1 Corintios 9:14 - Sinia' Jlamtis 1994

¹⁴ 'Yina kia'iyoyiyi siunapo ti iyo jlamtikieyi napo i'nio' niwa Sinia' jlamtis, siupi Saka'niona iyo'ate, “'Esiji ka intajlaja'm pet ni i'nio' jikijmaye pi k'iejliyi pi isitia'n.”

1 Corintios 9:14 ပူးပေါင်းရင်းမြစ်များ

Mateo 10:10

ni'ne ka aseliye japa ka atonie, ká a'lonitie puwaka as'wuyeye, ká awoye askiajata. Kajeyepa siunie i'nio' inkijmayewo, tepa jawo ka je in'yekiu'n.

Lucas 10:7

“'Wuk siojopa jleye'yi ká atajlayi, kima'yi ilia'm pi k'iejliyi ti janwe'nase'm, siuti ja inkojnienajyi'n, ni'ne ka in'yayinajyi pi k'iejliyi. Lapakawo ti jlam je isijmi wek ilia'm ni i'nio siojona jikaja, kajeyepa ti isijme'n ni i'nio'. Ká ajlasayejap, siojopa 'wuk jloyeyi ká atajlayi, ká ekiajlajyi'ni puwa ji'wetis papo i'nio'.

Lucas 10:8

Jawayeyipi siupa isi' jloyeyi, siupapo janki'm aselia'm, ja k'iejliyeyipe pa janwe'nase'm kima'yi ilia'm, ka towayepe.

Hechos 18:3

'Yina ti Pablo jikijmaye kia'iyoyi, iyo papo ti isimisie'ni puwa 'nejes. Jak je iyoyiji'ni ti sek 'wanjle'e ti iyo ka inoyeje, ti ats'ilka ka inkijme'n.

1 Corintios 4:15

'Wanjliyi ka je piniye papo ka 'neyasanayi pi iyo pi Sijwajieti ka ne'yasap, 'yina je 'loj siunapo iyo'ate napo asnawot. Ya'am ti asnak'i'm ti kasjwanjliyik'i pa Sijwajieti Jesús, kajeyepa ti yampe ti ato'niase ni siunie inka'niye ti 'es, Sinia' tajle.

1 Corintios 9:11

'Yina kia'iyoyi siuti po' jana inseliaki ti akawijnanajats'i niwa asosikis ti insisieyi, ¿ma aka'ajwejlasanat'e ka 'yejlaja'ase'm pet siojopa ka ts'esi?

1 Corintios 9:12

'Yina siuti po' siunapo ti iyo ka anoyeyeje, je jlenajia'm. ¿Tepi iyo pet ti sa'am? ¿Ma aka'ajwejlasanat'e? Mejla'ala ka nakaye ka iyokijyi'n, 'yina wuj ti anilayitieje niwaka, ka lajak'i ki iyo ni yits'e, ti je 'es ka i'winki'nase'm naka, ka najataja ka intajli'yi ni i'nio' ni asetiana, siu'neje ti awoktajank'iye ka inkamajas ka ink'iuyisi niwa Sinia' jlamtis ti ijwi'il pi iyo pa Sijwajieti Jesús.

1 Corintios 9:16

Siuti ya'am je aniwuniti ti awo yamtikieyi napo i'nio' ti ajwejla'm niwa inamtis ti isis, kajeyepa ti naka ti isijmaye ti je 'es ka je iyoyi. ¡Ijiate ti iwit'ia janejyi siuti ja ke iyoyi yamtikie'!

1 Corintios 9:4

'Yejne'n, je aka'ajwejlasa'n ka tiwenak'i'm pa ka k'iejliyeyi pa ka itiujw, jla'yi ka k'iejliyeyi pa ka i'yaje,

2 Corintios 2:12

Ti ajoyeyi siujlieja isi' jle' iyo'ate Troas, ti jayo yamtikie' ti jajwil kiwa Sinia' jlamtis ti ijwil pa Sijwajieti, jlajmiliet ti ayeyi, sek a'yi ti poye ni awo ti sats'ilka ka isijme'n, ka iyo yamtikie'.

Gálatas 6:6

Siunie i'nio' ini'neyasane niwa Sinia' jlamtis, 'esiji ka kia'iwo pit janekiajle ilia'm siuniwa isis kawoyi, ti janoyeje ni siunie jika anechiyas.

1 Tesalonicenses 1:5

Siuti anamaye'asejepi niwa Sinia' jlamtis ti isis, je 'nakata, siu'neje ki iyo ni jijweye jana Sinia' jikimet ti 'es, 'yaka ti ijiatk'i jla'am. Mejla'ala ka je 'najanayi siunie ti iyo ti si'wena ti a'yasap, kajeyepa ti ajalasa pet ask'ioye pa ka 'nisisieyi.