1 Jn 2:27 - Sinia' Jlamtis 1994

²⁷ Pajk'i ala ti yi'ase siojona Sinia' jikimet tajle pi Sijwajieti ti iwi'nase'm. Ja ke injwesiejayiji'n pa ka i'neyasana ja k'iejliyeyipe siupi jawoyeyi, lapawo ti po'o janak Sinia' jikimet ti janoye'ase'm. Siunie ja'neyasanayi, naka ni ijiatk'i, jlam je iyo ti 'es. Ká aleyeyi siunie jiniwonayi ti injwanjliyeyik'i'ni pi Sijwajieti, siunie iyo ti 'neyasanayi jana Sinia' jikimet.

1 Jn 2:27 ပူးပေါင်းရင်းမြစ်များ

Mateo 13:11

'Yina isiujlie japo ti iyo'ate: —Ti asa'am, Sinia' i'winki'nase'm ka intant'iejayi siuniwa yiji pet ni jika anechijiayas. Jlampet siunapo 'wenayi, Sinia' je iwijna'm ka 'najane niwaka.

Juan 14:16

Siuti ya'am ja'yasejeje'n ni Inia' siojopa ka inoye'ase'm janak Sinia' jikimet ti ijiatk'i, ka ine'yasap wikie'eyi niwa jlomas. Siunapo yi'i ni ajnat, je yiyi, 'yaka je intant'ieje, jla'yi ti je i'wi'in. 'Yina asa'am intant'iejayi, kajeyepa ti yiye asap, jla'yi ti ja ke pajana ka intaj'lase'm.

Juan 14:26

Lapajawo ti japoye janak Sinia' jikimet ti 'es, ti asp'ot, ti Inia' janjlo'wase ti ja setijnape. Janoye'ase'm ka astaj wujwak'i wikie'eyi siuniwa awo'nase, siu'neje ti janaka ti ja'neyasana.

Juan 16:13

Jlam ijiate ka 'nesta janaka ti ijiateje ti Sinia' jikimet ti 'es, janak ja into'nase siunie ki iyo ni ijiatk'i. 'Yina ja ke jlama ka jlamtisa' siunie jawo, janjwel pet siunie iyo ni ipi'yayi, ja'najanki'nase ta'a siunie jawo puwa ja'wena' ts'ijiye.

Juan 4:14

I'nio' pet ti jan'yaje siunie i'niat ti jawijna'm, ja ke pajana'a ka nekiajle'e ka inki'im. Kajeyepa ti siunie i'nio' ti jawijna'm 'nak i'niat janwoyeyinie'e siunie janwo ti ja jlomasiek'i ti ja ke inejets'i ilia'm siunie i'niat ti jantajla'm ti janwo 'wasankiyeja'.

Juan 6:45

Jilisajnat'ipi papo injwejlanawos ti iyo'ate, “Ja wikie'eyeyi napo i'nio' ti Sinia' ja'neyasajne'n.” 'Yina siunie its'iuye ni Inia', jla'yi ti ini'neyasane niwa jlamtis, nak ijiok'i pit.

1 Corintios 2:12

Jlampet ti sa'am, Sinia' siojona iwints'e'm jikimet, je nak ka intajle ni ajnat, lapakawo ti iyo ka kastant'ieje siunie jikap'ijliuskiye ti wuj ti 'es, jak je iyoyiji ti a'wena niwa wask'i'nelaja.

1 Corintios 2:13

Jak je iyoyiji siunie iyo niwa samtis ti amtiyejata, 'yina je napoka i'nio' ka intajle siunie iyo ti kasts'ajane, ka ini'neyasanaja, 'wenajliyi jla'am siojona jikimet ti tajle ni Sinia', janak jla'm ijiate jla'am ti janaka ti kasts'eyasa'n ti amtiye. 'Nakayi ti kiak awonayiji'ijyi siunapo Sinia' jikimet yijits'i ti ajwelajamk'i siuniwa tajle pit janaka Sinia' jikimet ti ajwe'el.

2 Corintios 1:21

Sinia' jla'am ti kasts'etk'i pijia'm pa Sijwajieti ti awakiejap, 'yina ti jla'am ti isimts'e'm,

Efesios 4:21

'Yina ajwel pajk'i ti 'najanayi pi jiwonayi kajeyepa ti jipe'yaye, jla'yi ti jini'neyasanayi niwaka Sinia' jlamtis ti ijiatk'iji'n, ajwe'el ti jla'am pi Sijwajieti.

Colosenses 2:6

Siunie jiwonayi pi Sijwajieti ti jikima'yi ilia'm ti jiwonayi Aska'nionaja', 'esiji ka kiak awonayi ti janoyets'i ni ji'niayi.

1 Tesalonicenses 2:13

Je aleki ti sinikanitiejeye awenaja pi Sinia', kajeyepa ti atankiuniek'i ti awoyepe yamtikie', ti ajwe'lase'm niwa Sinia' jlamtis, ijiate je jit'iumaja ilia'm, 'wenajliyi ti jikima'yi, kajeyepa ti je jikakiunieyi ti Sinia' paka jla'am ti jlamtis, 'yina je tajle paka i'nioye ka jlamtisie'. Ijiatjliyi, paka ti Sinia' jlamtis niwaka, 'yina ti 'yaka siu'niwa tajla'm, ti asa'am ti je jikakiuye.

1 Tesalonicenses 4:9

Jlampet naka asemijnaye ti jininemina' ti injwanjliyeyik'i ki iyo pa Sijwajieti, nak je awo ka yiyiji ka ijliuye'asem'ni, ka yi'ne ni ip'isinik, 'yina ti Sinia' pajk'i ti i'neyasanayi, jla'am pa Sinia', ka emina' napo as'lejwas,

1 Timoteo 2:7

Jak je iyoyiji ti Sinia' siwojwa'n jijliujwanik'i'm, ka ijwile ni siunie inka'niye napoka siunapo ti je Judíojos, ka 'yiyasane naka ni siunie intankiujnieye ti 'es, siu'neje ni ijiatk'i. Jlajme awoyi, ijiatk'i siunie awoyi.

1 Pedro 1:23

Tepa jawo ka kiak je iwo ti jlekiajlayeyi'iji siunie jiwoyeyi ti 'nelanjie'e ti jitiajlajia'm jana aset, 'yina je napokaye'ne ka impojonitie napo asnawot yi' ajnat'e, 'yina Sinia' ti impojonitie ti itiajlate pet niwa jlamtis ti ji'wasankiye po', jla'yi ti je paj ka netia'n.

1 Jn 2:28

Ilis, siukia awo'ojyi ti ajwe'lase'm ti awo'ate: ke ekiyejiap pi Sijwajieti Jesús, 'nakayeyijna'a siuti janapimet ja ke anikiwitanie'e, ja lajana'a ts'ajwejliye ilia'm jitieyi'i.

1 Jn 3:24

Siunapo its'iuye ki iyo, yiyisiap pi Sinia', Sinia' kia'iyojliyi yijap pet. Ka lajak'i jla'am janak jikimet ti jla'am ti iwints'e'm, janak 'yakajanit.

2 Juan 1:2

Siunie it'imina ti emina ka lajak'i naka siunie ijiatk'i ti yisajap jla'yi ti jlam kiajatajak'i'ni ti janesajap.