1 Jn 1:3 - Sinia' Jlamtis 1994

³ Ekiajlayi'iji ti awo'ate awoki samtikie'ase naka siunie a'wenape jla'yi ti ape'yak, 'nakayijna'a ti ja kasjwanjliyik'i siunie awoki, jawoyena'a 'ate awoki pet ni Sinia' jla'yi pi jlas Sijwajieti Jesús ti kasjwanjliyik'i.

1 Jn 1:3 ပူးပေါင်းရင်းမြစ်များ

Juan 17:11

“Ti ya'am jayapi'lia, 'nak ja ke yi'i 'ne ajnat'e, jlajma ijiatayi ti jlamis ja ke intajlis 'ne ajnat'e. Inia' ti i'nes, 'esiji ka 'yena, ki iyo ni ajweye siunie ti jiwenk'impe, 'nakayeyijna'a ka injwanjli ino'we, ka iwoyena'a 'ate awoki ti sa'am.

Juan 17:21

'Ajlajap'a Inia' ka ijiatayiji ka iniwo'om, sekjane'yi ti ja kasjwanjli ti janiwomaja pet, janwoyena'a 'ate pet ti a'am jle' ijiap, jlam pet ti ya'am a'yajap. Siupi jitienkiujnieye jla'yi siupi janwoyisi janjwanjli, ja'nakayeyijna'a siunapo i'nio' yi' ape'e 'ni ajnat ja ke sakakiu ti ijiate, ti am ti sijliu'.

Juan 17:25

“Ji'yu, 'ni Inia' ti i'nes, siunapo yi' ape'e 'ni ajnat je itiant'ie'a, jlam pet ti ya'am sitiant'ie'a. Kia'iyojliyi pet siunapo jlekialk'i 'yijene pi iyone ti a'am ti sijliu'.

Juan 17:3

Ijiatjliyi, siojona in'wasankiye ti laj jlaja, naka siunie kantiant'ie'a, ti a'm ti injwanjli ti ijiateje ti Sinia'a'm, siu'neje kantant'iejesi ni siunie jijliu' naka Injwajieti Jesús.

Juan 19:35

Siunie i'nio' i'winaja, nak ijwi'il ti yamtik'i, 'yina ijiatk'i siunie iyo niwa jlamtis. Kia'iyo 'yijene pi iyone ti ijiatk'i siunie yamtiyi, ti iyo ka je akakiuye.

Hechos 13:32

“'Nak anamaja'a siunie Sinia' jika'niye ti 'es, ti iyo'ate: Sinia' iyonat'iyipi papo sitise'l, ti ijwijla'm, ijiatp'aneje siuti je pete, siunie iyo ti iniujwa'n kisie'e ni jlas Jesús, ti tajli na a'no'. Siunie iyo niwa inamtis ti yi'i na salmo jijwukis timejts'i, ti iyo'ate: “A'am ti yajts'a'm. Siu'niwa jlomas yam ti Anak'i'm.” 'Yina kasts'isisi ti atomajak'i pijia'm.

Hechos 13:41

“'Yejne'n siuti kakiujnietasts'ase'm, je ijiate ka je ine'yase siunie ti jlam ja jnots'inayijits'i'ni ka inojwatie'e. Majleyeyiji ka nejyi ka kia'iyone, 'yina japoye siojona jloma ti kiak jawo ti ja'winki'n siuniwa ja a'tiesiek'iji'n, ti ja 'wanjliyeyi ka poye paka injwe'lase'm, ja ke ak'iuyeyi.”

Hechos 2:42

Ilisanisiji siupa jika'neyasajnaye siojopo injlojwajnas, inik'isajasi siupuwa jikijmatis, yamjliyi ti iyoyis t'ajlayeja', jla'yi ti inikijwanis ti ti'yekiujni'n.

Hechos 20:27

Kajeyepa ti pajk'i ta'a ti ajwe'lase'm siunie iyo ni Sinia' ka woyi, je ajwek'iase'm.

Hechos 4:20

Jeyi kat'aja, je kasts'ajane paka iyonaja ka iliki ti awoki saka'niyeja', 'yaka a'wena jla'yi ti ape'yak.

Romanos 15:27

Ijiate ti yiminis ti kiak iniwonisi, 'esiji ti kiak iyo. 'Yina kia'iyo ti po' papo Judíojos t'ipi ti itis siupapo je Judíojos siupa ka 'esieyi pet puwa jlosikis. Jak je iyoyiji ti kiak awo ti ajwe'el napoka ti je Judíojos pet, ti 'esiji ka kia'iwo ka noyeje pet napok Judíojos ti Sinia' jilis, ka iwejna'm siupi k'iejliyi ti i'wi'in.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

1 Corintios 1:9

Siupi k'iejliyi ti ijwijla'm napo jilis 'yina je 'yaka'm ape'e, jla'yi ti jla'am ti isi'mase'm ka ni'nopijietayiji ni Jlas Sijwajieti Jesús, ti Saka'niona.

1 Corintios 15:1

I'lijwas, 'nakayi awotajank'iye ka ataj enayi'ni 'ate siukia Sinia' jika'niye ti ijwi'il jana injwajieti, ti awoyi pet yamtikie'ase. 'Yina 'naka'ne 'ni siu'nie ti jikimape ilia'm, siu'nie ti i'netiets'i pijia'm.

2 Corintios 13:14

'Esiji ka Saka'niona Jesús ti Sijwajieti jikap'ijliuskiye, siu'neje ni Sinia' jlemijnaye, siu'neje ni iyo jana Sinia' jikimet ti 'es ti kassotk'i wita'm, ja wikie'eyeyi kane'yasap.

Efesios 3:6

'Naka siu'nie ti Sinia' ip'io'n ape'e ti ka lajak'i niwa Sinia' jlamtis ti ijwi'il ni injwajieti. It'imina 'nakayi napo ti je Judíojos kia'iyo jikimetayis pet siuniwa isis wask'i'nelaja tajle pi Sinia' ti jla'm ilisan'ni k'iye napo jilis, iyo'ate iyo napo Judíojos. Je pi iyoye 'ate ti pajk'i, ti ijiate ti 'wenayiji ijiaja napo Judíojos. Jak je iyoyi siunie Sinia' pajk'i ti ijwil'ni, kia'iyoyeyi pit tijnaye'e pet, 'yina ti pakayi pet ti Sijwajieti Jesús iyoyeyi siupi iyo.

Filipenses 1:7

Je ka jiniliakie siunie sitienkiujnieye ni awonaja, awojlitieje ti wuj ti ts'ama'ase. Ent'a naka ti ajyi jla'a insat jiwe, ni'ne ka nakaye ti ani'net'i ape'e ni inka'niye ti 'es, ti ajwele pijia'm ti ijiatk'i jla'am, 'yina awo'ate ti kiak jiwoyeyi pit siunie iyonk'i ni Sinia' ti sip'elisi'n, naka jla'am ti it'imina ni jikijmaye ti awoyi ti iwink'i'm ti ijniejietk'i'm pet.

Filipenses 2:1

Jakajliete, siuti Sijwajieti pak it'imina ki iyo ni yits'e ti sijweye po'; siuti anikimaja ni semijnaye, siu'neje ti japaka jla'am japa Sinia' jikimet ti 'es ti kasts'opijietk'i wita'm; siuti kasisk'i wita'm, jla'yi ti askap'ijliuskiye poye,

Filipenses 3:10

Siunie awojonk'iye ka iyo, ka ijiatayiji ka sitiant'ieje pa Sijwajieti; jla'yi ti anik'iutieje ka into'm iwia'm ka inejyi 'ni isiowe paka jijweye ti iniujwa'n kisie'e jla'am ti tajle pa a'no'; jla'yi ti awotajank'iye ka ini'we'en ka 'naka ka iliaye janoyi wita'm; siunie jiliaye iyo ti wuj ti a'tiek'i, ka iyoyena'a 'ate iyo ti 'ya'al.

Colosenses 1:13

Sinia' jla'am ti kasjwajiete siunie jijweye nak ajnatiok, sekyi'i ti kasjlasatayi pi jlas ti jleminik ni jika anechijiayas.

1 Tesalonicenses 1:10

Kia'iyo injwela ti jinijijwijyink'iye pi jlas pi Sinia', ti janapimet ti jantal poliyi. Paka Saka'niona Jesús ti Sinia' jlam ti iniujwat kisie'e ti tajli pa a'no'. Jesús paka ti kas'manit, kajeyepa ti ajwayeje siunie Sinia' jiwak siunie jana'am.

1 Timoteo 6:2

Jlampet siunapo ti ijyiwite ni jika anechiyas ti iyoyi ki Inamtik, je 'es ka jikiowe iwone 'ate, “Ejlowek je ijiat ka its'iuye, jla'yi ka iyo lajaye, kajeyepa ti iyo'ate awo ti iyoyi ki Inamtik.” 'Yina kat'aja ti 'esk'i ka ijiatayi ka inoyeje, 'yina ti jikiechayik'i ti iyoyi ki Inamtik, kajeyepa napoka siunapo jika anechiyasas, Sinia' jilis ti wuj ti ti'niejmak'i. Woyi amtikie' siu'nie, jla'yi ka 'eyasane napo i'nio'.

Hebreos 2:12

Siuniwa inamtis t'ipi iyo'ate: “Inia', jajwijla'm japo i'niayi ijwienjliyi siunie jiwoyi, 'yina siuniwa 'yaka'leja niwak jayuniti ka yita jikiowe'e napo ales ti janitotk'i wita'm.”

Hebreos 3:1

I'lijwas, asa'am ti Sinia' pajk'i ti ta'nase jla'yi ti i'notata', astaj enayi 'ate pa Jesús, ti jla'am ti Sinia' jijliujwanik siu'neje ti jla'am ti pa'yijis jika anechiyas wuj, ni siunie sitiej awomaja.

Hebreos 3:14

'Esiji ka ani'netie pijia'm siunie iyo ni astankiujnieye ti 'es, jatiajlataja ki iyo ti 'nelanjie'e paj ka iwiekieyina'a 'niji jlaja, japakayeyi ti jawiekiap pa Sijwajieti.

1 Pedro 5:1

'Nakayi jayo jlosikie' siunapo ti i'yena napo ijia Sinia' jilis ti yi' aska kiowe'e. Siuti kia'awo iyo'ate ti jlamis, kia'iyo itiej 'wanjle'e pet, jla'yi ti a'wenaja ja Saka'niona ti Sijwajieti ki iyo ti wuj ti inilayiti. Kiak jayo iyo'ate ti jan'wenis ni jijweye pi Sijwajieti, kia'iyo ja'wi'in pi k'iejliyi ti 'es, ka 'nakajta ka netiejenie'e ni jlaj niwa jlomas.

2 Pedro 1:16

Siuti 'eyasanayiji ki iyo pi Saka'niona jit'iuni, siu'neje ni jawo ka napitiemet, je ka intajle siupapo paj t'ipi ti yamtiyi napo, jla'yi ti tajle ni jitienkiujnieye ni i'nio'. 'Yina ijiate jla'am ti sitiete i'wi'in, ki iyopi ja Saka'niona ja jijweye iyo.

1 Jn 1:1

I'lijwas, ajlok'iase siu'niwa yamtis, ti awoktajank'iye ka 'najanayi siunie ti iyo'ate Inamtik ti in'wasankiye. Siunie Inamtik jlam po'o ta'a ti 'nelanjie'e je wakaljli'ijyi niwa wask'i'nelaja yi' ape'e 'ni ajnat. Naka ni pajk'i ti ape'yak, sitiete i'wi'in, a'yena'nijpe jla'yi ti akiesa'ape.

1 Jn 1:5

'Naka'ne siunie inka'niye ti Sijwajieti Jesús kasts'eyasane ti ajwela'yasem pet: ti Sinia' jla'am ti 'esi', siunie ajnatiok je yiji.

1 Jn 1:7

Jlam'ne pet ti jawieki ni jla'al jana 'esi', iyo'ate ni Sinia' ti yiji janak 'esi', kasjwanjliyik'i. Siunie jlas Sijwajieti Jesús kaslejayi ni ji'woyis ki iyo niwa sakeyis.