1 Corintios 9:7 - Sinia' Jlamtis 1994

⁷ ¿Ent'a ji'wena' pa ti iyoyeta tokisie', ti jla'am ti takat'i'n ape'e siupa jlak ti iyo tokisie'? ¿Tepi iyo ni i'nio' ti jla'am ti yikiaj'l isia'm jana ts'ejniet'io, ma pot'i pa tomik'i'ni ti iyo ka intojw puwa jla' ti wakajlata? ¿Tepi iyo ni i'nio' ti i'yena niwa sontas, ma jet'i i'yaja ni jikat'ios ti i'nijwojnits'i?

1 Corintios 9:7 ပူးပေါင်းရင်းမြစ်များ

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

1 Timoteo 1:18

Yas Timoteo, 'ye'en siu'nie jayo'naja ti ja'yiyasa'n, ka 'wena ijnojwap'e wat siuniwa Sinia' jlamtis iyont'iyipi ti injwe'el ti ijwijla'm papo jijwejlanawos. Ja ke paja ka aleyi ti ja awoyi atankiujnieyeja' kiwa inamtis, 'nakayi ti ja'nesiejempe ti jlak'aliyijin'ni ni je 'es.

2 Timoteo 4:7

Wuj ti 'es ti anila'an ijwiye po', lapakawo ti ats'i ni jlaj yi'i 'ni 'nayi ni anok'i. Kajeyepa wuj ti alesaniji siu'nie awoyi ti 'es.

1 Pedro 5:2

'Yenayi niwa Sinia' jiliajwas 'wolepo' siuniwa ti yikiaj'lase ka 'yenayi. 'Esiji ka ijiatayiji ka 'yena siunie Sinia' yimink'i ka woyeyi, je 'es ka jla'm anetie'yi'ni jiwek ti jawoyeyi, ni'ne ka k'iujwen k'iye japa wikiniet'aja ka akajaye. 'Yina 'esiji ka inwa'asiti'ni ti jawoyi ni akijmaye iyo.