1 Corintios 9:6 - Sinia' Jlamtis 1994

⁶ 'Yina, ¿ijiatt'iyi ti samkata, ti ya'yi ni Bernabé, ka je 'esieyiji ka poye japa ka inwents'e'm napo i'nio' pa ka k'iejliyeyi ka kasts'isisi pet?

1 Corintios 9:6 ပူးပေါင်းရင်းမြစ်များ

Hechos 11:22

Sinia' jilis siupapo yi' Jerusalenne, ti t'ijieyeyisi pet ijliuyis'ne ja Bernabé, yi'i jlaja ajnat Antioquía.

Hechos 13:50

Siupapo Judíojos inijloyisijin'ni siupapo asejnia, ti anechiyaski'l, siu'neje papo ayijnies ti kia'iyo anechiyasas, siupapo je iliyis'ni kiajwe japa 'najla'wet ti ijioyisi. Ijliuye papoka ka poye paka iwonisi ja Pablo ka ijnotis kisie'e.

Hechos 14:12

Sekyi'i yiyinisi'ne pa jika diosis siupa jle' iyo'ate Zeus ja Bernabé, jlam pet ja Pablo paka pet pa dios Hermes, ti ijwilis ka pakaye siupuwa diosis ka jikawoye ka pakaye siupa jlame.

Hechos 18:3

'Yina ti Pablo jikijmaye kia'iyoyi, iyo papo ti isimisie'ni puwa 'nejes. Jak je iyoyiji'ni ti sek 'wanjle'e ti iyo ka inoyeje, ti ats'ilka ka inkijme'n.

Hechos 4:36

Iyoye'ate iyot'iyipi ja i'nio' jle' iyo'ate José, (injlojwajnas iyont'iyisi'nijpe 'ate Bernabé, ti iyo'ate “Je k'ijliaja”), tajla'm papo Leví t'ipi, ji'wett'iyijpe japa Chipre, i'niat iniujwape'n.

1 Corintios 11:16

Siuti japoye siunie janwet'iank'i siukia awoyi, 'esiji ka 'najane paka iwone: tiwet'ianaja ka sama, ka napokaye 'neje wek Sinia' jilis, ka 'najane paka wone ka poye siupa jikeye napo i'nio' paka tiniwonaja.

2 Corintios 11:8

Ti jika wikiniet'aj ajajlane japo Sinia' jilis jakiakaye ti ts'esi ti akijme'n aska kiowe'e. Awoyi kajeyepa ti aki'm ilia'm.

1 Tesalonicenses 2:9

I'lijwas, astaj wujk'i siukia awoki ti akimak'iji'n, ti jloma ajnaj kia'iyojliyi, paj ti je kasts'isisieyi ti akimak'iji'n ti awokijyi'n pi sak lajaye. Jak je iyoyi ka poye pa ka intajli'i ka jwesiejayiji'n paka k'iejliyeyi ka kasts'isisi ti awokietaja ni sikijmaye, ti awok samtikie' ti ajwela niwa Sinia' jlamtis ti isis.