliyeyi paka iyoki sitienkiujnieyejak'i wita'm ka jiniliakie pa, lapakawo ti pajk'i siuniwa ts'ajwes ti tilijiki'n, ti tilijiki siunie i'niat ti 'es.

Hebreos 11:13

Pi k'iet'iyik'i'nipe siupa Abraham, siu'neje pa Isaac, siu'neje pa Jacob, nojwat'ipi ajnata'm. 'Yina 'wanjliyi ape'e siunie ti je 'yakakiu pa Sinia', ejlo wek ti je yamik'i siupa Sinia' ijwijla'm. 'Yina 'yiniye ka jitiej iname wek pi 'lajni, sekyi'i iyoyits'i 'ate, “Seka'a siusie 'yakaja.” Ka kia'iwo ka 'najwelis jitipe'e ti je 'wet'ise', sekyi'i iyoyits'i 'ate, “Je ijiat ka i'wita' siu'nie ajnat, ja ke sipa'a ka itiajla'ana'a.”

1 Jn 1:8

Siuti ajwela ka laja sakeye', sam sa'am ti anilakik, siunie ijiatk'i je yi siwa'm.

1 Jn 2:21

Ti i'lij atate'ase, je ajwe'el ka je 'najanayi. Intant'iejayi siunie ijiatk'i. Je int'ayeyiji'n siuniwa wask'i'nelaja je ijiatk'iji'n, je tajle siunie ijiatk'i.

1 Jn 3:14

Sa'am pajk'i ti ajwayeje jana ts'ajlati, sekyi'i ti awakieja'ajme jana si'wasankiye. Semijnaye ena'a napo si'lijwas it'imina ti kasts'ajane pi awonaja. I'nio' ni je 'nama 'yaka ti je t'ekijyi ki iyo ti yiji jana 'najlati.

1 Jn 3:20

'Wanjliyi ka kia'iwo pi sitienkiujnieyeja' ti jajwila ka je kasts'isis jitieyi'i pi Sinia'. Sinia' ti je istiejenit paka k'iejliyeyi, 'yijene pi iyone, jijweye 'yaka'm ape'e niwaka.

1 Jn 3:21

I'lijwas ti yimijna'ase'm, siuti ja ijiatayi ka lajak'ipa ka sitiej wujwak'i ka iyoki, ka je 'esie', 'yina ja lajak'i pet pa ka itijnisiejejyi'n jitieyi'i pi Sinia'.