1 Jn 2:15 - Sinia' Jlamtis 1994

¹⁵ Awoma wita'm ti awo'ate: ke emina' ni ajnat, jla'yi niwa wask'i'nelaja yi' ape'e. I'nio' ni yimi'n nak ajnat, jlemijnaye je yi'ne pi Sinia'.

1 Jn 2:15 ပူးပေါင်းရင်းမြစ်များ

Mateo 4:8

Jlampa itimayi'iji, imosik ijioyet'iyijpe ape'e siojopa tikijnaki ti ijiate jla'm ti toj pijia'm. Sekyi'i i'winkinayi wikie'eyi siupuwa ajnatis wus, siu'neje puwa jijweye iyo papo ti iyo anechiyasa'.

Mateo 6:24

“Je ti'wena pa ka intemisiet papo jika anechiyasas, kajeyepa janemi'n pa janjwanjli, ti siupa kiecha jane'waja, ni'ne ka je intajla pi jikiecha siupa jikiecha pak jantajla. Je 'najanayi paka wonayi ka ijiatayiji ka awoye Aska'niona pa Sinia', siuti inteliajayi niwa askijmatis ti ji'wena'.

Lucas 16:13

“Je ti'wena wek napo inkawos ka ne'yi paka intemisiete papo jika anechiyasas, kajeyepa ti janjwanjli siupa ja ne'waja'm janjwanjli siupa janemi'n, siu'neje ti janleyi pa janjwanjli, janjwanjli'ne siupa ja ke intajlap. Je 'najanayi paka woyeyi ka ijiatayiji ka awoye aska'nionaja pa Sinia', lapawo ti jlemina' niwak wask'i'nelaja askijmatis ti ji'wena'.”

Juan 15:19

Siut'itie ka atajlayi ni ajnat jla'm ijiataja ka i'nama'ase pet siunapo i'nio' yi' ape'e 'ni ajnat, ka kiak inwonata'ase pit iyone siunapo ti iyojonk'iye. 'Yina ya'am ti akima'yase'm ti atajle kiowe'e siunapo yiji ni ajnat, jak je iyoyiji'ni ka je ine'wa'ase'm siunapo yiji ni ajnat, lapakawo ti 'wena'ase'm.

Romanos 12:2

Ke inteliaja siuniwa wask'i'nelaja a'wena siu'nie jloma, 'wanjliyi ka wo'ate pa, “jla'm ijiate siu'nie ti 'es.” 'Yina wo ink'ieye ni astankiujnieye 'nakayi ti ja'wena' jawo siunie jiwoyeyi, sek jane'yi ka intant'iejayijijna'a siunie Sinia' iyo kawo. Ka iyot'iate, ka intant'iejayiji siunie 'es Sinia' itiliaja, jla'yi ti tijnajyi.

Gálatas 1:10

Ji'we'en ti je nak ka iyojyi'n ka sonit papo i'nio' ti 'es ni isijmaye iyo, najata jla'am siunie awojyin'ni ka jlama jla'am pa Sinia' ka soniti ni isijmaye awone ka 'esie. ¡Yot'iyi'ni ka kiak je iwo ti, siuti jayojyi'n naka, ka sonit napo i'nio'! ¿Jot'e ka 'nok'i'm ti yam ti Sijwajieti jikawok'i'm?

Efesios 2:2

kajeyepa ti jiniuyek'i siunie iyo pet ni je 'es. Jikinieyi ni jikijmaye iyo ni ajnat, jiwoyeyi siunie 'yijie'nase'm ka woyeyi ni iyo ni i'nio' imosik, ti jla'am ti iniwojwa'n anechiyasa', siu'nie 'neje ti yiji na jloma, 'yina naka ti iniajne'n k'iye siunapo i'nio' je iyo kank'iuye niwa Sinia' jlamtis.

1 Timoteo 6:10

Kajeyepa siunie jijwetis wikie'eyi niwaka je isis, naka ti inemijnaye tena'a jana wikiniet'aj, jla'yi siunapo ti jitienkiujnieye ipijlanitia'm, ti iyojonk'iye ka jlomas intejwe ka je inetiane janak wikiniet'aj, napoka napo yiyi ts'iji initiajnat ni jitienkiujnieye ti 'es, 'yaka ijlie'en, sekyi'i wuj ti inilayiti ti iyo ni jijliak'ali ti iyo ti yiji ni jlosik.

Santiago 1:27

Siunie ijiat ti 'es ka woyi napo Sinia' jilis, 'najleje'n ni 'es ti iyoyi, lajk'ipa ka jit'iojliye jitieyi'i pa Sinia', niwaka: 'esiji ka noyeyeje napo kimpejnas, siu'neje napo ask'ilieki, ti jijliak'ali po' ape'e 'ni ajnat, jla'yi ka inilesaniji k'iye niwa wask'i'nelaja yi'i 'ni ajnat.

Santiago 4:4

¡Ijiate wat ti asa'am ti je insisiek'iye ni Sinia'! ¿Jet'i 'najanayi ti siunie itiliaja niwak wask'i'nelaja yi'i 'ni ajnat teje'yi ilia'm ni Sinia'? Siuti po' ni iyo ka t'ajajnajwaye 'ni ajnat nak iyo pet ka inta'yi ilia'm pi Sinia'.

1 Jn 3:17

Siuti po'o ni i'nio' jwajla i'wi'in, 'yina i'winata ni jikiecha ti p'ijliusie pet, ka pakayeyi ka inwejna'm pet siupi isitia'n. ¿Tepa janwo kanjwe'el ka Sinia' jlemijnaye nejyi ni jlosik?

1 Jn 4:5

Ijiate ti jlamis ti taj'le ni ajnat, it'imina napo yi'i pet ni ajnat ti inka'a pet ti its'iuyisie.

1 Jn 5:10

I'nio' ni je 'yakakiu siupa Sinia' jlas, yijni ni jlosik niwa Sinia' jlamtis. Jlampet ni i'nio' ni 'yakakiu pi Sinia', ijwila ka jla'm iwo pi Sinia', ti 'yakakiu siupuwa Sinia' jlamtis ti ijwi'il pi jlas.