1 Jn 3:17 - Sinia' Jlamtis 1994

¹⁷ Siuti po'o ni i'nio' jwajla i'wi'in, 'yina i'winata ni jikiecha ti p'ijliusie pet, ka pakayeyi ka inwejna'm pet siupi isitia'n. ¿Tepa janwo kanjwe'el ka Sinia' jlemijnaye nejyi ni jlosik?

1 Jn 3:17 ပူးပေါင်းရင်းမြစ်များ

Lucas 3:11

Juan isiujlie papo ti iyo'ate: —I'nio' na times niwa ji'wuye, janjwanjli pet na janwejna'm siunie ti lajk'iyi pet paka 'nots'i. Jlampet na i'nio' na jlak po', 'esiji ka inkijwane pet siunapo lajk'iyi paka intojw.

2 Corintios 8:9

Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.

Hebreos 13:16

Astaj wunitieyijpe siunie ti janoyeyeje napo as'lejwas, nikat'inieyi siunie ji'wena. 'Yina ti naka ti Sinia' inka'a ti i'winata ti kiak iyoyi, siu'neje ti jla'am ti jlekiajlayi ti 'yaka'm ape'e siunie iyo pit siuniwa tilianajan'ni.

Santiago 2:15

Ataj kiam kiu' enayi 'ate ti akiecha pa, ni'ne ti janaka asejnia ti lajk'ipa ka ji'wuye, ni'ne ti lajk'ipa ka intojw.

Santiago 2:16

Jijliuk'i ti jiwo'ate, “'Esiji ka Saka'niona ine'yajap. 'Ots'i ni a'wu', tojw pi k'iejliyi ti jiwo ka atojw”. 'Yina ¿tempa ja 'nots'i, jla'yi paka intojw? Siuti lajk'ipa ka awejna'm 'yina ¿po' pa 'esi?

1 Jn 4:20

I'nio' ni iyo'ate, “Emi'n pi Sinia'”, jlam'ne ki iyo ti ne'waja'm ni jikiecha, wuj ti iyo sintiye. Siuti je yimi'n ni jikiecha ti i'winata, ¿tepa jawo kanjwe'el ka nemi'n pi Sinia' ti je ti'wena?

1 Jn 5:1

I'nio' ni je 'yakakiu pi Jesús ti jla'am ti Sinia' ijliu' ti Jijwajieti napo i'nio', nak ijiate jla'am ti Sinia' jlas. Siu'neje ni yimi'n ni i'nio' jilis po'o, kiak janwone'ijyi pet siupapo jilis janjwane'e ti janemijne'n.