1 Jn 1:4 - Sinia' Jlamtis 1994

⁴ Ajlok'iase niwaka, ti awoktajank'iye pet siunie sinikanitiejeye ka impots'e.

1 Jn 1:4 ပူးပေါင်းရင်းမြစ်များ

Juan 15:11

“Kiak awo'nase ti awotajank'iye pet ka sinikanitieyi injwanjli, jla'yi ka impo'ase pet ni asnikanitieyi.

Juan 16:24

Awakie yi 'nijiye ti je setina ka k'iejliyeyi paka 'ajlayi. ¿Yot'iyi'ni ti je t'iejlayi? Janwe'nase'm 'nakayi ti ja ke jlasiye siunie asnikanitieyi ti ja'wena'.”

Juan 3:29

'Yejne'n, ataj enayi 'ate ti po' ni janjwa'yi, siunie ti asejnia jana janeyi ti yijap, je int'ayeyiji'n pet ti naka siunie tijwa'yi. 'Yina po 'neje siunie t'ajajnajwa ti yijap, its'iuye'ni, je jlase' pi iyo ti inkaj'ni ti ipi'ya siupi iyo ti tamti. 'Yina kia'awo'ni pet, siu'nie inikanitiejeye lajayi'ni ji'wetayi.

2 Corintios 1:24

Je ka iyo ka itiumayi'ni asek'i, siupa ka woyeyi ka ijiatayi ka tankiunieyi. Jlajmiliet ti je ink'asayik'i siunie ti jiwoyeyi ni astankiujniejeye ti 'es, kajeyepa ti pajk'i ti jiwoyeyi. Lapakawo ti awotaja ka iniuye'ase'm, ka asnikanitieyi poye pet.

Efesios 3:19

siu'neje ka intant'iejayi ti ijiate ti 'yaka'm ape'e siunie ti ajwela ka kasts'ajajne'n. 'Yina ti kiak jawo, ja inkajana'a ti jampo'ase pi Sinia'.

1 Jn 2:1

I'lijwas, ajlo'wase 'niwaka, ki iyo niwa yamtis ti awotaja ka lajak'ipa ka inwo ni jike'. Siuti japoye ni i'nio' ni janwo ni jike', po'o ni i'nio' ni janoyijts'e'm; Sijwajieti Jesús naka ti jantamti sitipe'e, jla'am ti yi' jitieyi'i ni Sinia' jla'yi ti tijnajyi.

2 Juan 1:12

Je piniyeta siu'niwa wask'i'nelaja ti awotaja ka ijwi'lase'm 'nakayi, lapakawo ti je awo ka yi'ne siunie ip'isinik. Ajwelta ka yama'aseyi ka ijio'wase, sek jane'yi ka ijiatayijijna'a ti jampots'e siunie sinikanitiejeye siuti kiak janwo.