1 Jn 2:5 - Sinia' Jlamtis 1994

⁵ Jlam'ne pet siunie ti iyoyi niwa jlamtis, 'yakajanit siupi iniwone ti yimi'n pi Sinia'. Siuti kiak aniwonaja ki iyo niwa inamtis, it'imina ti kasts'ajane ti kasjwanjliyik'i ti jla'am.

1 Jn 2:5 ပူးပေါင်းရင်းမြစ်များ

Lucas 11:28

Jesús isiujlie ti iyo'ate: —¡Jla'm ijiatayi ti 'yaka'm ape'e siunie Sinia' iyone ti ip'ilisi'n siunapo its'iuye niwa jlamtis jla'yi ti iyoyi!

Juan 14:21

“I'nio' ni isi'm ilia'm niwa yamtis, jla'yi ti iyoyi, nak je inijwek ti ijiate ti semi'n. Kiak iyojliyi pet ni Inia' yimi'n siunie i'nio' semi'n. Siuti ya'am kia'iyo jayimi'n, jla'yi ti jani'wenkijna'm.”

Juan 14:23

Jesús isiujlie ti iyo'ate: —Siunie i'nio' semi'n its'iuye niwa yamtis. Siunie Inia' janemi'n. Sekjane'yi ka iniamajana'a, siu'neje ni Inia', ti jawieki.

Juan 15:5

“Ya'am siojona ts'ejniek jit'io, asa'am ti jik'ase'lase'm. I'nio' ni je paj kanleyi ti ini'nopijietk'i, siupet ti ya'am kia'iyojliyi ani'nopijiet'ase, nak poye niwa tajla'm siuniwa isis ti iyo, niwak siuniwa jla'. 'Yina siuti siliejk'i je ji'yakana' paka woyeyi.

Juan 6:56

I'nio' siunie itiujw ni 'yajwes, jla'yi ti i'yaje ni i'yoyis, nak je paj kantalk'i'm, kiak awo já atajla.

Romanos 8:1

Siunapo i'nio' napo ini'nopijieteje ni Sijwajieti Jesús, napok 'yaka pet ti laj jitisa'.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

2 Corintios 5:17

Jak je iyoyi ti po' siunie ti inijwankitik'i pi Sijwajieti, ika pet ti ink'ie', siunie jilisanik ti ink'ie'. 'Yina siuniwa wask'i'nelaja paj yam'niji. Poye pet siuniwa wask'i'nelaja ink'iejyis 'nakayi.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Santiago 2:22

Ji'wen ki iyot'iyipi pa Abraham ti ijwienik'i siupi iyoyi 'yakajanit ti ijiate ti 'yakajli, jla'yi ti ya'm ape'e.

1 Jn 3:24

Siunapo its'iuye ki iyo, yiyisiap pi Sinia', Sinia' kia'iyojliyi yijap pet. Ka lajak'i jla'am janak jikimet ti jla'am ti iwints'e'm, janak 'yakajanit.

1 Jn 4:17

Ti wakal siwa'm ni semijnaye, jant'eminajna'a ka je inikiwita siojona jloma ka Sinia' in'yentajna'a napo i'nio' jitieyi'i. Lapakawo ti Sinia' jikawosts'e'm awokie 'ate pi Sijwajieti Jesús ti awak'i 'ni ajnat.

1 Jn 4:18

Siuti inemijnaye po'o, laj ijnots'inaye. Siuti wakal ni jlemijnaye ti yiji ni i'nio', je 'yakaj'l ilia'm pet siunie jlots'ini ni i'nio'. Siunie i'nio' je ijwijyi, lapakawo ti 'yijene ta'a siunie ja tiwonaja ti ja tisiejek'i ja tiwonaja. I'nio' ni je ijwi'ni, kajeyepa je wakal siunie jlemijnaye ka nejyi.

1 Jn 5:2

Siuti awoki niwaka, emina pi Sinia' jla'yi ti awoki siunie iyo kanwo, niwak tajleje ti kasts'ajane pet ti emina napo jilis pi Sinia'.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

2 Juan 1:6

'Yina siuti jayoki siunie Sinia' jlamtis iyotaja ka iyoki, ja'nakaja pet ti semijnaye japoye. Iyo siunie ti 'nelanjie'e jininekiajlayi pi Sijwajieti, ti iyo'ate, “Ká aleyeyi siunie asemijnaye ti jiwoyeyi.”

Apocalipsis 12:17

Sekyi'i'ne siojo ajliutietiok kat'ajayi ti a'tiejam'ni jlajak i'nioki. Sekyi'i ti yamayi ti jiwak yikiaj'le siunapo jilis jlajak i'nioki ti t'ekijiam'ni, napoka siunapo i'nio' iyoyi niwa Sinia' jlamtis, siu'neje napo i'nio' ti je paj ka inleyi ti ijwi'il ni Jesús.

Apocalipsis 14:12

Naka ti it'imina napo ti Sinia' jika kia'lis ti 'esiji ka ini'neti'n siunapo iyoyi niwa jlamtis jla'yi ti je itionit ni Jesús.