1 Jn 1:6 - Sinia' Jlamtis 1994

⁶ Siuti ajwela ka kasjwanjliyik'i, jlam'ne mawat je atajlaje siunie ajnatiok, awok sintijyisa', ki iyo niwa samtis yame'e ni sikijmaye ti je 'es.

1 Jn 1:6 ပူးပေါင်းရင်းမြစ်များ

Mateo 7:22

Siojona jloma ka inetiejenie'e, ka ti'yenajta napo i'nio', ja ke piniye napo i'nio' jawo'ate, 'Yaka'niona, 'Yaka'niona, sampe ti akinieje ni e', ti awokieyi samtikie' siunie Sinia' ijwilts'e'm ka yoki. Etinajpe it'iminape ti anojwatak'i kisie'e jawa imose'l yijits'i japo i'nio'. Nakape'eje ti it'imina ti akajlaje ti alesanaja, niwak siuniwa ti yisi'lietk'i napo i'nio'.

Juan 11:10

Jlam pet ni i'nio' ti t'iskiujnijyi'ni ni ajnaj, ijiate tepa janwo ka je int'opi'ni isia'm, 'yaka siojona kates lajk'ipa kanejyi.

Juan 12:35

Jesús iyone'ne 'ate japo: —Je taljlitie'eje aska kiowe'e siojona kates, 'yina ja ke pajayi ka intajlanna'a aska kiowe'e. Katatayi ka askiuniek'iji'n alenjlipa ti 'yaka ask'ioye 'ni jloyeyi. Ja 'nakayeyijna'a siunie ajnatiok ja ke inesi'lietana'a ka netie'asenie'e. Ijiatjliyi siunie i'nio' yikiajli'ni nak ajnatiok, je 'yijene siupa jantajyi.

Juan 12:46

Yam katesk'i'm, yam ana'm ajnat'e jat'imina napo i'nio' siunapo je sakakiu ja ke inejyi ni ajnatiok.

Juan 8:12

Jesús iyonayi'iji 'ate japo i'nio': —Ya'am ti jika katesk'i'm napo i'nio' yi' ape'e 'ni ajnat. I'nio' ni jana'am ijyik'i ja ke int'iskiuniejejyinna'a ni ajnatiok, siojona kates in'wasankiye tajle janejyi.

Juan 8:55

'Yina je intant'iejayi. Jlampet ti ya'am sitiant'ieje. Siuka ijwi'il ka iyo'ate, “Je sitiant'ieje”, wuj ti jayo sintiye, ka iyoyena'a 'ateye jiwoyeyi. Ti ya'am jlam je awo ti sitiant'ieje, jla'yi ti awoyi niwa jlamtis, ti iyo ka iyo.

1 Timoteo 4:2

Jank'iuyeyisijna'a siunapo ti jank'emijiet, siupi janwone, siu'neje napo sintijyis. Napoka siunapo ti ja jlosik ja netia'n, ja ke 'najane pa kanwone ti ent'a 'es ni'ne ka je 'esie siunie iyoyisi.

Santiago 2:14

I'lijwas, ¿tempa jankajliji ni i'nio' ti ijwil ka ijiatayiji ka intankiuni pi Sinia', siuti je 'yaka pet pi jikijmaye ka poye? ¿Jot'e ka nakaye ka injwajiet ti po' ni jitienkiujnieye?

Santiago 2:16

Jijliuk'i ti jiwo'ate, “'Esiji ka Saka'niona ine'yajap. 'Ots'i ni a'wu', tojw pi k'iejliyi ti jiwo ka atojw”. 'Yina ¿tempa ja 'nots'i, jla'yi paka intojw? Siuti lajk'ipa ka awejna'm 'yina ¿po' pa 'esi?

Santiago 2:18

Ni'ne ka poye pa ti jawo'ate, “Po' napo i'nio' ti jitienkiujnieye po', po'neje napo ijia ti po' ni jikijmaye ti 'es”. Nak jayonaja 'ate ti jasiujlieje, ¿tepi iyo pit siunie ti jitienkiujnieye po', 'yina laj jikijmayeja' kawoyi ka 'esie? 'Yejne'n, ja'winki'na'm pet siu'nie awoyi ti itienkiujnieye po', lapakawo ti 'naka isijmaye ti 'es ti tajleje.

1 Jn 1:10

Siuti jajwila ka lajk'ipa ka sakeye' ka iyoki, awokieyi sintiye' pi Sinia', siuniwa jlamtis ajotieja ts'ijiye.

1 Jn 1:3

Ekiajlayi'iji ti awo'ate awoki samtikie'ase naka siunie a'wenape jla'yi ti ape'yak, 'nakayijna'a ti ja kasjwanjliyik'i siunie awoki, jawoyena'a 'ate awoki pet ni Sinia' jla'yi pi jlas Sijwajieti Jesús ti kasjwanjliyik'i.

1 Jn 1:8

Siuti ajwela ka laja sakeye', sam sa'am ti anilakik, siunie ijiatk'i je yi siwa'm.

1 Jn 2:4

Siuti po'o ni i'nio' iyo'ate, “Sitiant'ieje pi Sinia'”, jlam'ne je iyoyi niwa jlamtis, naka ni i'nio' wuj ti iyo sintiye', 'yina siunie ti ijiatk'i je yiji.

1 Jn 4:20

I'nio' ni iyo'ate, “Emi'n pi Sinia'”, jlam'ne ki iyo ti ne'waja'm ni jikiecha, wuj ti iyo sintiye. Siuti je yimi'n ni jikiecha ti i'winata, ¿tepa jawo kanjwe'el ka nemi'n pi Sinia' ti je ti'wena?