1 Jn 3:15 - Sinia' Jlamtis 1994

¹⁵ Siunie i'nio' ne'waja'm ni jikiecha, nak i'nio' kalankijieta. Siojona in'wasankiye ti t'o'n je yiji.

1 Jn 3:15 ပူးပေါင်းရင်းမြစ်များ

Mateo 5:28

Jajwi'lase'm, siunie ti i'yejne'n jana i'nioki ti itiliaja ka 'noyi'ni, ijiate nak pajk'i ta'a ti yiji ni jlosik ti 'yu'ni, ti iliaki niwa inamtis.

Marcos 6:19

'Yina Herodías naka'ne ti it'imina ti wuj ti t'a'ti yi'ne pa Juan ti je iliayiji, sekyi'i iyoyetaja'ni kanla'an, lapakawo ti je 'yijene pa ka iwone.

Juan 4:14

I'nio' pet ti jan'yaje siunie i'niat ti jawijna'm, ja ke pajana'a ka nekiajle'e ka inki'im. Kajeyepa ti siunie i'nio' ti jawijna'm 'nak i'niat janwoyeyinie'e siunie janwo ti ja jlomasiek'i ti ja ke inejets'i ilia'm siunie i'niat ti jantajla'm ti janwo 'wasankiyeja'.

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

Hechos 23:12

Jloma ti k'iejli mot, po' siojopo Judíojos ti inikiujlisiap ja Pablo ti iyoyits'i 'ate: —Sak je inkaja ti je a'yakanajli'ijyi 'na Pablo ka iliana, jla'm ijiatena'a ka i'yakana jiwekie'ejana'a ka inkajaja ni sak, jla'yi pa k'iejliyi ka 'yaki.

Hechos 23:14

Yam'ni'ne ti ijioyisi japo pa'yijis jika anechiyasas, siu'neje japo Judíojos siojopo kijilas ti jleyis po', yiyisi ti iyoyets'i 'ate: —Siunie awoki ti anama'ni, ejlowekie'e ti nel'lia kaslajne'n ti je a'yakanajliyi'ijyi 'na Pablo ka liana.

Santiago 1:15

Jak je iyoyi ti wakajlata niwaka, sekyi'i 'yakaja pet ni jike' iyo. Ts'ijiye ti wakajlata pet ni jike', nakaye pet jana 'najlati ti 'yaka.

1 Pedro 1:23

Tepa jawo ka kiak je iwo ti jlekiajlayeyi'iji siunie jiwoyeyi ti 'nelanjie'e ti jitiajlajia'm jana aset, 'yina je napokaye'ne ka impojonitie napo asnawot yi' ajnat'e, 'yina Sinia' ti impojonitie ti itiajlate pet niwa jlamtis ti ji'wasankiye po', jla'yi ti je paj ka netia'n.

1 Jn 2:11

I'nio' ni ne'waja'm ni jikiecha, nak je tajli ni ajnatiok, jlam yikiajlaja'ni. Je 'yijenayi pi jantajyi, 'yaka ajnatiok iyojwa'n talokie'.

1 Jn 2:9

Po'o ni i'nio' ijwi'il ka nejyi na jla'al janak 'esi', jlam'ne ki iyo ti ne'waja'm ni jikiecha. Nak 'yaka ti ti'wena ti je tajli nak ajnatiok.

Apocalipsis 21:8

Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.