1 Corintios 9:17 - Sinia' Jlamtis 1994

¹⁷ Siut'itie ka yama ka intalk'i siu'nie awoyi ti akijme'n, jlam potie'ne japa ka ikajliji. 'Yina ti jla'am pa Sinia' ti soniti ka iyoyi siunie jikijmaye, jla'yi ti sijliunkine,

1 Corintios 9:17 ပူးပေါင်းရင်းမြစ်များ

Mateo 10:41

I'nio' ni isi'm ilia'm ni Sinia' jijwejlanik jiwo, ti iyo'ate, “Aki'm ilia'm kajeyepa ti naka ti Sinia' jikawo ti 'es”, jikaja jawo'ate siunie Sinia' jikawo ti ijiate ti 'es, ka titisietana'a siojona jikajaye pet.

Mateo 24:25

¡'Yejne'n, ajwe'lase'm ta'a, ti je yijliyi'ijyi janak jloma ti kiak jawo!

Lucas 12:42

Saka'niona isiujlie ti iyo'ate: —¿Tempi i'nio' ti inkawo ti 'es jla'yi ti jlosik yiji'ni? 'Naka ni jika anechiyas jan'yenkina siunapo ijia jikawos 'neje ji'wet'e, siupa jloma ti lajata'yise pa anechiyas, ti jlam ti tekiajlaja kan'yena papo ijia, jak je iyoyiji yiyi siojopa jloma tetijnaja kanwe'en pi inak, sekyi'i iwinajamk'i papo ijia.

Juan 4:36

I'nio' ni ilie'ne ni inwomik tiwok jikajaye, siuniwa ilie'ne ti ijiut wita'm ijioyi jana in'wasankiye ti laj jlaja. Ja 'nakayeyijna'a pet siunie ilie'ne ni inwomik jla'yi ni siunie takawijna'n kiak janwo ja inkasaja'n.

1 Corintios 3:14

Siuti japoye ni siunie jilisanki jana je tikiwitaja ti t'o'ni, ti iwiakajlanit k'iye ni jwat, janakaye pet ni ja tiwok jikajaye.

1 Corintios 3:8

Siunapo ti tijna'yi pet ti takawijnajne'n, siu'neje napo i'niat isiayits'i'ni, lajk'ipa ka jwajla'aja ka int'an'ni pijia'm. 'Yina siunie ti Sinia' jankat'i'n ape'e pi jikijmaye iyo pi i'nio' nak jan'wenayi pet siojopa jikaja janwo.

1 Corintios 4:1

'Esiji ka kaswone Sijwajieti jikawosa'. Sinia' ijniejiet'e pet ka jikawosa', ka 'neyasane napo i'nio' siuniwa wask'i'nelaja iyo kawoyi, ti je 'yaka'm ape'e siunie iyo.

1 Corintios 9:16

Siuti ya'am je aniwuniti ti awo yamtikieyi napo i'nio' ti ajwejla'm niwa inamtis ti isis, kajeyepa ti naka ti isijmaye ti je 'es ka je iyoyi. ¡Ijiate ti iwit'ia janejyi siuti ja ke iyoyi yamtikie'!

1 Corintios 9:18

'yina, ¿tent'i siojopa 'yakaja? Naka ni inkanitiejeye, ti je awo 'yakajaye ti akiji napo i'nio' niwa inamtis ti isis. Ka iyot'e 'ate, ti 'yiniye ka 'yakawoye, siunie iyo ni i'nio' kiak jikijmaye iyo ti po' siojona 'esi ti tejeye ni jikijmaye, 'wanjliyi ka kiak iwo ka je tijwelak'i'm japa ka yak lajaye pet, ti akietaja niwa Sinia' jlamtis ti isis.

2 Corintios 8:12

Jak je iyoyiji siuti ijiatk'i siunie jiwoyeyi siojopa jak'ieye japa jlenayi ti jlekiajle pa Sinia', 'yina janaka pet siojona i'wine'ni ilia'm. Ja ke in'yaseje'n siojona je 'we'en.

Gálatas 2:7

Tojwayi ts'iji ki iyo siunie iyoyistieje ka woyisi ka inanisin'ni sik'ioye, ti jlamis ti i'yena japo ijia Sinia' jilis pet, siukia awoniji'ni lajk'iyi paka iwoyisi. Najata jla'am ti a'we'en ti je sakakiuyis ti Sinia' jla'am ti yikialk'i siu'nie isijmaye iyo ti awo yamtikieyi siunapo i'nio' ti je Judíojos siuniwa Sinia' jlamtis, iyoye pet 'ate ja Pedro ti kia'iyo ti iyo jlamtikieyi pet napo Judíojos.

Colosenses 1:25

'Yina Sinia' siwojwa'n aswoye ka iniuye'ase'm jla'yi ti jitiej iyomk'i'm ka iyoyi ni siunie jikijmaye ka ijwi'lase'm ni jika'niye ka i'nesieyi, iyo siunie awone ti jajnol'ne wita'm.

1 Tesalonicenses 2:4

Sinia' pajk'i ti kassejlit ka ijiatayi ni awoki, 'yina kas'wen'ne, it'imina ti je isiwitits'e'm niwa jlamtis, jak je iyoyiji 'ni iyo'ni amtiki ti je niliak. Je napoka napo i'nio' ka iyojonk'iye ka 'yakanitie'ni, 'wenajlitieje pa Sinia' ti awoktajank'iye ka 'yakajanitie'ni, ti jla'am ti kas'ye'en iyo niwa sikiojwa'l.

Filemón 1:14

'Yina nak ja ke iyine 'ate ka woyi, kajeyepa ti 'esiji ka ama a'am siupa jawoyi ti ja atankiujnieyeja'. Sek jane'yi ka je atajlatak'inie'e siuti jawoyi, ni'ne ka jeye.