1 Jn 1:8 - Sinia' Jlamtis 1994

⁸ Siuti ajwela ka laja sakeye', sam sa'am ti anilakik, siunie ijiatk'i je yi siwa'm.

1 Jn 1:8 ပူးပေါင်းရင်းမြစ်များ

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

Romanos 3:10

Jlam'ne ni siuniwa Sinia' jlamtis iyo'ate: “Tiwet'ianaja ka injwanjli ka ne'yi paka 'esie'.

Romanos 3:23

'yina lajk'ipa ka 'wanjliye'e ka je iwoyi ni jloski'la; wikie'eyi je jnanjlajape ni Sinia' ki iyo ti 'es.

1 Corintios 3:18

Ká anik'emijieta. Siuti po' na ti asa'am ti ijwi'il ka ijiatayiji ka 'naja'an, iniwone siunapo i'nio' ti iyoyi ni ajnat jikijmaye. Je 'esiji ka aniwonayi 'ate siunie ti lajk'iyi paka iwoyi ti je 'yije'en jwajla'aja, ja 'nakayeyijna'a ka ijiatayi ka wo'ate siunie ti je jlejliyik'i wek ti 'yije'en jwajla'aja.

Gálatas 6:3

Siuti po' ni askiecha ti ijwil ka ijia jika anechiyasa', 'yina jlam'ne lajk'iyipa ka woyi, jla'm iyoyi. Jlam jla'am ti inik'emijiet.

1 Timoteo 6:5

Laj jlaja ti tejets'i wita'm, 'yina napoka napo ti initiajnat naka ni jlosik ti 'es, netia'n ki iyo ti 'yijene naka ijiatk'i. Ijwilayis ka ijiatayiji ka 'esieyi ka 'naka siunie kan'yakanisi ti iyoyisi siunie jitienkiujnieye ti 'es.

2 Timoteo 3:13

Napoka siunapo ti je isis, siu'neje napo wuj ti iliaki napo ijia, jlam yamjliyi pet ti iyoyi siunie jiwet'ia ti wuj ti je 'es ni tijnats'i. Ijiate janlaki napo ijia, jlam'ne kiak jawoyi siunie jawoyi ti initonisi ni jiwet'ia.

Santiago 1:22

Kimayi niwa Sinia' jlamtis, kijmanayi'n ti iyo ka woyeyi. Je 'es ka jla'm ape'yaye jiwek, 'yina siuti kiak jiwoyeyi je jlewitayiji siunie ijiate ti 'es ka woyeyi.

Santiago 1:26

Siuti po' ni i'nio' inijwe'el ti iyo'ate, “Ya'am Sinia' jlask'i'm”, siuti ji'lij je 'es, jlam ti inikajyi'n. 'Yina siunie ijwil ka jitienkiujnieye poyeyi ni Sinia', ijiate laj lajaye siunie iyo.

Santiago 3:2

Awoyi ti kajeyepa ti je ijwienjli paka je inkameje'n siunie iyoyi, kaswikie'eyi. Jlampet siunie ti je 'yakajme'n siunie iyoyi, nak ijiate ti 'es ni i'nio', nak 'yijenayi pi iyone pet ti to'm ilia'm ni iyo ni t'isie'n.

2 Pedro 2:13

'Yina siunie iyo ti inilayiti napo ijia ti jlamis ti iyo jijliak'aliye, niwaka'ne ti janapili ape'e siunie jawo ti janilayiti pi jijliak'aliye. 'Wanjliyi ka jlomayeyi ti iyo siunie, ti ijwilis ka 'esie. I'najwejlanatats'i wita'm asa'am ti jikijwanayi, taka'ajwejlasajne'n jla'yi ti je mamijia'm ti ijioyisi jana aslakijnieye. Inkasak'i wita'm ti insakana ti jiwoyeyi siunie iyoyisi, 'yina ti jikamajiam'ni ni je 'es ti iyoyisi.

1 Jn 1:10

Siuti jajwila ka lajk'ipa ka sakeye' ka iyoki, awokieyi sintiye' pi Sinia', siuniwa jlamtis ajotieja ts'ijiye.

1 Jn 1:6

Siuti ajwela ka kasjwanjliyik'i, jlam'ne mawat je atajlaje siunie ajnatiok, awok sintijyisa', ki iyo niwa samtis yame'e ni sikijmaye ti je 'es.

1 Jn 2:4

Siuti po'o ni i'nio' iyo'ate, “Sitiant'ieje pi Sinia'”, jlam'ne je iyoyi niwa jlamtis, naka ni i'nio' wuj ti iyo sintiye', 'yina siunie ti ijiatk'i je yiji.

1 Jn 4:20

I'nio' ni iyo'ate, “Emi'n pi Sinia'”, jlam'ne ki iyo ti ne'waja'm ni jikiecha, wuj ti iyo sintiye. Siuti je yimi'n ni jikiecha ti i'winata, ¿tepa jawo kanjwe'el ka nemi'n pi Sinia' ti je ti'wena?

2 Juan 1:2

Siunie it'imina ti emina ka lajak'i naka siunie ijiatk'i ti yisajap jla'yi ti jlam kiajatajak'i'ni ti janesajap.

3 JuanMary Thureson 1:3

Je jlase' ni awo ti ts'ajkaj'ni ti ajieye'a, ti ijwilk'im'ni siojopo ijiok'i ni siunie jiwo ti ataj je lie'ne ki iyo naka ijiatk'i.