1 Jn 2:1 - Sinia' Jlamtis 1994

¹ I'lijwas, ajlo'wase 'niwaka, ki iyo niwa yamtis ti awotaja ka lajak'ipa ka inwo ni jike'. Siuti japoye ni i'nio' ni janwo ni jike', po'o ni i'nio' ni janoyijts'e'm; Sijwajieti Jesús naka ti jantamti sitipe'e, jla'am ti yi' jitieyi'i ni Sinia' jla'yi ti tijnajyi.

1 Jn 2:1 ပူးပေါင်းရင်းမြစ်များ

Lucas 10:22

Yiyik'i ti kiak iyoyi sekyi'i iyo'ne 'ate: —Inia' yikialk'i wikie'eyi niwa wask'i'nelaja. Lajk'ipa ka 'najane paka wone siunie jlas, ijwienjli jla'am siunie Jinia' ti 'yijene pi iyone. Siunie Jinia' kia'iyojliyi, lajk'ipa ka 'najane paka iwone, ijwienjli jla'am ni jlas ti 'yijene pi iyone, siu'neje napo iyo ni jlas ka intant'ieje.

Juan 13:33

'Napo ilis ti yimijna'ase'm, je pi itioyeyi'i niwa jlomas ti jatiaj'lase'm. Je jwela' ka je siwoyejyin'ni, ka woyena'a 'ate awone japo Judíojos ti kiak awone, ti awo'ate, “Siunie jajiojwi ja ke a'yakanayi.”

Juan 14:16

Siuti ya'am ja'yasejeje'n ni Inia' siojopa ka inoye'ase'm janak Sinia' jikimet ti ijiatk'i, ka ine'yasap wikie'eyi niwa jlomas. Siunapo yi'i ni ajnat, je yiyi, 'yaka je intant'ieje, jla'yi ti je i'wi'in. 'Yina asa'am intant'iejayi, kajeyepa ti yiye asap, jla'yi ti ja ke pajana ka intaj'lase'm.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 21:5

Jesús i'yasayi japo ti iyo'ate: —Kia'lis, ¿mi je 'wenayi pa? Isiujlisie ti iyoyis 'ate: —Lajk'iyi pa.

Juan 5:14

Paj ti i'wina jla'am ja Jesús yi'i jlaja 'najla'wet jak i'nio', iyone'ne 'ate ti ijliuye: —Ke ekiajle'ena'a ka awo ni akeye, 'lojwinie'e ka ijiatayiji paka awo.

Juan 5:36

'Yina po' 'neje siunie jwamjla'a ti 'yaka'm ape'e ja Juan ti sijwe'el: 'naka siu'nie awo. Siunie awo ti Inia' ijliuyijk'i'm, naka'ne ti 'yakajanit ti sijliu' ni Inia'.

Juan 6:27

Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

Juan 8:11

Iyo'ne 'ate jlajak i'nioki ti isiujlie: —Lajk'ipa, 'ni Ika'niona. 'Yina Jesús iyone'ne 'ate: —Kia'awo je asa'am. 'Yejne'n, maj, ke ekiajle'ena'a ka awo ni ake'.]

Hechos 7:52

¿Tepa yi'i papo injwejlanawos t'ipi aska kijilas je iyo wet'iaye? Lajk'iyi pa ka nayisi'i kiapo injwejlanawos ti ilianisi'n, siupapo inianta k'iye siupa ijiate ti 'es. Jlajmiliet ti 'nesa, jlekiajlaye, sekyi'i ti jilianaye.

Romanos 5:10

Tankiuniek'i ti pajk'i, jlam'ne je alekiji ti ataye ilia'm pa Sinia', je iyojliyi ti iyo ka kasts'isisi wita'm ti jla'm pakayik'i ti tiliana pa jlas Sijwajieti Jesús ti kasts'isisi. 'Nakayi tepa jawo ka kiak je iwoyi ti ja kasts'isisi ti jajwieye ti jatiajlajaja ni jlas Sijwajieti Jesús ti jla'am ti 'wasa'n, siuti ti je atayeja ilia'm.

Romanos 6:15

¿Tepat'e iyo pit ti kia'iyo? Ti je pa awakie kiajwe ni Moisés jika'neyasajnaye, ¿ajwelat'e ka 'esieyi ti awoki ni sake', jlam'ne kasts'ajane pi awonaja ti nak awak kiajwe ni Sinia' jikap'ijliuskiye? ¡Je'e, je 'esiji!

Romanos 8:34

¿Tempa jankajli 'neje ka iwo'ate, “Po' ni jitis napoka”? ¡Lajk'ipa! Sijwajieti Jesús jla'am ti initiajnat ki sitis iyoyi pakayeyi ti 'ya'al, siu'neje ti iniu kisie'e ti tajli pa a'no', 'nakayi ti yi 'niji yi'i pa Sinia' ti tom 'niji jijweyeje, jlama pet ti kasts'ajlane'ni pa Sinia'.

1 Corintios 15:34

Apilieyi siunie jiwonayi ni asosik ti 'es, 'yina leyets'i siunie asoski'la, kajeyepa ti pot'e siupa ti asa'am ti je itiant'iejeje pa Sinia'. I'lij kiak ke iyone pa ti awojonk'iye ka 'yajwejlanatak'iji wita'm.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Gálatas 4:19

Ilis, yikiajlayi'iji siu'nie awoyi ti wuj ti alate ni itienkiujnieye, ti a'tiek'i astepe'e. Awoye 'ate siojona i'nioki ti k'iejli jlas yokie, ti ijliak'al'ni 'yina jajiok'i'ni siunie ti janilayiti, ijiatjliyijna'a ka wakajla pi Sijwajieti aswa'am.

Efesios 2:18

Sijwajieti jla'am ti iyo si'niayeja' it'imina ti a'yakanaja ni Sinia', ka lajak'i'ne wek jana Sinia' jikimet ti 'es ti iniuyits'e'm ti je kas'wenakite'n.

Efesios 4:26

Siuti injwesie, ká aninene 'ate, 'lojwinie'e ka intonie ni aske'; ká amita no'oti ni asjwesi,

1 Timoteo 2:5

Sinia' ijwienjli, jla'yi ti ijwienjli ni siunie i'nio' ti itionk'i wita'm napo i'nio' siu'neje ni Sinia'; naka ni Sijwajieti Jesús.

1 Timoteo 3:14

Awotajank'iye ka je pajayinie'e ka ijio'wa, 'yina ajlo'wa ta'a 'ni ip'isinik,

Hebreos 9:24

Kajeyepa ti Sijwajieti je nak siunie i'nio' jilisanik ti siunie jipe'el jiwek ni Sinia' ji'wet ka'noyi. 'Yina tijnats'iyi ti 'yuyi ni poli, siuniwa jlomas ti yi' jitieyi'i ni Sinia' jla'am ti t'ajli'ni pet siuniwa iyo niwa asetiana.

Santiago 1:27

Siunie ijiat ti 'es ka woyi napo Sinia' jilis, 'najleje'n ni 'es ti iyoyi, lajk'ipa ka jit'iojliye jitieyi'i pa Sinia', niwaka: 'esiji ka noyeyeje napo kimpejnas, siu'neje napo ask'ilieki, ti jijliak'ali po' ape'e 'ni ajnat, jla'yi ka inilesaniji k'iye niwa wask'i'nelaja yi'i 'ni ajnat.

Santiago 3:9

Sikiwet nak tajle ti awunitie ni Sinia', jla'yi ti akienaja ti si'lij je 'esi napo si'lijwas napo Sinia' jilisajna' jla'yi ti napok jipelis.

1 Pedro 2:22

Siupi Sijwajieti je iyo jikeye ka paja, jla'yi ti je ti'wena ka inkelit'ni paka ne'yi paka i'nioye.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.

1 Jn 3:18

Ilis, 'esiji ka je si'lijak'i wekie'e siunie semijnaye. 'Esiji ka 'yakajanitie siupi jalisanaja.

1 Jn 3:5

Asa'am pajk'i ti 'najanayi pi jiwonayi ti Sijwajieti Jesús 'nes 'ne ajnat'e ti tajlane siuniwa inkeyis, jla'yi jla'am laj jikeye'.

1 Jn 3:7

Japo ilis, ja ke inejna'a ts'e papo ka inkajmanats'iji'n. Siunie i'nio' ni iyo ni tijnajyi, je int'ayiji'n pet ti tijnajyi ni i'nio', iyo'ate iyo pi Sijwajieti Jesús ti tijnajyi.

1 Jn 4:4

Ilis, asa'am ti Sinia' jilists'ase'm. Je inkajla wekie'e ka intojmatayi'ni isia'm napoka i'nio' ti je ijiate pa kanjwelis. Tepa janwo ka kiak je iwo ti je jlase' ni jijweye siunie yi'asap, 'yaka'm ape'e siunapo yi' ajnat'e.

1 Jn 5:17

Lajk'ipa ka je inkeyeyi siunie je 'es ti tiwoki, 'yina po'o ni inke' ti je ijiate ka kiojietaja ka nameje jana 'najlati ni i'nio' iyoyi.

1 Jn 5:21

Ilis, joskiyeyi siunapo je ijiate ka diosisa'.

3 JuanMary Thureson 1:4

Lajk'ipa ka k'ieyeyi ki iyo ni inikanitieyi ti ajieyeyi japo ilis ti yame ki iyo naka ti ijiatk'i.