1 Jn 3:10 - Sinia' Jlamtis 1994

¹⁰ Je istie' pet siunapo Sinia' jilis, kia'iyojliyi siunapo jilis pet ni imosik. Siuti po'o ni i'nio' je iyo nak 'es, ni'ne ka nakaye siunie je 'namaja ni jikiecha, je tajle pi Sinia'.

1 Jn 3:10 ပူးပေါင်းရင်းမြစ်များ

Mateo 13:38

siunie inwasok naka pet 'ni ajnat. Jlampet siupuwa inseliaki ti isis, napoka pet siunapo yiji pet ni jika anechijiayas pa Sinia'. Jlampet siuniwa cizaña napoka pet siunapo jilis ni imosik.

Lucas 6:35

“'Esiji ka i'namajayi siunapo teje'yi aselia'm, ataj ka awomats'i ka ajwela ka k'iuyet ji'wet'e paka k'iejliyeyi, ka awoye lajaye. 'Nakayeyijna'a ti ja ke jlasiye siojona as'wajietiye, jla'yi ti Sinia' ti wuj jilisa'ase'm jlam ti jikap'ijliuskiye yi'ne siunapo i'nio' je 'esijiyi, siu'neje napo jwesis.

Juan 1:12

Siunapo isi'm ilia'm, siu'neje napo je 'yakakiu, napok iyo ji'niayija' kanwo Sinia' jilisa'.

Juan 11:52

Je ka napokataja, 'yina siu'neje napo Sinia' jilis netiajne'n ape'e 'ni ajnat, ka ji'wet injwankit.

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

Juan 8:47

Siunie ti Sinia' jlas its'iuye ki iyo niwa jlamtis ni Sinia', 'yina siuti je lijts'ase'm, ¿tepa jawo ka k'iuyeyi?”

Hechos 13:10

ti iyone'ate: —Ijiate wata'a 'na jiwoyi ti wuj ti je 'nes. Ijnoski'la'n ti jiliaki 'napo, jitieye ilia'm ni 'es. ¡Lapakawo ti imosik jlajts'a'm! ¿Yot'iyi'n ti je liyi, ti jiwo ka akajyi'n ni Sinia' ji'niayi ti tijnajyi jla'am?

Romanos 13:8

Je 'es ka 'wenayeyi paka int'emina ka akapia' poyeyi pi akiecha, 'esiji ka nakaye jla'am ni assemijnaye. Kajeyepa siunie i'nio' 'namaja ni jikiecha, nak ijiate wek jla'am ti iyoyi siunie Moisés jika'neyasajnaye.

Efesios 5:1

Siuti asa'am ti jilists'ase'm pa Sinia' siu'neje ti jlemijna'ase'm, 'esiji ka niwonayi 'ate iyo ti jla'am.

Colosenses 3:14

Jla'm ijiatayi jla'am siunie ti 'yaka'm ape'e niwaka, ti jawoyeyi as'wuye siunie inka'namankiye. Kajeyepa ti naka ti ijiate ti ilie'nitk'i wita'm niwaka.

1 Timoteo 1:5

Tempi it'imina ti ekiaj'la pet naka ti ajloye'a'm, 'nakayeyijna'a napo Sinia' jilis ka inenjlajap ni jlemijnaye ti tajla'm niwa jlosikis ti isis, jla'yi ka intajle siunie ti i'nialkitk'iyi ti jitiej iyoma pa Sinia' siu'neje ti jantajle ti ja lajak'i pa ka k'iejliyeyi paka jitiej wujwayisk'i ka iwo t'ajwejliye.

1 Jn 2:29

'Esiji ti 'najanayi pi jiwonayi pi Sijwajieti ti tijnajyi jla'am. Kiak iyo'ni pet siunapo iyo ni 'es, je int'ayiji'n ti napok Sinia' jilis.

1 Jn 3:1

'Yena ki iyo ni jlemijnaye ni Sinia' ti je jlase' ti yints'e'm; yamitits'eme ti iyo jilisats'e'm. Ijiatjliyi sa'am ti Sinia' jilists'e'm. Tempi it'imina siunapo tajle pet ni ajnat ti je itiant'iets'e, kajeyepa ti je itiant'iejesi pi Sinia'.

1 Jn 3:2

I'lijwas ti yimijna', 'nakayi ijiate Sinia' jilists'e'm, ejlo'o jiwekie'e ti je kastant'iejliyi'iji siupi jats'oniyeja' ka pajata. Lapakawo ti kasts'ajane siuti jankaj pi Sijwajieti Jesús, jayok'iate ti jla'am, ja'wina siupi ja k'iejliyeyi.

1 Jn 4:21

Sinia' iwints'e'm ni ji'lij ti iyo'ate, “I'nio' ni yimi'n ni Sinia', kiak janwo'ojyi pet, 'esiji ka nemi'n ni jikiecha”.

1 Jn 4:6

Jlam pet ti sa'am ti atajlaja pi Sinia'. Siunapo itiant'ieje pi Sinia' its'iuts'e'm, jlampet siunapo je itiant'ieje pi Sinia' je its'iuts'e'm. It'imina ti je astajanitie siunie i'nio' yiyi janak siojona Sinia' jikimet, kia'iyojliyi siojona tajle pet siunie ti je ijiate, ti 'yakajmank'iji'n napo i'nio'.

1 Jn 4:8

Jlampet siunie i'nio' je 'nama, je itiant'ieje pi Sinia', ti jla'am ti inemijnaye.

1 Jn 5:19

Kia'iyojliyiji 'niji kasts'ajane pi awonaja ti atajlaja pi Sinia'. Jlam pet siunie ajnat yi kiajwe ni jijweye ni imosik.

1 Jn 5:2

Siuti awoki niwaka, emina pi Sinia' jla'yi ti awoki siunie iyo kanwo, niwak tajleje ti kasts'ajane pet ti emina napo jilis pi Sinia'.

3 JuanMary Thureson 1:11

Isiecha ti yiminik, ká aki niwaka ti je isis, woyi jla'am niwaka ti isis. I'nio' ni iyoyi siunie 'es, nak tajle ni Sinia', jlampet ni iyoyi siunie je 'es, nak je itiant'ieje pi Sinia'.