1 Jn 2:12 - Sinia' Jlamtis 1994

¹² Ilis, ajlo'wase 'ni i'lij lapakawo ti Sinia' pajk'i ti initiajnat ask'ioye ni aske', ka lajak'i pa Sijwajieti Jesús ti i'nesieyi.

1 Jn 2:12 ပူးပေါင်းရင်းမြစ်များ

Lucas 24:47

Sekyi'i ji'lij iwijna'm pet napo jika kia'lis ka wo jika'niyejayi napo ijia ka wone'ate, “Woye asosikis ink'iejyisa', 'nakayeyijna'a ti Sinia' jamp'elisina', ka je intajlat'ase'm ni aske'.” 'Yina iyo jla'am niwa Sinia' jlamtis ka tiniajnata napo Jerusalén jlele ka tiwok jika'niyeja' yiji 'niwaka, 'yina paj ka ineyeyinie'e siunapo i'nio' yijits'i wikie'eyi niwa ajnatis.

Lucas 5:20

Ti Jesús i'wi'in ti jitienkiujnieye po' pa i'nio', 'yina iyone'ne 'ate siupa i'nio' je 'es: —Isiecha ti jle'ne, siuniwa akeyis netia'n.

Hechos 10:43

Pajt'ik'ipe ta'a papo jijwejlanawos ti ijwilis ja Jesús, ti iyo'ate, “I'nio' pa ja ke inkakiu, pak ja ke titiajlatajayijpe siupa jitis iyo.””

Hechos 13:38

It'imina, 'napo i'lijwas, ajwe'lase'm ti Jesús jijweye po' ka inetiajnat niwa inkeyis, 'yina ka lajak'i ti jla'am it'imina ti akajli ti awo yamtikie'ase.

Hechos 4:12

'yina naka ti kasts'isisi, kajeyepa ti lajk'ipa ape'e 'ni ajnat ka jikiechaye ka ineye paka Sinia' injlots'e ka pakaye ka kasjwajiete'n.

1 Corintios 6:11

Ti pajk'i, siuniwa ajwel'ni je awo'ate je woyeyipi, siuti asa'am po' siunapo yit'ijyipi. 'Yina 'nakayi insisie kajeyepa ti Sinia' pajk'i ti inlejajyi'n, jla'yi ti initiajnat ask'ioye ki astes iyo, ka lajak'i pet ni jle' iyo ni Saka'niona Jesús ti Sijwajieti, siu'neje japa Sinia' jikimet.

Efesios 1:7

Jla'am pi Sijwajieti ti initojmat sitipe'e 'yina ti iyo kajwieye it'imina ti tisa'ni ki ji'woyis, sekyi'i ti initiajnata kiwa sakeyis. ¡Ijiate ti je jlase' ni jikap'ijliuskiye ni Sinia'!

Efesios 4:32

Woye'ate siunapo jlosikis po', nip'elisina'. Ká atayetieyi ti k'iejliyi pi iyo'nase, iyo'ate pet pa Sinia' ti wuj ti imp'elisina, ti kia'iyo ti je iyoyi astesa' siunie jiwoyeyi, 'yina ti paka jla'am pa Sijwajieti ti insisieyi.

Colosenses 1:14

Jla'am ti iniwen sitipe'e ti initiajnat sik'ioye niwa sakeyis.

1 Jn 1:4

Ajlok'iase niwaka, ti awoktajank'iye pet siunie sinikanitiejeye ka impots'e.

1 Jn 1:7

Jlam'ne pet ti jawieki ni jla'al jana 'esi', iyo'ate ni Sinia' ti yiji janak 'esi', kasjwanjliyik'i. Siunie jlas Sijwajieti Jesús kaslejayi ni ji'woyis ki iyo niwa sakeyis.

1 Jn 1:9

Lapajawo siuti ja ijiatayiji ka inijwelaja siuniwa sakeyis, sitiej jayomaja ti jla'am ti jajnajyi siunie janwo, sek jane'yi kanetiajnatana'a na sitis, ka ijnalats'ijna'a wikie'eyi siuniwa je isis.

1 Jn 2:1

I'lijwas, ajlo'wase 'niwaka, ki iyo niwa yamtis ti awotaja ka lajak'ipa ka inwo ni jike'. Siuti japoye ni i'nio' ni janwo ni jike', po'o ni i'nio' ni janoyijts'e'm; Sijwajieti Jesús naka ti jantamti sitipe'e, jla'am ti yi' jitieyi'i ni Sinia' jla'yi ti tijnajyi.

1 Jn 2:21

Ti i'lij atate'ase, je ajwe'el ka je 'najanayi. Intant'iejayi siunie ijiatk'i. Je int'ayeyiji'n siuniwa wask'i'nelaja je ijiatk'iji'n, je tajle siunie ijiatk'i.

1 Jn 2:7

I'lijwas, siu'niwa yamtis ti ajlo'wase je ajwe'el ka ink'iejyisa'. Siuti 'nelanjie'e jipe'yaye 'niwaka.